A kikhek kigakcipna thukham taangpite

Lunghihmawhna khatpeuh na neih leh coronavirus hotline 1800 675 398 hopih in (nai 24 kihong).
Kamphen na kisap leh TIS National 131 450 ah hopih in.
Triple Zero (000) pen emergency a ding bekin zang in.

Phawk hamtang ding thu

  • Koikoi ah na om phial zongin, inn pan na pusuah ciangin na naak leh kam a tuamkim zo maituam thuah hamtang in.
  • Midangte tawh meter 1.5 kigamla in om in.
  • Na khut sil siang zel in.
  • Na ci a nop kei leh inn ah om in. Nasem dingin kuan kei in.
  • Na khuh leh hatchiai ciangin tissue ahih kei leh na kiu tungah khuh in.
  • Coronavirus (COVID 19) natna lim leh mel na neih leh kisit sak hamtang in.
  • Coronavirus kisitna pen mi khempeuh a dingin a khawnkhong hi. Tuate lakah Medicare card nei lo ahi, tuipi gal pan hong zinte, pemlut nasemte leh gambel ngente (asylum seeker) zong kihel hi.

Hih laimai ah

Victoria a tu laitak kigakcipna thukham dinmunte

Victoria ah a ngeina bat kikna (COVID Normal) ding a kigakcipna thukhamte a kikhahkol zia leh malaknate pen Coronavirus (COVID-19) kihonkikna lampi ah kigelh hi.

Melbourne khuapi sung a ding gelna khat leh Victoria khua neute a ding gelna dang khat om hi.

Chief Health Officer in a hun zui in kigamcipna thukhamte laih thei hi.

Melbourne Khuapi sung

Kalsuan nihna: 28 September 2020 a kipanin Melbourne khuapi huam sungah

Melbourne khuapi huam sungah pusuah theihlohna (curfew ) pen 28 September 2020 zingsang nai 5am panin om nawn lo hi.

Hih thu nam li te hangin na inn pan na ut hunhun in na pusuak thei hi:

  • Nek le dawn leh kisap van lei ding
  • Exercise (apua leh ciangtan om)
  • Phalna ngah nasepna
  • Mikem ding, dongtuakna khat peuh hang ahih kei leh damlo kilak dingin.

Hih hun panin:

  • Innkuan nih pan mi 5 ciang a pua lam ah kimukhawm thei ding hi.
  • Prep (tan lang pan tan 6 ciang sang naupangte ,VCE,VET/VCAL leh gual banlo sanginnte (specialist schools) a sangkah sangnaupang te Term 4 ciang sang lut kik ding geelna om hi.
  • Naukepna munte kihong kik ding hi.
  • Nasepna mun tampi kihong ding hi.
  • A pua lam tuipeekna munte kihong kik ding, personal training dingin a hilh khat leh a sin nih kingah ding hi.
  • A pua lam biakna lam kikaihkhopna pen biakna makai khat leh mi nga ciang kihel thei ding hi.
  • A pua lam a kibawl mopawi ah mi nga ciang kihel ding kiphal hi (tuate lakah a kiteng tegel leh a teci tegel kihel hi)
  • Kumpi thukhun tawh kituak lopi a Victoria khua neute ah khual na zin leh Victoria palik ten $4,957 tan ong liausak thei uh hi.Tua banah a pua lamah na lawmte leh inn khat a na omkhoppih loh na innkuanpihte tawh mi nga sang a tamzaw tawh na kimuh khop uh leh zong ong liausak thei uh hi. A hang kician, gentehna in damlo khoi ding cih bang ahilo neilopi in lawmte ahih kei leh na innkuanpihte lengla a na neih le zong hong kiliausak thei hi.

Kalsuan thumna: A taangpi a suutin a beisa ni 14 sung (state bup) ah natna ngah thak mi nga sangin a tawm zawk (state bup) banah cidamna lam mipil misiamte in a thukim uh leh.

Hih hun panin:

  • Vakkhiat theihlohna thukham (curfew) leh inn pan pusuah phallohna leh a gamla a paikhiat theihna ciangtanna leh thukham om nawnlo ding hi.
  • Mi 10 ciang a pua ah kikaikhawm thei ding hi.
  • Na inn ah innkuan dang khat panin lengla 5 ciang nei thei ding hi the. Ahih hangin amau teng pen innkuan khat pan ahih hamtang kul hi.
  • Natna ngah thak tawmin cidamna lam mipil misiamte in a thukim uh leh tan 7 pan tan 10 ciang sang naupangte sang lut kik thei kha ding uh hi.
  • Van zuakna saite leh sam met saite kihong kik ding hi.
  • An sai leh nek theih dawn theih zuakna sai neute’n a pua lam ah tutna koih in mi 10 ciang tu thei ding in hong thei ding uh hi.
  • Picing pumpi kisawh kha lo kimawlnate kihong kik ding hi. Kum 18 nuai siah apualam kimawlna kizom kik ding (pumpi kisawh kha leh kisawh kha lo).

