په محدودیتونو کې د بدلونونو لنډیز

که تاسی اندیښنه لری، د coronavirus د هات لاین په شمیره 398 675 1800 (24 ساعته) ته زنګ ووهی.
که تاسی ترجمان ته اړتیا لری، TIS National ته په 131 450 زنګ ووهی.
مهربانی وکړی د دری صفر (000) شمیره یواځی اضطراری حالت لپاره وساتی.

هغه څه چې تاسې باید په یاد ولرئ

  • د کور څخه د وتلو پرمهال تاسې باید ماسک واغوندئ.
  • له نورو خلکو څخه لږترلږه ۱.۵ متر فاصله خوندي وساتئ.
  • لاسونه مو تل مینځئ.
  • که تاسې د ناروغئ احساس کوئ، په کورپاتې شئ. کار ته مه ځئ.
  • په کاغذي دسمال یا خپله څنګل کې وټوخیږئ یا وپرنجیږئ.
  • که تاسې د کرونا د ویروس (COVID-19) کومې نښې لرئ، تاسې باید ځانونه معاینه کړئ.
  • د کرونا د ویروس معاینه د ټولو لپاره وړیا ده. هغه خلک هم پکې شامل دي چې میډیکییرکارت نه لري، لکه بهرني ګرځندویان، کډوال کارګر او پناه غوښتونکي.

په دې پاڼه کې

په ویکټوریا کې د محدودیتونو اوسنۍ کچې

د بندیزونود کمېدو پلان اوبیرته له کرونا څخه نورمال حالت ته د ویکټوریا COVID Normal د ګرځیدوله پاره ګامونه د کرونا د ویروس (COVID-19) پلان د بیرته پرانیستلو لپاره کې ځای په ځای شوي دي.

د ملبورن (Melbourne) د ښاري سیمو لپاره یوپلان اود ویکټوریا د اطرافي سیمو لپاره بل پلان موجود دئ.

د عامې روغتیا عمومي رئیس کولای شي چې بندیزونه بدل کړي که چیرته حالت بدل شو.

د ملبورن (Melbourne) ښاري سیمې

دوهم ګام: د ملبورن په ښاري سیمو کې د ۲۰۲۰ کال د سپټمبر د ۲۸مې نیټې څخه.

د ۲۰۲۰ کال د سپټمبر د ۲۸مې نیټې د سهار له ۵ بجو څخه د ملبورن په ښاري سیمو کې به د شپې له پلوه هیڅ ګرځنده بندیز نه وي.

تاسې کولای شئ چې له څلورو دلیلونو څخه د هر یوه دلیل لپاره له کور څخه هر وخت بهر ووځئ:

  • د خوراکي او نورواړتیاوود توکیو اخیستل
  • تمرین (بهراو محدود به وي)
  • اجازه ورکړل شوئ کار
  • پاملرنه کول، د مهربانۍ د دلیلونواویا د درملنې لپاره.

د تمرین کولواود اړتیا وړتوکیود اخیستو لپاره، تاسې باید د خپل کور په ۵ کیلومیترۍ کې پاتې شئ.

له دغه وخت څخه:

  • له دوو کورونو څخه ترپنځو کسانو پورې کولای شي یو بل بهر وویني.
  • له چمتوالي تر ۶ ټولګي پورې، دثانوي دورې او ځانګړو ښوونځیو زده کوونکي به په ۴ ټرم کې په پړاوونو کې ښوونځي ته بیرته را ستنیږي.
  • د ماشومانود پالنې ځایونه به بیرته پرانیستل کیږي.
  • کېدای شي د کارنور ځایونه هم پرانیستل شي.
  • د اوبو بهرحوضونه بیرته پرانیستل کیږي، ځانګړی تمرین تردووکسانو پورې د یوه مربي لپاره.
  • بهرنۍ مذهبي غونډې به تر پنځو کسانواو یوه مذهبي مشرته اجازه وي.
  • ودونو ته له کور څخه بهر تر پنځو کسانو پورې اجازه شته (چې زوم، ناوې او دوه شاهدان هم په کې شامل دي).
  • د ویکټوریا پولیس به تاسې تر $4,957 ډالرو پورې جریمه کړي که تاسې له قانوني دلیل څخه پرته د ویکټوریا اطراف ته سفر وکړئ. که تاسې له کورڅخه بهرد هغو ملګرواوکورنۍ د غړوسره لیدنه وکړئ چې ستاسې سره یو ځای نه اوسیږي اود ډلې شمېرله پنځو کسانو څخه ډېروي نو په داسې حال کې به هم تاسې جریمه شئ. که ستاسې ملګري یا د کورنۍ غړي ستاسې کورته له یوه معتبردلیل څخه پرته درشي نو کیدای شي چې تاسې جریمه شئ، لکه پاملرنه کول.

