Tin ca rɔ̱ gɛr kä guk

Mi diɛri, cɔl la̱a̱t tin lua̱k kɛ naath kɛ kui coronavirus 1800 675 398 lëpkɛ kɛ cäŋ kɛnɛ wäär.
Mi göri ɣöö ba ji luɔc thok, cɔl la̱a̱t kä TIS National 131 450.
Cɔl 000 mi tee kɛ mi diit mi ci tuɔk kä ji kɛ pɛ̈th.

Tin bi dhil tit

  • Läthni kuum nhiam mi röŋ nhiam mi kum wumdu kɛnɛ thokdu mi jiɛni ciëŋdu, pëkɛ kɛ gua̱thɔ cieŋi thinɔ.
  • Titɛ gɔaa ɛn ɣöö bi rɔ nɔan kɛ kam käth mi 1.5 mitiri kiɛ kaath diɔk kä nɛy tin kɔkiɛn
  • Lak tëtkun ni ciaŋ
  • Mi jëki rɔ i ti kɛ juëy, tëni ciëŋ, /cu wë lät
  • Kiɛli kiɛ thiami kä puutɛ kiɛ ciälu
  • Mi të kɛ mi nyoth jɛ i ti kɛ coronavirus (COVID-19), wërkɛ ɛ ji wa thɛm
  • Coronavirus thɛm kɛ jɛ baaŋ kä nɛy diaal. Nɛmɛ matdɛ nɛy diaal tin thiɛl Medicare Card kiɛ ja̱a̱l tin bä kuic kiɛr, nɛy tin bä kɛ la̱t kiɛ nɛy ti göör ɣöö bi ciëŋ wic

Ɛn gua̱th ɛmɛ

Pëk Kätha gukä Bik-tö-ria tin pay tuɔk

Ca̱p kɛ kuic käp gukä cuɔŋ kɛnɛ ka̱a̱th tin de Bik-tö-ria jakä COVID Normal ca kɛ la̱th raar ɛ jɔc kä Coronavirus (COVID-19) roadmap to re-opening.

Tëkɛ Ca̱p kɛl mi ca rialikä kɛ kuic Melbourne kɛnɛ kɛl rɛy ciëŋ Bik-tö-ria

Kuär puɔlä Pɔa̱ny (The Chief Health Officer) bɛ guk gɛr mi ciaŋ rɔdɛ gɛr

Rɛy ciëŋ Melbourne

Käth in rɛwdɛ̱ ɛtɛmɛ ni kɛ cäŋ kä 28 kä pay Bäŋuan 2020 rɛy ciëŋ Melbourne

Thilɛ ram mi ba lɛ pën ja̱l rɛy ciëŋ Melbourne ɛtɛmɛ ni thaak 5am dhieec kɛ runwaŋ kɛ cäŋ kä 28 kä pay Baŋuan 2020

Bi jiɛn cieŋdu kɛ gua̱th ɛ gööri mɔ kɛ kɛl kä luɔtni da̱ŋ ŋuan titi̱

  • Wë kɔk mi̱thni kɛnɛ ti görkɛ ciëŋ
  • Riäny ciökni kiɛ wi puɔnydu lëth rar ca jakä kui
  • Wargak la̱t kiɛ nhök la̱t
  • Mi thöpi luäk, kɛ kui ram mi cuc kiɛ wi duel wa̱l

Riäny ciökni kiɛ wi puɔnydu lëth kɛnɛ wë kɔk kɛ tin görkɛ cieŋ, bi dhil pëk gua̱th mi të kɛ kilɛ mitiri da̱ŋ 5 dhiec kɛ dhɔru.