Kalsuan tawpna: Mipi cidamna tawh kisai ngaihsut hoih piakna leh a beisa ni 14 sung in natna ngah thak omlo-in, cidamna lam mipil misiamte’ thukimna tawh kizui in.

Hih hun panin:

  • Mi 50 ciang a pua ah kikaikhawm thei ding hi.
  • Na inn ah lengla 20 ciang nei thei ding hi the.
  • Van zuakna sai khempeuh kihong ding hi.
  • An sai leh nek theih-dawn theih sai neute in a sung ah mi 20 tusak thei ding uh a, a vekpi a gawmin mi 50 ciang sai ah midang (customer) nei thei ding uh hi.
  • Kimawlna kipan kik thei ding, kikep bitna ding geelna nei-in. Pumpi kisawh kimawlna pen kum ciangtan omlo in kizom kik thei ding hi.
  • Mopawi leh sih vuina ah mi 50 ciang kihel thei ding hi.
  • Metre square li thukhun a kizuih leh mipi biakpiakna te kipan kik thei ding hi.

COVID Normal: Ni 28 sungin natna nei thak a om kei a, natna nei lai (state bup-ah) om lo-in, Australia ah natna kipan kik ding cih patauhna omlo in, cidamna lam mipil misiamte’n a thukim uh leh kizang ding hi.

Hih hun panin:

  • Bitdan dinmun tungah kinga-in kigakcipna thukhamte bei sak a hih kei leh kikhahkol ding hi.
  • Inn pansan a na semte nasepna phual ah damdamin sem kik thei ding hi.
  • Mopawi leh sihvuina ah mi ciangtan om lo ding hi.
  • Kikaihkhopna leh inn ah lengla neih ciangtan om lo ding hi.

Victoria sung a khua neute

Kalsuan thumna:

Zan nai 11:59pm 16 September 2020 a kipan Victoria khuaneute ah:

  • Victoria khua neu te ah inn pan pusuah theihna ding a hang leh paikhiat theih tan ding a gamlatna zong kiciangtan nawnlo hi.
  • Mi 10 ciang a pua ah omkhawm thei ding hi.
  • Innkuan dang khat panin mihing nga ciang lengla neih theih hi. Tua na lenglate pen innkuan khat pan bek ahih kul hi. Kigakcipna thukham om sungin na innah hong hawh ding innkuan dang pan mi khat bek na teel thei hi. Naungek kha 12 nuaisiah hih mihing a ciangtan na sungah kihel kha lo hi.
  • Ansai leh nek theih-dawn theih saineu te’n a pua lamah tutna koihin, mi 10 ciang nei thei ding uh hi.
  • Pumpi kisawh kha lo kimawlnate kumcing ten damdamin zom kik thei ding hi. Kum 18 nuai siah te’ n a pua lam a kimawlnate (pumpi kisawh leh kisawh lo) zom kik thei ta ding hi.

Kalsuan tawpna: Mipi cidamna tawh kisai ngaihsut hoih piakna leh a beisa ni 14 sung in natna ngah thak omlo (state bupah) leh cidamna lam mipil misiamte thukimna tawh kizui in.

Hih hun panin:

  • Mi 50 ciang a pua ah omkhawm thei ding hi.
  • Inn ah mi 20 tan lengla nei thei ding hi.
  • Van zuakna sai khempeuh kihong ding hi.
  • An sai leh nek theih dawn theih sai neute kihong ding a, sai sungah mi 20 ciang tu thei in, a vakpi a gawm mi 50 ciang om thei ding hi.
  • Kimawlna kipan kik thei ding, kikep bitna ding geelna nei-in. Pumpi kisawh kimawlna pen kum ciangtan omlo in kizom kik thei ding hi.
  • Mopawi leh sihvuina ah mi 50 tan kihel thei ding hi.
  • Metre square li thukhun a kizuih leh mipi biakpiakna te kipan kik thei ding hi.

COVID Normal: Ni 28 sungin natna nei thak a om kei a, natna nei lai (state bup-ah) om lo-in, Australia ah natna kipan kik ding cih patauhna omlo in, cidamna lam mipil misiamte’n a thukim uh leh kizang ding hi.

Hih hun panin:

  • Bitdan dinmun tungah kinga-in kigakcipna thukhamte bei sak a hih kei leh kikhahkol ding hi.
  • Inn pansan a na semte nasepna phual ah damdamin sem kik thei ding hi.
  • Mopawi leh sihvuina ah mi ciangtan om lo ding hi.
  • Kikaihkhopna leh inn ah lengla neih theih zah ding ciangtan om lo ding hi.

