O le tu’ufa’tasia o sūiga i mea ua fa’asāina

If you are concerned, call the coronavirus hotline 1800 675 398 (24 Hours).
If you need an interpreter, call TIS National on 131 450.
Please keep Triple Zero (000) for emergencies only.

O mea e tatau ona e manatua

  • E tatau ona pupuni lou gutu ma ‘ou fōliga pe a fai o le a e alu ‘ese ma lou fale/aīga.
  • Tautuanā e taofi le 1.5 mita [meters] le mamao o Oe ma isi tagata.
  • Fufulu ‘ou lima i so’o se taimi.
  • A fai ua e lagona ua e ma’i, nofo i le fale/aīga. Aua e te alu e te faigaluega.
  • Tale pe māfatua i se solo-pepa po’o lou gaugā-lima.
  • A fai e i ai ni āuga o le koviti [COVID-19] o e fa’alogoina, ua tatau ona siaki a oe
  • O le siaki o tagata mo le koviti [coronavirus] e le totogia. E aofia ai i lenei tulaga i latou e leai ni Medicare Card, e fa’apei o tagata āsiasi mai i atunu’u i fafo, o ē malaga mai mo galuega fa’avaitaimi fa’apea ma tagata-nofo-puipūia.

I luga o lenei itulau

O mea ua fa’asāina i le setete o Vitoria.

O fuafuaga mo le fa’aiti’itia o mea ua fa’asāina atoa ma le aga’i atu o Vitoria i le tulaga o le [COVID Normal] ua folasia uma lea i le Koviti( COVID-19) mo Le agai atu aua le toe foi I le mea e masani ai

E tasi le fuafuaga mo nofoaga o le taulaga o Melepone, e tasi fo’i le fuafuaga mo nu’u i tua o Vitoria.

O le Ofisa Sili (Chief Health Officer) o le Soifua Maloloina e mafai ona ia sūia ni mea ua fa’asāina pe a fai ua i ai ni fesuiāiga e tula’i mai.

Nofoaga o le Taulaga o Melepone

La’asaga e Lua: mai i le so 28 Setema 2020 i le taulaga Melepone [Melbourne] O le a lē toe faia le Sā sa masani ai i le taulaga o Melepone [Melbourne] mai i le 5.00 AM i le aso 28 Setema 2020.

E mafai ona e tu’ua lou fale/aīga i so’o se taimi mo se tasi o mafua’aga nei e fa [4].

  • Faia o se fa’atau o ni mea’ai po’o isi mea e tatau ai.
  • Fa’amalosi-tino (i fafo ma fa’atapula’a)
  • Galuega ua tu’uina atu se pemita e fai ai.
  • Tausiga o tagata matutua, po’o le sāilia o togafitiga fa’afoma’i.

Mo le faia o fa’amalosi-tino ma fa’atau mea e mana’omia, e ao ona e i totonu o le 5km mai i lou fale/aīga.

Mai i le taimi nei.

  • E fa’agata mai i le to’alima [5] tagata mai i ni aīga se to’alua e mafai ona mafuta ma feiloa’i i fafo.
  • O le a toe a’e tamaiti-āoga mai i le Prep se’ia o’o atu i le Grade 6, VCE/VET/VCAL, fa’atasi ma Āoga-fa’apītoa i le Tu’ua 4 [Term 4]
  • O le a toe tatala nofoaga e va’aia ai tamaiti [childcare].
  • O le tele o fale-faigaluega o le a mafai ona tatala.
  • O le a toe tatala nofoaga e tāe’ele ai i fafo [outdoor pools], e mafai ona a’oa’o e se faiāoga ni tagata se to’alua i le taimi e tasi.
  • O Sauniga Lotu e fai i fafo, e fa’ataga le to’alima o tagata tapua’i ma le ta’ita’i o le Sauniga e to’atasi.
  • Fa’ataga fa’aipoipoga i fafo ma tagata e le silia i le lima [5] (o tagata ia e aofia ai le ulugali’i ma molimau e to’alua).
  • E mafai e Leoleo o Vitoria ona fa’asala oe i se tupe e tusa ma le $4,957 pe a fai e te malaga i nu’u-i-tua o Vitoria e aunoa ma se mafua’aga tatau. E mafai fo’i ona fa’asalaina oe pe a fai e te va’aia nisi o āu uō po’o aīga e tou te le nonofo fa’atasi, ma e sili atu i le to’alima [5] tagata o lo’o outou mafuta i fafo.

