Coronavirus (COVID-19) திடீர்ப் பரவலைப் பற்றிய தகவல்கள், புதுச் செய்திகள் மற்றும் அறிவுரைகள்.
Information, updates and advice about the outbreak of coronavirus (COVID-19).
இந்தப் பக்கத்தில் (On this page)

உங்களுக்குக் கவலைகள் ஏதும் இருந்தால், 1800 675 398-இல் (24 மணி நேர) ‘கொரோனா வைரஸ் (coronavirus )அவசர இணைப்’பினை அழையுங்கள்.
மொழிபெயர்த்துரைப்பாளர் ஒருவர் உங்களுக்குத் தேவைப்பட்டால், ‘TIS நேஷனல்’ (TIS National)-ஐ 131 450-இல் அழையுங்கள்.
இலக்கம் ‘000’ -வை அவசரகாலங்களுக்கு மட்டுமென வைத்துக்கொள்ளுங்கள்.

நீங்கள் நினைவில் கொள்ளவேண்டிய விடயங்கள் (What you must remember)

  • Coronavirus நோய்த்தொற்றிற்கான அறிகுறிகள் உங்களுக்கு இருந்தால், நோயறிவுச் சோதனையை மேற்கொள்ளுங்கள். 
  • உங்களுக்கு உடல்நிலை சரியில்லை என்றால், வீட்டிலேயே இருங்கள். குடும்பத்தினரைப் பார்க்கவோ, வேலைக்கோ போகாதீர்கள்.
  • உங்களுடைய கைகளைக் கழுவிக்கொள்ளுங்கள், ஒரு காகிதத் திசுவிற்குள்ளாக அல்லது உங்களுடைய முழங்கை மடிப்பிற்குள்ளாக இருமுங்கள் அல்லது தும்முங்கள், மற்றும் நீங்கள் உடன் வசிக்காத அனைவரிடம் இருந்தும் 1.5 மீட்டர் தூர இடைவெளி விட்டு விலகி இருங்கள். 
    உங்களால் இயலுமானால், நீங்கள், தொடர்ந்து வீட்டிலிருந்து வேலை செய்யவேண்டும். 
  • தற்போதைய சூழ்நிலை மாறினால், தலைமைச் சுகாதார அதிகாரி (Chief Health Officer) அவர்கள் கட்டுப்பாடுகளை மாற்றக் கூடும். 
     

விக்டோரிய மாநிலத்தில் நடைமுறைப்படுத்தப்பட்டுள்ள மிகச் சமீபத்திய கட்டுப்பாடுகள் (Latest restrictions in Victoria)

ஜூலை 2-ஆம் திகதியிலிருந்து, விக்டோரிய மாநிலத்தின் குறிப்பிட்ட சில பகுதிகளில் வெவ்வேறு கட்டுப்பாடுகள் நடைமுறைக்கு வந்துள்ளன.

விக்டோரியாவில் மாநிலம் அளாவிய கட்டுப்பாடுகள்

ஜூலை 2-ஆம் திகதியிலிருந்து:

  • அங்காடி மையங்களும் (Shopping centres), வெளிப்புற சந்தைகளும் பொருள் வாங்க வருபவர்களுடைய எண்ணிக்கையை மட்டுப்படுத்தவேண்டியது கட்டாயமாகும். 
  • கட்டுப்பாட்டுக்குள்பட்டஅஞ்சல் குறியீட்டுப் புறநகர்ப் பகுதிகளுக்கு வெளியே வசிப்பவர்கள் நான்கு காரணங்களை முன்னிட்டு மட்டுமே அந்தப் பகுதிகளுக்குள் பயணம் செய்யலாம் .:
  1. உணவு அல்லது மற்ற அத்தியாவசியப் பொருட்களை வாங்க 
  2. பராமரிப்பு அளிக்க, கருணை அடிப்படையிலான காரணங்களுக்காக அல்லது மருத்துவ சிகிச்சைக்காக
  3. வெளிப்புற உடற்பயிற்சிக்காக
  4. உங்களால் வீட்டிலிருந்து வேலை செய்ய அல்லது படிக்க இயலவில்லை எனில், வேலைக்காக அல்லது படிப்பிற்காக