Ɛ tɛmɛ niɛ gua̱th ɛmɛ

  • Ɛwë kä nɛ thiëc kä dhör da̱ŋ rɛw nhökɛ kɛ ɣöö dëkɛ wë jiëk rar
  • Bɛ te kɛ käth bi ba kuany kɛ ɣöö mi dhooli luoc duel gɔrä kä (Prep to Grade 6),VCE/VCAL kɛnɛ duelgɔrä tin kɔŋ kɛ wädiɛn kä käth in 4 ŋuandiɛn kɛ lɛp duelgɔrä.
  • Ba guäth ŋiicä gan ti tɔani lɛp
  • Ba guäth lätni ti ŋuaan lɛp
  • Ba puɔl kët tin la ŋaarkɛ rar lɛp, nɛy tin ŋiäc kɛ dë kɛ cop kä nɛy da̱ŋ rɛw kɛ ŋiic kɛl
  • Pali ji ŋäthä ca nhɔk ɛn ɣöö de nɛy ti coɔpkɛ nɛy da̱ŋ dhiec rɔ dol gua̱th kɛl raar kɛnɛ böth palädiɛn kɛl
  • Ca kuën nhök ɛn ɣöö bakɛ la̱t raar ɛ nɛy ti cuɔpkɛ dhieec(Tee nɛy tin kuën kɛnɛ nëën da̱ŋ rɛw rɛydiɛn)
  • Ba ji moc karaam ɛ Bik-töria Poli̱th kɛ yiöw ti copkɛ $4,957 mi ci wä ja̱l rɛy ciëŋ Bik-tö-ria ɛ thil luot mi gɔaa. Ba ji moc karaam bä mi ci mäathdu kɛnɛ wa̱a̱tdu wä guil mi cia cieŋ kɛɛl kä dɔŋ ɛ yɛn buɔn mi diit bi päl nɛy da̱ŋ dhieec raar. Ba̱ ji moc karaam mi ci ma̱a̱thdu kɛnɛ wa̱a̱tdu ji guil dhɔɔru ɛ thil luot mi gɔaa, kiɛ kɛ ram mi tiitdi.

Käth in diɔdiɛn: mi ci ciaŋ paar cɛ nɛy ti ca dhieec cop (rɛy wec kɛɛliw) kɛ kɔr ni̱ni̱ dä 14 Wäl Bäŋuan tee ci wä kɛnɛ ɣöö ca mat ɛ Kuäär Puɔlä Puany.

Ɛ tɛmɛ niɛ gua̱th ɛmɛ

  • Bɛ cu thiɛl ram mi ba pen ja̱l kɛ wär, bɛ cu thiɛl guk mi pëni jiɛn dhɔru kiɛ pëni wë ja̱l mi te kɛ gua̱th mi Wii̱ ja̱l thin.
  • Ɛwë kä nɛy ti cuɔpkɛ nɛy da̱ŋ 10 wäl bikɛ nyuur raar gua̱th kɛl
  • Dë ji guil dhɔru ɛ ja̱a̱l ti coɔpkɛ nɛy da̱ŋ dhiec ti bä dhɔr mi dɔdiɛn. Kä bi kɛn diaal dhil bën dhɔr kɛl
  • Dhooli duel gɔrä tin tee kä book 7 amäni Book 10 bakɛ nhɔk ɣöö bikɛ luoc deuelgɔrä mi ci juey käpdɛ kuɛ̱̈ɛ̱̈ mi ca mat Kua̱r Ŋäcä Puɔlä Puany
  • Thukni kɛnɛ gua̱th ta̱k miäm bakɛ lɛp
  • Gua̱th mi̱thni̱ kɛnɛ cayni ba kɛ lɛp kä bi naath nyuur raar ka̱ bi buɔn nath ɛ nɛy da̱ŋ 10 wäl
  • Käth luocä ŋaari tin la ŋarkɛ raar kä ci naath rɔ thiek kɛ kurɛnɛ nɛɛni tin del, ŋaari kurɛni raar bakɛ tuk kɛ nɛy tin ci runkiɛn piny runi da̱ŋ 18 (derkɛ rɔ thiek kä /ca rɔ de thiek)

Käth in jɔak: Kɛ luek in ba laar ɛ Kuäär Puɔlä Puany mi thilɛ juey mi ci jɔc kɛ kɔr nini da̱ŋ 14 tee ci wä kɛnɛ luek in ba laar ɛ Kuäär Puɔlä Puany