دریم ګام: که په اوسط ډول (په ټول ایالت کې) په تیرو ۱۴ورځو کې له پنځو څخه نوې پيښې لږ وي او که چېرې روغتیایي متخصصین هوکړه وکړي.

له دغه وخت څخه وروسته:

  • ګرځنده بندیزنشته او له کورڅخه پروتلو یا په واټن چې څومره سفرکولای شئ بندیزنشته.
  • تر۱۰ کسانو پورې کولای شي چې بهر راټول شي.
  • تاسې کولای شئ په خپل کور کې تر پنځو کسانو پورې میلمانه چې له بل کور څخه وي ولرئ. خومیلمانه باید ټول له یوه کور څخه وي.
  • له۷ ټولګي څخه تر ۱۰ ټولګي پورې زده کوونکي کیدای شي چې بیرته ښوونځي ته ولاړ شي که چېرې زمونږ د پېښو شمېر لږ وي او روغتیایي متخصصین هوکړه وکړي.
  • دوکانونه اونایان بیرته پرانیستل کیږي.
  • رسټورانټونه او کفې ګانې کولای شي چې د بهرناستي خدمت لپاره خلاصې وي او د ډلې شمیرتر۱۰ کسانو پورې وي.
  • په پړاوونو کې د لویانو لپاره د بې اړیکو بهرني سپورت (چې په یوبل ونه لګیږي) پرانیستل. بهرنی سپورت به د هغو خلکو لپاره چې عمرونه یې تر ۱۸ کلونوکم وي دوام ولري (که له یوبل سره ولګیږی اویا ونه لګیږي).

آخر ګام: د عامې روغتیا په مشورې پورې اړه لري او که چېرې په تیرو ۱۴ورځو کې نوې پیښې نه وي او روغتیایي متخصصین هوکړه وکړي.

له دغه وخت څخه وروسته:

  • تر۵۰ کسانو پورې کولای شي چې بهر را ټول شي.
  • تاسې کولای شئ په خپل کور کې تر۲۰ کسانو پورې میلمانه ولرئ.
  • ټول دوکانونه به پرانیستي وي.
  • رسټورانټونه اوکفې ګانې به پرانیستې وي چې د دننه ناستي خدمت د ډلګۍ شمېر به تر۲۰ کسانو پورې وي، او د ټولو پیرودونکو شمېر به تر۵۰ کسانو محدود وي.
  • سپورت به پیل شي، خو د خوندیتوب په تدبیرنو پورې به تړلئ وي. د نږدې اړیکې سپورت به د هرعمر لپاره پیل شي.
  • ودونو او جنازو ته به تر۵۰ کسانو پورې تللای شي.
  • عامه مذهبې عبادتونه به جاري شي، خو مشروط په دې اصولو چې هر کس څلور متره مربع ساحه ولري.

COVID Normal: که چېرې (په ټول ایالت کې) په ۲۸ ورځو کې نوې پېښه پیدا نشي، اوفعالې پيښې نه وي او په اسټرالیا کې د بیا خپریدواندېښنه هم نه وي، او روغتیایي متخصصین یې ومني.

له دغه وخت څخه وروسته:

  • بندیزونه به اسانه یا لرې کړای شي خو د خوندیتوب په شرطونو پورې به تړلي وي.
  • د کار ځای ته د کار لپاره تګ به په پړاوونو کې وي د هغو خلکو لپاره چې په کور کې کار کوي.
  • په ودونواوجنازو کې به په ګډون هیڅ بندیزنه وي.
  • په غونډواوپه کورکې به په میلمنوهیڅ بندیز نه وي.