ஜூன் 22-இல் இருந்து இருக்கும் (கீழே உள்ள)  கட்டுப்பாடுகள் இப்போதும் தொடர்ந்து விக்டோரிய மாநிலம் நெடுக நடைமுறையில் இருக்கும். கூடுதலாக:

கட்டுப்பாடுகள் நடைமுறைக்கு வந்துள்ள அஞ்சல் குறியீட்டுப் புறநகர்ப் பகுதிகள்

ஜூலை 2-ஆம் திகதியில் இருந்து, இந்தப் புறநகர்ப் பகுதிகளில் ‘மூன்றாம் - நிலை ‘வீட்டில் இருங்கள்’ (Stage 3 Stay at Home) கட்டுப்பாடுகள் நடைமுறைக்கு வந்துள்ளன. 

  • 3038 – Keilor Downs, Keilor Lodge, Taylors Lakes, Watergardens 
  • 3021 – Albanvale, Kealba, Kings Park, St Albans 
  • 3012 – Brooklyn, Kingsville, Maidstone, Tottenham, West Footscray 
  • 3042 – Airport West, Keilor Park, Niddrie, Niddrie North
  • 3064 – Craigieburn, Donnybrook, Mickleham, Roxburgh Park, Kalkallo 
  • 3047 – Broadmeadows, Dallas, Jacana 
  • 3060 – Fawkner 
  • 3032 – Ascot Vale, Highpoint City, Maribyrnong, Travancore 
  • 3046 – Glenroy, Hadfield, Oak Park 
  • 3055 – Brunswick South, Brunswick West, Moonee Vale, Moreland West 

and from 5 July

  • 3031 – Kensington, Flemington
  • 3051 – North Melbourne, Hotham Hill

இந்தப் பகுதிகள் ஏதேனும் ஒன்றில் நீங்கள் வசித்துவந்தால், ஜூலை 2-ஆம் திகதியில் இருந்து, நான்கு காரணங்களை முன்னிட்டு மட்டுமே நீங்கள் வீட்டை விட்டு வெளியே செல்லலாம்:

  1. உணவு அல்லது மற்ற அத்தியாவசியப் பொருட்களை வாங்க 
  2. பராமரிப்பு அளிக்க, கருணை அடிப்படையிலான காரணங்களுக்காக அல்லது மருத்துவ சிகிச்சையைப் பெற
  3. உடற்பயிற்சிக்காக (உங்கள் வீட்டைச் சேர்ந்த மற்ற ஒரே ஒரு நபர் அல்லது குடும்ப அங்கத்தவருடன், வெளிப்புற உடற்பயிற்சி)
  4. உங்களால் வீட்டிலிருந்து வேலை செய்ய அல்லது படிக்க இயலவில்லை எனில், வேலைக்காக அல்லது படிப்பிற்காக

பராமரிப்பு மற்றும் கருணை அடிப்படையிலான காரணங்களுக்காகத் தவிர, உங்களைப் பார்க்க யாரும் உங்களுடைய வீட்டிற்கு வரக்கூடாது, அல்லது மற்றவர்களைப் பார்க்க நீங்கள் போகக்கூடாது. மேலே கோடிட்டுக் காண்பிக்கப்பட்டுள்ள நான்கு காரணங்களில் ஏதாவது ஒன்றிற்காகத் தவிர நீங்கள் பயணம் செய்ய இயலாது. 