La’asaga e Tolu: pe a fai e i ai se fuainumera e la’ititi ifo i le lima [5] ni ma’i fou (i le setete atoa) i le 14 aso ua tuana’i (setete atoa), ma ua malilie i ai le ‘au-popoto o le soifua maloloina.

Mai i le taimi nei

  • E leai se Sā e leai fo’i se fa’asāina o oe i le tu’ua o lou fale/aīga po’o le mamao o le nofoaga e te malaga i ai.
  • E fa’agata mai i le 10 le aofa’i o tagata e mafai ona mafuta i fafo.
  • E mafai ona ō mai i lou fale/aīga ni tagata se to’alima mai i se isi aīga. O tagata ia e ō mai i le aīga e tasi.
  • Tamaiti-aōga o le Grade 7 e o’o i le Grade 10 e ono mafai ona toe fo’o i le Aōga pe a maualalo le numera o tagata-mama’i ma malilie i ai le ‘au-popoto o le soifua maloloina.
  • Toe tatala fale’oti-ulu ma fale e teuteu ai Āo-o-tamaita’i.
  • Toe tatala fale’aiga ma nofoaga e taumafa ai le kofe ma le ti [cafés] fa’atasi ma nofoaga i fafo, ae e fa’agata mai i le 10 le aofa’i o tagata e tatau ona i ai i so’o se taimi.
  • Fuafua le toe amataina o ta’aloga e le fepa’ia’i e fai i fafo mo tagata matutua. O ta’aloga e fai i fafo o le a toe amataina mo tagata e i lalo ifo ole 18 tausaga le matutua (fepa’ia’i ma lē fepa’ia’i)

La’asaga Mulimuli: e fa’alagolago i fautuaga mai i le Soifua Maloloina, ma leai ni ma’i-fou i le 14 aso ua tuana’i, ma talia e le ‘au-popoto o le soifua maloloina lea tulaga.

Mai i le taimi nei

  • E fa’agata mai i le 50 tagata e mafai ona mafuta i fafo.
  • E mafai ona asiasi atu nisi e lē silia lo latou faitau aofa’i ma le 20 i lou fale/aīga.
  • O fale’oloa uma ua tatalaina nei.
  • O fale’aiga ma cafes ua mafai ona tatala mo tagata e lē silia le 20 e nonofo ma a’ai i totonu, ma tagata-fa’atau e lē silia le 50.
  • Toe amata ta’aloga, pe a fai e saogalēmu ona fa’ataunu’u. Fa’afeso’ota’i i latou o va’aia ta’aloga mo tagata uma.
  • Fa’aipoipoga ma Maliu, e mafai ona fa’atasia i ai nisi i lalo ifo o le 50 tagata.
  • Toe amataina Sauniga Lotu, ae fa’alagolago i le fa sikuea mita tulafono .

COVID Normal: pe a fai e leai se ma’i-fou o toe maua i totonu o le 28 aso, ma leai nisi o maua pea i le gasegase (setete-atoa), ma leai se isi o toe pisia i le fa’ama’i i Ausetalia, ma ua talia lenei tulaga e foma’i male ‘au-popoto.

Mai i le taimi nei

  • O mea sa fa’asāina o le a fa’afaigofie po’o le fa’atagaina loa e fuafua i tulaga ole saogalēmu o i ai.
  • O le a fuafua le toe fo’i o tagata-faigaluega i ā latou galuega, i latou sa galulue mai i ō latou fale/aīga.
  • Leai se tapula’a mo fa’aipoipoga po’o maliu.
  • Leai se tapula’a po’o se gata’aga mo e asiasi mai i lou fale/aīga.