د ویکټوریا اطرافي سيمې

دریم ګام:

د ۲۰۲۰ کال د سپټمبر د ۱۶ مې د شپې د ۱۱.۵۹ بجو څخه د ویکټوریا په اطراف کې:

  • د کور څخه د وتلو پر دلایلو په هیڅ ډول بندیز نه وي او نه به هغه واټن چې تاسې غواړی د ویکټوریا په اطراف کې سفر وکړی.
  • تر ۱۰ کسانو پورې کولای شي چې بهر راټول شي.
  • تاسې کولای شی چې د بل کور څخه تر پنځو کسانو پورې میلمانه ولری. دا میلمانه باید ټول له یوه کور څخه وي. تاسې کولای شی یو بل کور وټاکئ چې تاسې د بندیزونو په دې وخت کې ورشئ. هغه ماشومان چې عمرونه یې له ۱۲ میاشتو څخه کم وي ددې پنځو کسانو په شمیر کې نه شمیرل کیږي.
  • رسټورانټونه او کفې ګانې کولای شي چې د بهرناستي خدمت لپاره د ۱۰ کسانوله ډلګۍ سره خلاصې وي .
  • په پړاوونو کې د لویانو لپاره د بې اړیکو بهرني سپورت (چې په یوبل ونه لګیږي) پرانیستل. بهرنی سپورت به د هغو خلکو لپاره چې عمرونه یې تر ۱۸ کلونوکم وي دوام ولري (که له یوبل سره ولګیږی اویا ونه لګیږي).

آخر ګام: د عامې روغتیا په مشورې پورې اړه لري که چېرې په (په ټول ایالت کې) په تیرو ۱۴ورځو کې نوې پیښې نه وي او د روغتیايي متخصصینو په مشورې پورې به اړه ولري.

له دغه وخت څخه وروسته:

  • تر۵۰ کسانو پورې کولای شي چې بهر را ټول شي.
  • تاسې کولای شئ چې تر۲۰ کسانو پورې په خپل کور کې میلمانه ولرئ.
  • ټول دوکانونه به پرانیستي وي.
  • رسټورانټونه او کفې ګانې به پرانیستې وي چې د دننه ناستوډلو شمېر به تر۵۰ کسانو پورې وي، اود ټولو پیرودونکو شمیر به تر۵۰ کسانو پورې محدود وي.
  • سپورت به پیل شي، خود خوندیتوب په تدبیرونو پورې به تړلئ وي. د نږدې اړیکې سپورت به د هرعمر لپاره پیل شي
  • ودونواوجنازوته به تر۵۰ کسانو پورې تللای شي.
  • عامه مذهبې عبادتونه به دوام لري، البته مشروط په دې اصولو چې هر کس څلور متره مربع ساحه ولري.

COVID Normal: که چیرې (په ټول ایالت کې) په ۲۸ ورځوکې نوې پېښه پیدا نشي، او فعاله پيښه هم نه وي او په اسټرالیا کې د بیا خپریدو اندېښنه نه وي، او روغتیایي متخصصین یې ومني متخصصینو په مشورې پورې اړه لري.

له دغه وخت څخه وروسته:

  • بندیزونه به آسانه یا لرې کړای شي خود خوندیتوب په شرطونو پورې به تړلي وي.
  • د کارځای ته د کار لپاره تګ به په پړاوونو کې وي د هغو خلکو لپاره چې په کور کې کار کوي.
  • په ودونواوجنازوکې به په ګډون هیڅ بندیز نه وي.
  • په غونډواوپه کورکې به په میلمنوهیڅ بندیزنه وي.

څرنګه خوندي او روغ پاتې شو

د کرونا ویروس ( COVID-19) تراوسه له مونږ سره شته اوپه ډيره چټکۍ سره خپریدلای شي. د خپلو کورنیواوټولنود خوندي ساتلولپاره، مونږ ټول باید خپله ونډه تر سره کړو.

دا هغه آسانه لارې چارې دي چې په کولوسره یې ځانونه خوندي ساتلی شی:

  • لاسونه مو په صابون اواوبو لږترلږه د ۲۰ ثانیو لپاره مینځئ.
  • په کاغذي دسمال یا خپله څنګل کې وټوخیږئ او وپرنجیږئ.
  • له نورو خلکو څخه لږترلږه ۱.۵ متر دخوندي پاتې کیدو لپاره فاصله وساتئ.
  • که له کور څخه بهر وځئ په پوزه او خوله مو ماسک واغوندئ.
  • خپلو روغتیایي معایناتو ته ولاړشئ.
  • · که د ناروغۍ احساس کوئ، په کورکې پاتې شئ. د کورنۍ لیدو او کار ته مه ځئ.
  • که ددې وبا کومې نښې لرئ نو ځانونه معاینه کړئ او بیا مستقیم کور ته ولاړ شئ.