Ɛ tɛmɛ niɛ gua̱th ɛmɛ

  • Ba nɛy ti copkɛ 50 nhök ɣöö bikɛ rɔ dol gua̱th kɛl raar
  • Ba nɛy ti copkɛ 20 nhök ɣöö dekɛ ji wä guil dhɔɔru
  • Thukni diaal bakɛ lɛp
  • Gua̱th mi̱thni̱ kɛnɛ cayni ba kɛ lɛp kä bi naath nyuur raar ka̱ ba buɔn kɛl jakä nɛy ti 20 jiɛn da̱ŋ rɛw ti bi nyuur rɛy duel, kä ba pek nɛɛni tin kök jakä 50
  • Ba ŋaari kurɛni luɔc thin, kä ba ciaŋ guirkä mi gɔaa lath piny. Ba ŋaari kurɛni diaal tin la naath ɛ jakä kä thieek nyɔk kɛ lɛp kä nɛy diaal.
  • Ba nɛy ti copkɛ 50 nhök ɣöö dekɛ wä gua̱th kuen kɛnɛ kuɔny
  • Ba gua̱th pali ji ŋäthä lɛp, kä bikɛ ŋut mi̱ti̱ri käthni da̱ŋ ŋuan tit

COVID Normal: Mi cɛ thil ram mi ca liŋ i ca käp ɛ juey kɛ kɔr ni̱ni̱ ti 28 jiɛn rɛw wi̱dɛ bädäk, kä thil nɛy ti te tɔcä kɛ juey (rɛy wec kɛɛliw), kä thilɛ diɛr kä Australia kɛ ɣöö dee juey rɔ nyɔk kɛ tuɔk, kä ci Kua̱r Ŋäcä Puɔlä Puany mat thin.

Ɛ tɛmɛ niɛ gua̱th ɛmɛ

  • Ba guk diaal ka̱p cuŋ kiɛ bakɛ ka̱p nhial kɛ kuic gɔyɛ rikä
  • Bɛ tɛ kɛ käth mi ba kuany ɛn ɣöo bi nɛy diaal tee lät cieŋni luoc lät
  • Thil pek nɛɛni ti ba lɛ laar ti bi wä gua̱th kuen kiɛ kuonyä
  • Thil pek nɛɛni ti ba lɛ laar i dee rɔ dol gua̱th kɛl kiɛ dee wä guel cieŋ

Rɛy cieŋ Bik-tö-ria

Ka̱th in diɔdiɛn:

Niɛ thaak 11:59pm kɛ wäär kɛ cäŋ kä 16 kä pay Bäŋuan 2020 rɛy ciëŋ Bik-tö-ria

  • Bɛ thiɛl guk luɔtni mi bi ji lɛ pën jiɛn dhɔru kiɛ gua̱th ɛ gööri we ja̱l thinɔ rɛy cieŋ Bik-tö-ria
  • Ɛwë kä nɛy ti coɔpkɛ nɛy da̱ŋ 10 wäl nhök nyuur raar gua̱th kɛl
  • Ca ja̱a̱l ti cuɔpkɛ dhiec dhɔr mi dɔdiɛn nhök ɣöö de ji guil dhɔru. Kɛn ja̱a̱l diaal bikɛ dhil ben niɛ dhɔrɔ kɛlɔ. Deri ram kɛl mɛk dhɔr mi dɔdiɛn mi dee ji guil ɛn rɛy gukni titi. Gaat ti tee piny päthni da̱ŋ wäl rɛw /cakɛ kuɛn rɛy ja̱a̱li.
  • Gua̱th mi̱thni̱ kɛnɛ ca̱yni ba kɛ lɛp kä bi naath nyuur raar kä ba buɔn kɛl jakä nɛy da̱ŋ 10 wäl
  • Bɛ te kɛ gua̱th mi ba ŋaari kurɛni raar tin /ci nath rɔ thiek kɛ kɛ luoc thin kä nɛy tin del. kä ba ŋaari kurɛni raar luoc thin kä nɛy dial tin të runkiɛn piny ruuni daŋ 18 (thiek kɛnɛ thil-thiëkä)

Käth in jɔak: Kɛ luek in ba laar ɛ Kuäär Puɔlä Puany mi thilɛ juey mi ci jɔc (rɛy wec kɛɛliw) kɛ kɔr nini da̱ŋ 14 tee ci wä bɛ pek kɛ luek in ba laar ɛ Kuäär Puɔlä Puany