இந்த அஞ்சல் குறியீட்டுப் புறநகர்ப் பகுதிகளில் இடம்பெறும் நடவடிக்கைகள் மற்றும் இங்குள்ள பொது இடங்களுக்கானக் கட்டுப்பாடுகள் நடைமுறைக்கு வந்துள்ளன:

  • உணவகங்கள் மற்றும் ‘கஃபே’-க்கள் (cafes) எடுப்புச் சாப்பாடு மற்றும் வீட்டு விநியோகம் (home delivery) ) மற்றுமே கொடுக்க இயலும்
  • எடுப்புச் சாப்பாடு அல்லது எடுப்பு மது விற்பனையைத் தவிர, மது அருந்தகங்கள் மற்றும் இரவு ஆட்ட விடுதி (clubs) ‘க்ளப்’-புகள் மூடியிருக்கும்
  • சிகை அலங்காரம் மற்றும் முடி-திருத்தகங்களைத் தவிர, அழகு நிலையங்களும், தனிநபர் பராமரிப்பு சேவைகளும் கட்டாயமாக மூடப்படவேண்டும்
  • நூலகங்கள், சமூக நிகழ்விடங்கள், விளையாட்டு மையங்கள் மற்றும் விடுமுறைக்காலத் தங்கும் இடங்கள் ஆகியன மூடப்பட்டிருக்கும்
  • கலைக் கண்காட்சிக் கூடங்கள் (galleries), அருங்காட்சியகங்கள், வரலாற்றுச் சிறப்புள்ள இடங்கள், விலங்குக்காட்சிச் சாலைகள், பொழுதுபோக்குப் பூங்காக்கள் மற்றும் மூடிய நடைச்சாலைகள், விளையாட்டு மையங்கள், உட்புற மற்றும் ‘டிரைவ்-இன்’ திரையரங்குகள், இசை நிகழ்விடங்கள், அரங்குகள், கலையரங்குகள், செயற்களங்கள், விளையாட்டு-அரங்குகள் மற்றும் சூதாட்டக்-கூடங்கள் ஆகியன மூடப்பட்டிருக்கும்
  • உடற்பயிற்சியகங்கள், பயிற்சி வசதிகள் மற்றும் நீச்சல்குளங்கள் ஆகியன மூடப்பட்டிருக்கும். பயிற்சிபெறும் இரண்டு நபர்கள் மற்றும் பயிற்சியளிப்பவர் ஆகியோர் மட்டும் பங்குபெறும் வெளிப்புறப் பயிற்சி அனுமதிக்கப்படும்  
  • திருமணங்களில் ஐந்து நபர்கள் மட்டுமேபங்கு பெறலாம் என்று கட்டுப்படுத்தப்படும் (மணமக்கள், இரண்டு சாட்சிகள் மற்றும் திருமணச் சடங்காளர்)
  • இறுதிச்சடங்குகளை நிறைவேற்றத் தேவைப்படும் நபர்களுடன் 10 அஞ்சலி செலுத்துபவர்கள் வரைக்கும் இறுதிச் சடங்குகளில் பங்கேற்கலாம் என்று கட்டுப்படுத்தப்படும்
  • சொந்த வீடுகளில் நடைபெறும் திருமணங்கள் அல்லது இறுதிச் சடங்குகளில், வீட்டைச் சேர்ந்தவர்கள் மற்றும் சடங்குகளை நிறைவேற்றத் தேவைப்படுபவர்கள் ஆகியோர் மட்டுமேபங்கேற்கலாம் என்று கட்டுப்படுத்தப்படும். 

சமயச் சடங்குகளும் வழிபாடுகளும் இணையம் வாயிலாக மட்டுமே ஒளிபரப்பப்படலாம்.

‘பருவம் 3’ துவங்கும்போது மாணவ-மாணவியர்கள் பாடசாலைக்குச் செல்லலாம்.

கட்டுப்பாடுகள் நடைமுறைக்கு வந்துள்ள அஞ்சல் குறியீட்டுப் புறநகர்ப் பகுதிகளில் வசிக்கும் நீங்கள் இப்போது விடுமுறையில் சென்றிருந்தால் உங்களுடைய விடுமுறைக் காலத்தை நீங்கள் தொடரலாம். 
 