Nu’u i tua o le taulaga o Vitoria

La’asaga e Tolu:

Mai i le itula e 11.59 PM i le aso 16 Setema 2020 i nu’u i tua o Vitoria:

  • E leai ni mea e fa’asāina pe a fai e te fia tu’ua lou fale/aīga po’o le mamao e te fia malaga ai i nu’u i tua o Vitoria.
  • E fa’agata mai i le 10 le aofa’i o tagata e mafai ona mafuta i fafo.
  • E mafai ona āsiasi mai i lou fale/aīga nisi e lē silia le to’alima mai i se isi o outou aīga. O tagata āsiasi ia e tatau ona ō mai i le aīga e tasi. E mafai ona e filifilia se aīga e tasi e mafai ona ō mai ai nisi e āsiasi mai iā te oe i taimi o lo’o faia ai le fa’asā. O tamaiti-pepe e le’i atoa le 12 masina le mātutua e lē faitauina i lenei fuafuaga.
  • Toe tatala fale’aiga ma nofoaga e taumafa ai le kofe ma le ti [cafés] fa’atasi ma nofoaga i fafo, ae e fa’agata mai i le 10 le aofa’i o tagata e tatau ona i ai i so’o se taimi.
  • O lo’o fuafua le toe amataina o ta’aloga e le fepa’ia’i e faia i fafo mo tagata matutua. O ta’aloga i fafo mo i latou e i lalo ifo ole 18 tausaga le matutua o le a toe amataina (fepa’ia’i ma le lē-fepa’ia’i).

La’asaga Mulimuli: fa’alagolago i le fautuaga mai i le Soifua Maloloina, ma leai ni ma’i-fou (setete atoa) i le 14 aso ua tuana’i, ma fa’alagolago i fautuaga mai i le ‘au-popoto o le soifua maloloina.

Mai i le taimi nei

  • E fa’agata mai i le 50 tagata e mafai ona mafuta i fafo.
  • E mafai ona asiasi atu nisi e lē silia lo latou faitau aofa’i ma le 20 i lou fale/aīga.
  • O fale’oloa uma ua tatalaina nei.
  • O fale’aiga ma cafes ua mafai ona tatala mo tagata e lē silia le 20 e nonofo ma a’ai i totonu, ma tagata-fa’atau e lē silia le 50.
  • Toe amata ta’aloga, pe a fai e saogalēmu ona fa’ataunu’u. Fa’afeso’ota’i i latou o va’aia ta’aloga mo tagata uma.
  • Fa’aipoipoga ma Maliu, e mafai ona fa’atasia i ai nisi i lalo ifo o le 50 tagata.
  • Toe amataina Sauniga Lotu, ae fa’alagolago i le fa sikuea mita tulafono

COVID Normal: pe a fai e leai se ma’i-fou o toe maua i totonu o le 28 aso, ma leai nisi o maua pea i le gasegase (setete-atoa), ma leai se isi o toe pisia i le fa’ama’i i Ausetalia.

Mai i le taimi nei

  • O mea sa fa’asāina o le a fa’afaigofie po’o le fa’atagaina loa e fuafua i tulaga ole saogalēmu o i ai.
  • O le a fuafua le toe fo’i o tagata-faigaluega i ā latou galuega, i latou sa galulue mai i ō latou fale/aīga.
  • Leai se tapula’a mo fa’aipoipoga po’o maliu.
  • Leai se tapula’a po’o se gata’aga mo e asiasi mai i lou fale/aīga.

E fa’apefea ona e saogalēmu ma maua lou malosi.

Koviti [Coronavirus(COVID-19)] o lo’o lotolotoi pea iā i tatou ma e ono pipisi i se taimi vave. Mo le puipuia ma fa’asaogalēmuina o i tatou, ō tatou aīga ma tagata uma, o le mea tatau ona tatou faia ō tatou tiute.

O mea faigofie nei e mafai ona e faia mo le puipūia o oe.

  • Fufulu ‘ou lima i vai ma le fasi-moli mo le 20 sekone.
  • Tale pe māfatua i se solo-pepa po’o lou gaugā-lima.
  • Tautuanā e taofi le 1.5 mita [meters] le mamao o Oe ma isi tagata.
  • Pupuni lou gutu ma ‘ou foliga pe a fai o le a e tu’ua lou fale/aīga.
  • Alu e va’ai lau Foma’i e siaki oe.
  • A fai ua e lagona ua e ma’i, nofo loa i le fale/aīga. Aua e te asiasi i sou aīga pe e te alu e te faigaluega.
  • Siaki Oe pe a i ai ni āuga o e lagona, ma alu sa’o loa i lou fale/aīga.

Maua fautuaga e lagolago atoa ma fesoasoani.