مرسته شته

که تاسې د خپل عاید د لاسه ورکولو په هکله اندیښمن یاستئ کله چې تاسې د معاینې نتیجې ته په انتظارکې یاست، کېدای شي چې د کروناویروس د ۴۵۰ ډ‌الرو مرستې مستحق شئ (Test Isolation Payment).

که ستاسې د معاینې نتیجه مثبته یا هم له چا سره چې په کرونا ویروس اخته وي نږدې اړیکه ولرئ، کیدای شي چې تاسې د ۱۵۰۰$ ډالرو مرستې مستحق شئ. د نورو معلوماتو لپاره د کرونا د ویروس مستقیمې کرښې ته 1800 675 398 شمېره زنګ ووهئ. که تاسې ترجمان ته اړتیا لری، د (0) تڼۍ کېکاږئ.

که تاسې یا هر څوک چې تاسې یې پیژنئ په ډار یا اندیښنه کې ياستئ، تاسې کولای شی چې Lifeline ته په 13 11 14 یا Beyond Blue ته په 1800 512 348 شمېره زنګ ووهئ. که تاسې ترجمان ته اړتیا لری، لومړی 131 450 ته زنګ ووهئ.

که تاسې د یوازیتوب احساس کوئ، تاسې کولای شئ چې د کرونا ویروس (COVID-19) مستقیمی کرښې ته په 1800 675 398 شمېره زنګ ووهئ او بیا درې (3) کېکاږئ. تاسې به Australian Red Cross د داوطلب سره په اړیکه کې شئ چې هغه به تاسو له هغو مرستندویه خدمتونو سره ونښلوي چې تاسې ته نږدې وي.

د مخ پټول (ماسک اغوستل)

د ویکټوریا هروګړی چې ۱۲ کاله او یا ډېرعمر ولري باید د کور څخه د وتلو پر مهال ماسک واغوندي، که یې نه اغوندي نو باید قانوني دلیل ولري. د مثال په ډول:

  • که تاسې ناروغي ولرئ لکه پرمخ باندې د پوستکي جدي ناروغي، او یا د ساه اخیستلوستونزه.
  • که په موټر کې، یوازې او یا ستاسې د کورنۍ له کوم کس سره یاست.
  • که تاسې سخت تمرین کوئ، مګر تاسې باید له ځانه سره ماسک ولرئ.
  • د اکټوبر د ۱۱مې نیټې د شپې د ۱۱:۵۹ بجو څخه تاسې باید ماسک یا مخ پټوونکی واغوندئ چې ستاسې خوله او پوزه پټه کړي. تاسې نشئ کولای چې یوازې پر مخ پوښوونکی پلاستیک واغوندئ.

 

معاینه او قرنطین

که تاسې د کرونا د ویروس ( COVID-19) کومې نښې لرئ، تاسې باید ځانونه معاینه کړئ او په کورکې پاتې شئ ترڅو خپله نتیجه لاسه کوئ. کار ته او دوکانونو ته مه ځئ.

د کرونا د ویروس نښې په لاندې ډول دي:

  • تبه، لړزه یا خولې
  • ټوخی یا د ستوني درد
  • ساه لنډي
  • د پوزې بهېدل
  • د بوی او خوند حس له لاسه ورکول

د کرونا د ویروس معاینه د ټولو لپاره وړیا ده. هغه خلک هم پکې شامل دي چې د میډیکییر کارت نلري، لکه بهرني ګرځندویان، کډوال کارګر او پناه غوښتونکي.

ستاسو د کرونا د ویروس (COVID-19) د معاینې نتیجه مثبته وي، تاسې باید ځانونه په خپل کور کې قرنطین کړئ. د نورو معلوماتو لپاره دا برخه وګورئ څه باید وکړئ که ستاسې د کرونا د ویروس (COVID-19) د معاینې نتیجه مثبته وي (Word)

که تاسې له چا سره نږدې اړیکه لرئ چې په کرونا ویروس (COVID-19) اخته وي تاسې باید ځانونه د ۱۴ ورځو لپاره قرنطین کړئ. د نورو معلوماتو لپاره دا برخه وګورئ څه باید وکړئ که ستاسې د کرونا د ویروس (COVID-19) د معاینې نتیجه مثبت وي (Word)

منابع

مهرباني وکړئ لاندیني مواد د خپلې ټولنې سره د ایمیل، ټولنیزو رسنیو او یا نورو ټولنیزو شبکو له لارې شریک کړئ.

معاینه او قرنطین

خوندي پاتې کیدل

مرسته ترلاسه کول

د مخ پټول