COVID-19 சமூக ஒத்துழைப்பு மற்றும் புறநகர்ப் பகுதிகளில் அதிகரிக்கப்பட்ட நோயறிவுச் சோதனைகள் (COVID-19 community engagement and increased testing in suburbs)

கொரோனா வைரஸ் (Coronavirus)  நோய்த்தொற்று அதிகரித்துள்ள புறநகர்ப் பகுதிகளில், தகவல்கள் மற்றும் நோயறிவுச் சோதனைகளை அளிப்பதற்காக நாங்கள் இங்கு வசிப்பவர்களுடைய வீடுகளுக்கு வர உள்ளோம். 
 
நோயறிவுச் சோதனைகளை எங்கு மேற்கொள்ளலாம், மற்றும் சுய-தனிமைக்கான தேவை உங்களுக்கு ஏற்பட்டால், நிதியுதவி மற்றும் இதர உதவிகளை எப்படிப் பெறுவது என்பதைப் பற்றிய விபரங்கள் இந்தத் தகவல்களில் உள்ளடங்கும்.

உங்கள் வீடுதோறும் வருபவர்கள் நீங்கள் வசிக்கும் பகுதியில் இருந்தால், உங்களுக்கு ஒரு குறுஞ்செய்தி வரும். 

உங்களுடைய வீட்டிற்கு வருபவர்களுடன் பேசுவதற்கு மொழிபெயர்ப்பாளர் ஒருவர் உங்களுக்குத் தேவைப்பட்டால், 131 450-இல் TIS National-ஐ அழையுங்கள். 
 
இந்தப் புறநகர்ப் பகுதிகளில் நடமாடும் சோதனை வாகனங்களும் வீட்டில் செய்யப்படும் ‘உமிழ் நீர் ஒற்றி’ சோதனை உபகரணங்களும் கிடைக்கும். 
 

தற்போது நடைமுறையிலுள்ள கட்டுப்பாடுகள் – கட்டுப்பாடுகள் நடைமுறைக்கு வந்துள்ள அஞ்சல் குறியீட்டுப் புறநகர்ப் பகுதியில் நீங்கள் வசிப்பவர் அல்ல என்றால் தற்போது நடைமுறையிலுள்ள கட்டுப்பாடுகள் தொடரும் (Current restrictions – unless you are in a restricted postcode)

  • உங்கள் கைகளைக் கழுவுங்கள், நீங்கள் இருமும்போது அல்லது தும்மும்போது உங்களுடைய வாயையும் மூக்கையும் மூடிக்கொள்ளுங்கள், மேலும் மற்றவர்களிடமிருந்து 1.5 மீட்டர் தூரத்திற்குப் பாதுகாப்பான இடைவெளி விட்டுத் தள்ளியிருப்பதைக் கடைப்பிடியுங்கள். 
  • உங்களுக்கு உடல் நிலை சரியில்லை என்றால், வீட்டில் இருங்கள். குடும்பத்தினரைப் பார்ப்பதற்கோ அல்லது வேலைக்கோ போகாதீர்கள். 
  • ‘கொரோனா வைரஸ்’ (coronavirus) நோய்த்தொற்றிற்கான அறிகுறிகள் உங்களுக்கு இருந்தால், நீங்கள் நோயறிவுச் சோதனையைக் கட்டாயமாக மேற்கொண்டாக வேண்டும். 
  • உங்களால் இயன்றால், வீட்டிலிருந்து வேலை செய்வதை நீங்கள் கட்டாயமாகத் தொடரவேண்டும். 
  • குடும்பத்தினரை அல்லது நண்பர்களை நீங்கள் பார்க்கச் சென்றால், தள்ளியிருந்து சமூக விலகலைக் கட்டாயமாகப் பின்பற்றவேண்டும் – கைகுலுக்கல்கள் மற்றும்  அணைப்புகள் ஏதும் கூடாது. உங்களுடைய அன்பிற்குப் பாத்திரமானவர்களைப் பாதுகாக்க இது உதவும். 
  • சூழ்நிலைகளில் மாற்றம் ஏற்பட்டால், ‘தலைமை சுகாதார அதிகாரி’ (Chief Health Officer) அவர்கள் கட்டுப்பாடுகளை மாற்றலாம்.  

