Informazzjoni, aġġornamenti u pariri dwar l-imxija tal-coronavirus (COVID-19).
Information, updates and advice about the outbreak of coronavirus (COVID-19).
F’din il-paġna (On this page)

Jekk int inkwetat, ċempel il-linja t’apposta (hotline) tal-coronavirus fuq 1800 675 398 (24 siegħa).
Jekk għandek bżonn interpretu, ċempel it-TIS National fuq 131 450.
Jekk jogħġbok uża biss iż-Żero Triplu (Triple Zero)(000) għall-emerġenzi biss.

Dak li trid tiftakar (What you must remember)

  • Jekk għandek sintomi tal- coronavirus, għandek tiġi ttestjat.
  • Jekk tħossok ma tiflaħx, ibqa’ d-dar. Iżżurx membri tal-familja u tmurx taħdem.
  • Aħsel idejk, isogħol jew agħtas fil-maktur tal-karti jew fil-minkeb tiegħek, u żomm 1.5 metri 'l bogħod minn kull persun li  ma toqgħodx magħha.
  • Trid tkompli taħdem mid-dar jekk tista'.
  • L-Uffiċjal Kap tas-Saħħa (Chief Health Officer) jista' jibdel ir-restrizzjonijiet jekk is-sitwazzjoni tinbidel.

L-aħħar restrizzjonijiet fil-Victoria (Latest restrictions in Victoria)

Mit-2 ta' Lulju, restrizzjonijiet differenti ser japplikaw f'ċerti żoni tal-Victoria.

Restrizzjonijiet madwar l-Istat kollu fil-Victoria

Mit-2 ta' Lulju:

  • Ċentri tax-xiri u swieq fil-beraħ għandhom jillimitaw l-għadd ta' xerrejja.
  • Nies li jgħixu barra mill-kodiċi postali ristretti jistgħu jivvjaġġaw biss f'dawk is-subborgi għal erba' raġunijiet:
  1. Xiri għall-ikel jew oġġetti essenzjali oħra
  2. Biex tipprovdi kura, għal raġunijiet ta’ kompassjoni jew biex tfittex kura medika
  3. Għall-eżerċizzju fil-beraħ
  4. Xogħol jew edukazzjoni, jekk ma tistax taħdem jew tistudja mid-dar

Ir-restrizzjonijiet mit-22 ta' Ġunju (hawn taħt) għadhom japplikaw madwar Victoria. Barra minn hekk:

Kodiċi postali ristretti

Mit-2 ta' Lulju, restrizzjonijiet rigward Stadju 3 Oqgħod id-Dar (Stage 3 Stay at Home) japplikaw  f'dawn is-subborgi:

  • 3038 - Keilor Downs, Keilor Lodge, Taylors Lags, Watergardens
  • 3021 - Albanvale, Kealba, Kings Park, St Albans
  • 3012 - Brooklyn, Kingsville, Maidstone, Tottenham, West Footscray
  • 3042 – Airport West, Keilor Park, Niddrie, Niddrie North
  • 3064 - Craigieburn, Donnybrook, Mickleham, Roxburgh Park, Kalkallo
  • 3047 - Broadmeadows, Dallas, Jacana
  • 3060 - Fawkner
  • 3032 - Ascot Vale, Highpoint City, Maribyrnong, Travancore
  • 3046 - Glenroy, Hadfield, Oak Park
  • 3055 - Brunswick South, Brunswick West, Moonee Vale, Moreland West

and from 5 July

  • 3031 – Kensington, Flemington
  • 3051 – North Melbourne, Hotham Hill

Mit-2 ta’ Lulju, jekk tgħix f’wieħed minn dawn il-lokalitajiet, hemm biss erba’ raġunijiet għaliex tista’ titlaq mid-dar:

  1. Xiri għall-ikel jew oġġetti essenzjali oħra
  2. Biex tipprovdi kura, għal raġunijiet ta’ kompassjoni jew biex tfittex kura  medika
  3. Għall-eżerċizzju (eżerċizzju fil-beraħ, ma' persuna oħra jew membri tad-dar tiegħek biss)
  4. Xogħol jew studju, jekk ma tistax taħdem jew tistudja mid-dar.

Ma jistax ikollok viżitaturi fid-dar tiegħek jew żżur oħrajn ħlief għal raġunijiet ta' kura u ta' kompassjoni. Ma tistax tivvjaġġa ħlief għal waħda mill-erba' raġunijiet deskritti hawn fuq.