A fai ua e popole i le lē maua o sou totogi a’o e fa’atali i le fa’ai’uga o lau siaki, e ono maua e oe le $450, ole tupe e totogi i tagata ua nofo-puipūi, [Totogi pea fai Siatiga] ona o le fa’ama’i o le (KOVITI-19).

A fai ua maua oe i le fa’ama’i ina ua uma ona siaki oe, po’o oe o se tasi e feso’ota’i ma sē e maua i le ma’i, e te ono maua se tupe e totogi atu ia te oe e tusa ma le $1,500. Mo nisi fa’amatalaga vala’au le Coronavirus Hotline i le 1800 675 398. A fai e te mana’omia se fa’amatala-upu, o’omi le (0).

A fai o oe po’o se tasi e te iloa o mafatia po’o popole-vale, e mafai ona e vala’au i le Lifeline i le 13 11 14 po’o Beyond Blue i le 1800 512 348. A fai e te mana’omia se fa’amatala-upu, vala’au muamua le 131 450.

A fai ua leai se isi e te talanoa i ai, e mafai ona e vala’au i le coronavirus (COVID-19) hotline i le 1800 675 398 ma o’omi le fuainumera (3).

Pupuni o lou gutu ma ‘ou fōliga.

O tagata Vitoria uma lava ua sefulu-ma-le-lua [12] tausaga ma sili atu lo latou mātutua e tatau ona pupuni ō latou gutu ma foliga pe a alu ‘ese ma lou fale/aīga, se’i vāganā se mafua’aga tatau e pogai ai. Mo se fa’ata’itā’iga:

  • a fai e i ai ni vaega o lou tino o togafītia, e pei o se tulaga fa’aletonu o le pa’u o ‘ou foliga, po’o le lē solosolo lelei o lau manava
  • a fai o e ī totonu o se ta’avale, na o oe pe ma se tasi mai i lo outou aīga
  • a fai o lo’o fai ni āu fa’amalosi tino, ae e tatau ona iā te oe se pupuni e puipūia ai lou gutu ma ‘ou foliga.
  • Mai i le 11.59 PM aso 11 Oketopa 2020 e tatau ona faia se pupuni mo ‘ou foliga po’o se pupuni mo lou isu ma lou gutu. E le fa’atagaina le pupuni o lou gutu i se Ie po’o se sikafu.

 

Siaki ma nofo va’ava’aia/puipūia

A fai e i ai ni āuga o le koviti (coronavirus[COVID-19]) o e lagona, e tatau loa ona siaki oe ma nofo i lou fale/aīga se’ia maua mai le fa’ai’uga o lau siaki. Aua e te alu i lau galuega po’o le fale’oloa.

O āuga o le koviti (coronavirus) e aofia ai:

  • Fiva, ma’alili po’o le afu.
  • Tale po’o le tigā o le fa’aī
  • Feto’i le mānava
  • Tafe o le isu.
  • Lē manogi se mea’ai po’o se sogisogi.

O le siaki o tagata mo le koviti [coronavirus] e le totogia. E aofia ai i lenei tulaga i latou e leai ni Medicare Card, e fa’apei o tagata āsiasi mai i atunu’u i fafo, o ē malaga mai mo galuega fa’avaitaimi fa’apea ma tagata-nofo-puipūia.

A fai e maua oe i le koviti (COVID-19) pe a siaki oe, o le mea tatau ona nofo ‘esea loa oe i lou fale/aīga. Mo nisi fa’amatalaga va’ai: O mea e fai pe'a mautinoa ua e aafia I le Coviti (COVITI-19)

A fai o oe e feso’ota’i ma se isi e maua i le (KOVITI-19), o le mea tatau ona e nofo ‘esea ma nofo-va’ava’aia mo le 14 aso. Mo nis fa’amatalaga, va’ai le: O mea e fai pe'a matunoa ua maua seisi e lua felatai ai I le Koviti (KOVITI-19)

O mea e aogā

Fa’amolemole fa’aāogā mea uma ua tusia atu i lalo ma tufatufa atu i so’o se tasi i le email, social media, ma isi auala e mafai ona fa’asalalau atu ai i so’o se nofoaga.

Siaki ma nofo ‘esea

Nofo puipūia

Maua mai se fesoasoani

Pupuni o lou īsu ma ‘ou foliga