21 ஜூன் 2020 இரவு 11.59 மணியில் இருந்து, சில கட்டுப்பாடுகள் மாறியுள்ளன. ஒன்றுகூடும் நபர்களின் எண்ணிக்கையைக் குறைப்பதற்காக அறிவிக்கப்பட்டிருந்த சில கட்டுப்பாடுகள் தாமதப்படுத்தப்பட்டுள்ளன அல்லது மாற்றப்பட்டுள்ளன. விக்டோரிய மாநிலத்தில் ‘கொரோனா வைரஸ்’ (coronavirus) நோய்த்தொற்று உள்ளவர்களின் எண்ணிக்கை அதிகரித்திருப்பதால் இந்த மாற்றம் ஏற்படுத்தப்பட்டுள்ளது. 

22 ஜூன் -இல் இருந்து 5 நபர்களுக்கு மேற்பட்டவர்கள்:

  • ஒரே நேரத்தில் உங்கள் வீட்டிற்கு வர இயலாது.

22 ஜூன் -இல் இருந்து 10 நபர்கள் வரைக்கும்:

  • பொது இடங்களில் உட்புறமாக அல்லது வெளிப்புறமாக ஒன்று கூடலாம்.

22 ஜூன் -இல் இருந்து 20 நபர்கள் வரைக்கும்:

  • ஒரு அறைக்கு 20 நபர்கள் என்ற கணக்கில், உணவகங்கள், ‘கஃபே’க்கள் (Café), மதுஅருந்தகங்கள் அல்லது ‘பார்’களுக்குச் (bar) செல்லலாம். சாப்பாடு இல்லாமல் மது பரிமாறப்படலாம், ஆனால் வாடிக்கையாளர்கள் அமர்ந்திருக்கவேண்டியது கட்டாயம். ஒரு குழுவில், அதிகபட்சமாக, 10 பேர் இருக்கலாம். 

  • உட்புறங்களிலும், வெளிப்புறங்களிலும் விளையாட்டுகள் மற்றும் உடற்பயிற்சிகளை மேற்கொள்ளலாம். உடற்பயிற்சியகங்கள் மற்றும் நீச்சல் குளங்கள் ஆகியன உள்ளடங்க, விளையாட்டு மையங்களுக்குச் செல்லலாம். ஒவ்வொரு குழு நடவடிக்கைக்கும் 10 நபர்கள் வரை என வகுப்புகள் மட்டுப்படுத்தப்பட்டுள்ளன. 

  • நிகழ்ச்சிகளை ஏற்பாடு செய்பவர்களுக்கு மேலாக, வழிபாட்டுத் தலம் அல்லது சிறு சமயச் சடங்கு ஒன்றிற்குச் செல்லலாம். 

  • அழகு நிலையம் அல்லது ‘ஸ்பா’ (spa), சருமப்-பழுப்பேற்று நிலையம், முடி அகற்றல், நக அலங்காரம், பச்சைக் குத்தல் அல்லது உடற்பிடிப்பு நிலையத்திற்குச் செல்லலாம்.

  • திருமணச் சடங்காளர் மற்றும் சோடியினருக்கு மேலாக, திருமண நிகழ்ச்சிக்குச் செல்லலாம். தனிப்பட்ட வீடு ஒன்றில் திருமணம் நடைபெற்றால், மணச் சடங்காளருக்கு மேலாக 5 வருகையாளர்கள் வருகை தரலாம். 

  • கலாச்சார சமூக மையங்கள், நூலகம் அல்லது சமூகக் குழாம்களுக்குச் செல்லலாம். 