Ɛ tɛmɛ niɛ gua̱th ɛmɛ

  • Ɛwë kä nɛy ti coɔpkɛ 50 dëkɛ rɔ dol gua̱th kɛl raar
  • Bi nɛy ti coɔpkɛ 20 ji guil dhɔru
  • Guäth kökä diaal bakɛ lɛp
  • Gua̱th mi̱thni̱ kɛnɛ ca̱yni ba kɛ lɛp kä bi naath nyuur raar kä ba buɔn kɛl jakä nɛy ti 20 jiɛn da̱ŋ rɛw ti bi nyuur rɛy duel, kä ba pëk nɛɛni tin kök jakä 50.
  • Ba ŋaari kurɛ ni luɔc thin, kä ba ciaŋ guirä mi gɔaa la̱th piny, bä ŋaari diaal ti yiiny naath rɔ thin lɛp kä nɛy diaal.
  • Ba nɛy ti cuɔpkɛ 50 nhök ɣöö dëkɛ wë gua̱th kuën kɛnɛ kuɔny/ gua̱th pära.
  • Ba guäth pali ji ŋäthä lɛp, kä bikɛ ŋuɔt mitiri da̱ŋ ŋuaan tit

COVID Normal: Mi cɛ thil ram mi ca liŋ i ca käp ɛ juey kɛ kɔr ni̱ni̱ ti 28 jiɛn rɛw wi̱dɛ bädäk, kä thil nɛy ti te tɔcä kɛ juey (rɛy wec kɛɛliw), kä thilɛ diɛr kä Australia kɛ ɣöö dee juey rɔ nyɔk kɛ tuɔk, kä ci Kua̱r Ŋäcä Puɔlä Puany mat thin.

Ɛ tɛmɛ niɛ gua̱th ɛmɛ

  • Guk diaal bikɛ cuɔŋ kiɛ bakɛ woc kɛ kuic gɔya rikä
  • Bɛ të kɛ ka̱th mi ba kuany ɛn ɣöo bi nɛy diaal tin lät ciëni luoc guäth lätni kiɛn
  • Thiɛlɛ pëk kɛ we gua̱th kuën kiɛ kuonyä/ gua̱th pärkä
  • Thiɛlɛ pëk kɛ duol gua̱th kɛl kiɛ guil ji ciëŋ du.

Dëri ciëŋ idi agɔa kɛnɛ puɔl

Coronavirus (COVID-19) ŋotɛ të kɛ kɔn kɛɛl kä dërɛ däk rɛy naath kɛ pɛ̈th. Luäk ni kɛ ɣöö banɛ cie maanikɔn kɛnɛ nɛɛkɔn dial jakä ciëŋ agɔaa, Kɔn diaal banɛ kuicdan la̱t

Titi kɛ ti thia̱k thia̱a̱k ti dë ji jakä ciëŋ agɔaa

  • Lak tëtku kɛ thabuuny kɛnɛ piw kɛ 20 thɛkɛn
  • Kiɛli kiɛ thiami kä puutɛ kiɛ ciälu
  • Titɛ gɔaa ɛn ɣöö bi rɔ nɔan kɛ kam käth mi 1.5 mitiri mitiri kiɛ kaath diɔk kä nɛy tin kɔkiɛn
  • Läthni Kuum nhiam, ɛ tha̱a̱ŋ luoc ciɛŋä mi gɔaa – ba kɔn luäk kɛnɛ ɣöö bikɛ nɛɛkɔn ti kɔŋ jakä gɔw.
  • Wërkɛ duelwa̱l ba ji wä thɛm
  • Mi jëki rɔ ciɛ ti kɛ juey, tëni ciëŋ. /cu watku guil kiɛ cu wä la̱t
  • Ɛ ji wa thɛm mi të kɛ mi nyoth jɛ i ti kɛ juey kä wer birr ni dhɔru.

Luäk tee thin

Mi diɛɛri kä kuic kä ɣöö ci yiöw bi jek kam gua̱th in lipi luot thɛmdu, deri roŋ kɛ luäk kɛ yiöw ti $450 tin la kamkɛ ji coronavirus (COVID-19) tin ca Thɛm kä te gua̱thdiɛn kärɔ

Mi ci thɛmdu jɛ nyoth i ti kɛ juey kiɛ ci thiek yɛnɛ ram mi ca ŋäc i te kɛ juey, roŋi kɛ ɣöö dee ji luäk kɛ yiöw ti $1,500. Mi göör ŋäc kɛ kuic la̱a̱ri titi yɔt Coronavirus Hotline kɛ 1800 675 398. Mi gööri luɔc thok, tuany baŋ (0).