A bit leh cidam ding a kikepzia

Coronavirus (COVID-19) pen eite lakah om lai-in kilawhsawnna baih mahmah lai hi. I innkuanpihte leh I mipihte bit taka a om theih na dingin, ei lam pan I hih theih dan tek in mapang ciat ni.

Bittak a na om theih na dingin na hih theih thu ol no te:

  • Na khut satpiang leh tui tawh a tawm pen second 20 sung sil siang in.
  • Na khuh leh hatchiai ciang tissue ahih kei leh na kiu tung ah khuh in.
  • Mi tawh metre 1.5 kigamla in om in.
  • Inn pan na pusuah ciangin na naak leh kam tuamkim zo maituam thuah in.
  • Na cidamna kisit sak in.
  • Na ci anop kei leh, inn ah om in. Innkuanpihte’ kiangah hawh kei inla nasem dingin zong kuan kei in.
  • Natna lim leh meel na neih leh kisit sak in la na man ciangin inn ah ciah suak pah in.

Huhna om hi

Na kisitna a phi na ngak laitak na nitha ngah sup ding na lunghihmawh leh, coronavirus (COVID-19) Test Isolation Payment a kici huhna sum $450 ngah kha thei ding hi teh.

Natna na ngah leh ahih kei leh natna nei sa khat tawh kinai taka kisawh khakna na neih leh huhna sum $1500 na ngah thei kha ding hi. A thu na theih beh nop leh Coronavirus Hotline 1800 675 398 sam in. Kamphen na deih leh beem (0) meek in.

Nang na hi zong na mel theih mi khat peuh in patauhna ahih kei leh lunghihmawhna a neih leh Lifeline nambat 13 11 14 ahih kei leh Beyond Blue te nambat 1800 512 348 meek in hopih in. Kamphen na kisap leh 131 450 sam masa in.

Nang kia lungleng khuangai a na om leh Coronavirus (COVID-19) hotline 1800 675 398 sam in la nambat thum (3) meek in. Australian Red Cross a volunteer tawh na kiho kha ding a amaute’n a kisam tualsung kipawlna tuamtuamte tawh hong kizom sak ding uh hi.

Maituam

Victoria sung a teng mihing kum 12 pan a tung siah khempeuh in maituam zat theih lohna thu kician a neih kei buang leh inn pan pusuah ciang naak leh kam a tuamkim zo maituam thuah hamtang ding hi. Gentehna:

  • A nasia mahmah mai vun damlohna nei ahih kei leh naaklah cih dan damlohna a nei na hih leh
  • Mataw sungah nang bek ahih kei leh na innkuanpihte tawh a tuang khawm na hih leh
  • Cidamna ding nakpi tak a exercise na hih zongin, maituam na puak veve kul hi.

Zan 11:59pm, 11 October a kipanin na naak leh mai tuamkim zo maituam na thuah hamtang kul hi. Cihnopna ah mai daal (face shield), mainul neu (bandana) leh dial te pen maituam kim zo ci in kingaihsun nawn lo ding hi.

Kigak cipna thukhamte a kikhahkol tawh kizui-in mihing gamtatnate hong khang ahih manin, na naak leh kam tuam kim zo maituam thuah ding hong thupi mahmah hi.

Kisitna leh kituamkepna

Coronavirus (COVID-19) natna lim leh mel khatpeuh na neih leh kisitsak hamtang in la na kisitna phi na ngah ma tan inn ah om in. Sai ah pai kei in la nasem dingin zong kuan kei in.

Coronavirus natna lim leh mel te:

  • Ci sa, khuasik, khua-ul neel kaai
  • Khuh ahih kei leh gawlna
  • Husam
  • Naptui
  • A gim leh a limna thei lo

Coronavirus (COVID-19) kisitna pen mi khempeuh a ding a khonkhong hi. Tua sungah Medicare card nei lo gamdang tuipigal pan hong zinte, na sem a hong paite leh gambeel galtai te zong huam hi.

Coronavirus (COVID-19) kisitna panin natna na neih leh, inn ah kituamkep in. Coronavirus (COVID-19) natna na ngah leh bang hih ding (Word).

Coronavirus (COVID-19) nei khatpeuh tawh kinai tak kisawh khakna na neih leh nang le nang ni 14 sung na kituamkep hamtang in. Thu na theih behlap nop leh hiah en in Coronavirus (COVID-19) nei khatpeuh tawh kinai taka na kisawhkhak leh bang cih ding (Word).

A manpha thu le la te phungpi

Hih anuaia thute na zang in la na minam sungah email, social media ahih kei leh minam kizopnate ah hehpihna tawh na hawmsawn in.

Kisitna leh kituam kepna vai

Bit tak a omna

Huhna ngah theihna

Maituamna