  • கலைக் காட்சிக்கூடம் (gallery), அருங்காட்சியகம், திரையரங்கம், அரங்கம், புராதணத் தலம், வெளிப்புறப் பொழுதுபோக்குப் பூங்கா அல்லது விலங்குக் காட்சிச்சாலை போன்ற இடங்களில் உள்ள ஒரு உட்புற இடத்தில் இருக்கலாம். வெளிப்புறப் பகுதிகளில் நான்கு சதுர மீட்டர் பரப்பளவில் ஒரு நபர் என்ற வகையில் அனுமதிக்கப்படுவர். 

  • விக்டோரிய மாநிலத்திற்குள்ளாக, முன்பதிவு செய்யப்பட்டத் தங்குமிடங்கள் மற்றும்/அல்லது முகாம் ஆகியன உள்ளடங்க, பயணம் செய்யலாம். 

இறுதிச்சடங்கினை வழி நடத்துபவர் மற்றும் இதர இறுதிச்சடங்குப் பணியாளர்களுக்கு மேலாக, 50 நபர்கள் வரை (உட்புற அல்லது வெளிப்புற) இறுதிச்சடங்குகளுக்குச் செல்லலாம். தனிப்பட்ட இல்லம் ஒன்றில் இறுதிச்சடங்கு நடைபெற்றால், அதிகபட்சமாக 5 அஞ்சலி செலுத்துபவர்கள் வரைக்கும் வரலாம். 

சமூக விளையாட்டு: 18 வயது அல்லது இதைவிடக் குறைந்த வயதுள்ளவர்களுக்கான ஒருவரை ஒருவர் தொடும் விதத்திலான விளையாட்டுப் பயிற்சி மற்றும் போட்டிகள் மீண்டும் துவங்கலாம். அனைத்து வயதினருக்குமான ஒருவரை ஒருவர் தொடாத விதத்திலான விளையாட்டுப் பயிற்சி மற்றும் போட்டிகள் மீண்டும் துவங்கலாம். 

கவனமாக இருக்கவேண்டும் என்பதை நினைவில் கொள்ளுங்கள், மற்றும் புத்திசாலித்தனமாக இருந்து உங்களைப் பாதுகாத்துக்கொள்ளுங்கள். உங்களால் வீட்டில் இருந்து வேலை செய்ய இயலும் என்றால், நீங்கள் கட்டாயமாக வீட்டிலிருந்து வேலை செய்யவேண்டும். அவசியமான தேவைகளுக்கு மட்டுமே வெளியே செல்லவேண்டும் என்ற வரையறையை ஏற்படுத்திக்கொள்ளுங்கள். 

‘கொரோனா வைரஸ்’ (coronavirus) நோய்த்தொற்று இருப்பதாகக் கண்டறியப்பட்டுள்ளவர் அல்லது இந்த நோய்த்தொற்று இருப்பதாக உறுதிப்படுத்தப்பட்டவருடன் நெருங்கிய தொடர்பில் உள்ள, தகுதி பெறும் விக்டோரிய மாநிலத் தொழிலாளர்களுக்கு உதவ,ஒரு-முறை மட்டும் வழங்கப்படும் $1500 கொடுப்பனவு கிடைக்கும். மேலதிகத் தகவல்களுக்கு 1800 675 398-இல் ‘கொரோனா வைரஸ்’ (coronavirus) உதவி இணைப்பை அழையுங்கள் (நாளுக்கு 24 மணி நேரம்). உங்களுக்கு மொழிபெயர்த்துரைப்பாளர் ஒருவர் தேவைப்பட்டால், 131 450-இல் TIS National-ஐ அழையுங்கள். 

மூலவளங்கள் (Resources)

தயவு செய்து கீழே காணும் வளங்களைப் பயன்படுத்துங்கள், மற்றும் மின்னஞ்சல், சமூக ஊடகங்கள் அல்லது மற்ற சமூகத் தொடர்புவலைகள் மூலமாக இவற்றை உங்களுடைய சமூகத்தினருடன் பகிர்ந்துகொள்ளுங்கள்.