Mi diɛri kiɛ te kɛ ram mi dɔŋ mi ŋäci i diɛrɛ kiɛ te kɛ mi kuicɛ luotdɛ, deri yɔat kɛ Lifeline kɛ 13 11 14 kiɛ Beyond Blue kɛ 1800 512 348. Mi gööri luɔc thok, kɛ nhiam yɔt 131450.

Mi cäri kɛ tädu kärɔadu, deri coronavirus (COVID-19) hotline yɔtikä kɛ 1800 675 398 kä tuany diɔk (3). Bä ji jakä jek kɛ luäk la̱t Australian Red Cross tin dee ji göör nɛy ti luäkɛ naath ɛn guäth ɛ ti thinɔ.

Kuum Thok

Nɛy diaal kä Bik-tö-ria, run wäl rɛw kɛnɛ nɛy tin di̱t bikɛ nhiam diɛn dhil kum kɛ kuum nhiam mi kum Wum kɛnɛ thok mi jiɛn raan ciëŋ, ɛ ni mi te kɛ luɔt mi cɛ dë lath kɛ jɛ. Ciɛ mɛmɛ

  • Mi ti kɛ riɛk jua̱th cie jɔk gupä nhiamdu kiɛ mi ci yiëë agɔa
  • Mi ti rɛy thuɔrbiɛl, dɔŋ ti kä rɔadu kiɛ yiɛnɛ ram kɛl kä ji dhɔaru
  • Mi rinyi ciöku kiɛ lëth pɔa̱ny, duŋdɛ ɣöö bi kuum nhiamdu rɔm kɛ ji kɛɛl

Ni kɛ thaak 11:59 kɛ wäär, kɛ cäŋ kä 11 kä pay Wäl bi kuum nhiam mi rɔŋ nhiam du dhil lath mi kum womdu kɛnɛ thokdu. Mi lot ni ɣöö ci thokdu bilɛ kum kɛ mi dɔŋ mi cie kɛ ciaal, tarɛ kiɛ mi dɔŋ mi dëri nhiamdu kum kɛ jɛ.

kamɛ wë guk kɛ we pinyɔ, bi ja̱l nath rɔ rëp, gɔaa ni ɣöö bi Kuum nhiam lath mi kum wumdu kɛnɛ thokdu

Thëm kɛnɛ ta̱a̱ kärɔa

Mi ti kɛ nyuuth ni coronavirus (COVID-19), ba ji dhil thɛm kä bi dhil te cieŋ amäni mi ca ji luɔc luɔt thëmdu. /cu we lät kiɛ gua̱th kökä

Tin nyoth coronavirus kɛn tin

  • Lëëth pɔa̱ny, kɔc kiɛ lëth
  • Kiel kiɛ bɛc rööl
  • Mi ŋukɛ yiëëku
  • Thony thony
  • Thiɛlɛ mi ŋuäci kiɛ jëki ɛcom/tuäk thokdu tuäk

Nɛy diaal thɛmkɛ baaŋ kɛ Coronavirus. Amäni nɛy ti thiɛl Medicare card, ja̱a̱l ti bë kuic yiëri, nɛy tin bë ɛla la̱a̱t kɛnɛ nɛy tin be kɛ göör ciɛŋä wëc.

Mi ci thɛmdu jɛ nyoth ɛn ɣöö ti kɛ coronavirus (COVID-19), bi dhil te gua̱thdu kärɔa cieŋ, mi göör ŋäc kä ɣöö ɛ ŋu deri la̱tɔ mi ci thɛmdu nyoth ti kɛ coronavirus (COVID-19) (Riet)

Mi cia thiek yɛnɛ ram mi te kɛ coronavirus (COVID-19) bi te gua̱thdu kärɔadu kɛ ni̱n da̱ŋ 14 wäl ŋuaan. Mi göör ŋäc kä ɣöö ɛ ŋu deri la̱tɔ mi cia thiek yɛnɛ ram mi te kɛ coronavirus (COVID-19) (Riet)

Kuak lua̱k

Läätni kuak tɔ̱ te piny tɔ̱ kä nyuakɛ kɛ yɛnɛ nɛɛku kɛ email, rɛy jiɔam kɛnɛ dup tin kɔ̱ŋ tin jiëkɛ lääri.

Thɛm kɛnɛ tää gölä

Cieŋni agɔaa

Göör luäk