Ir-Restrizzjonijiet għandhom japplikaw għal attivitajiet u postijiet f'dawn is-sobborgi:

  • ristoranti u kafetteriji jistgħu jservu għall-ikel li ma jittikilx fil-post (takeaway) u għall-kunsinna għad-dar biss
  • il-pubs, il-ħwienet tax-xorb u l-klabbs se jingħalqu, ħlief biex iservu ikel jew alkoħol takeaway
  • is-servizzi ta' kura tas-sbuħija u personali għandhom jagħlqu, ħlief il-parrukkiera u l-barbiera
  • Il-libreriji, il-postijiet tal-komunità, iċ-ċentri sportivi u l-akkomodazzjoni tal-vaganzi għandhom jingħalqu
  • galleriji, mużewijiet, siti storiċi, zoos, parkijiet ta' divertiment fil-beraħ u swali, ċentri tal-logħob, sali taċ-ċinema mhux fil-beraħ u tad-drive-in, postijiet għall-kunċerti, teatri, awditorji, areni, grawnds, casinos u postijiet tal-logħob tal-azzard se jingħalqu
  • Faċilitajiet sportivi ġewwa u fil-beraħ inklużi gym, faċilitajiet ta' taħriġ u pixxini se jkunu magħluqa. It-taħriġ personali fil-beraħ huwa permess għal mhux aktar minn  żewġ parteċipanti flimkien ma' l-għalliem
  • It-tiġijiet se jkunu limitati għal ħames persuni (il-koppja, żewġ xhieda u ċ-ċelebrant)
  • il-funerali se jkunu limitati għal 10 persuni li jieħdu sehem fil-funeral flimkien ma’ dawk meħtieġa biex issir il-funeral
  • Tiġijiet  jew funerali miżmuma f’residenza privata se jkunu limitati għall-membri tad-dar, flimkien man-nies meħtieġa biex imexxu ċ-ċerimonja.

Ċerimonji reliġjużi u ta’ qima jistgħu jiġu trażmessi biss online.

L-istudenti jistgħu jmorru l-iskola meta jibda t-Term 3.

Jekk tgħix f'waħda mis-subborgi  ristretti u bħalissa tinsab fuq btala tista' tkompli l-vaganza tiegħek.

Involviment fil-komunità COVID-19 u żieda fl-ittestjar fis-subborgi (COVID-19 community engagement and increased testing in suburbs) 

Fis-subborgi fejn hemm tixrid akbar ta' coronavirus, se nkunu qed inħabbtu fuq il-bibien tan-nies biex nipprovdu informazzjoni u ttestjar.

Din l-informazzjoni tinkludi fejn tista' tkun ittestjat u kif ikollok aċċess għal sapport  finanzjarju u ieħor jekk ikollok bżonn li tiżola lilek stess.

Int ikollok messaġġ ta' test (text message) jekk persuni ser iżuru d-djar fl-inħawi tiegħek.

Jekk għandek bżonn interpretu biex titkellem mal-persuna li tħabbat il-bieb tiegħek, ċempel TIS National fuq 131 450.

Vannijiet għall-ittestjar mobbli, home swab and saliva tests għandhom ikunu disponibbli f'dawn is-subborgi.

Restrizzjonijiet kurrenti - sakemm ma tkunx qiegħed f’kodiċi postali ristretto (Current restrictions – unless you are in a restricted postcode)

  • Aħsel idejk, agħtti ħalqek u mnieħrek meta tisgħol jew tagħtas, u żomm distanza sikura ta’ 1.5 metri minn persuni oħrajn. 
  • Jekk tħossok ma tiflaħx, ibqa’ d-dar. Iżżurx membri tal-familja jew tmurx ix-xogħol.
  • Jekk għandek is-sintomi tal-coronavirus, għandek tiġi ttestjat
  • Jekk tista’, trid tkompli taħdem mid-dar.  
  • Jekk ser iżżur il-familja jew ħbieb, trid iżżomm id-distanza - ma tistax tieħu b’idejhom jew tgħannaqhom. Dan ser jgħin biex il-persuni li tħobb ikunu protetti. 
  • L-Uffiċjal Prinċipali tas-Saħħa (Chief Health Officer)  jista’ jibdel dawn ir-restrizzjonijiet jekk tinbidel is-sitwazzjoni. 

Minn nhar il-Ħadd, 21 ta’ Ġunju 2020 fil-11:59 p.m., xi restrizzjonijiet inbidlu.  Xi restrizzjonijiet li kienu tħabbru ġew ittardjati jew inbidlu biex inaqqsu n-numru ta’ persuni li jistgħu jinġabru flimkien. Din il-bidla saret minħabba li n-numru ta’ każijiet tal-coronavirus fil-Victoria żdied.  

Mit-22 ta’ Ġunju, mhux aktar minn 5 persuni jistgħu:

  • Jżuru darek fl-istess ħin. 

Mit-22 ta’ Ġunju, sa 10 persuni jistgħu:

  • Jinġabru fil-pubbliku, ġewwa jew barra. 

Mit-22 ta’ Ġunju, sa 20 persuna jistgħu:

  • Jmorru ġo ristoranti, ħwienet tal-kafe', pub jew bar, sa 20 persuna f’kull kamra. L-alkoħol jista’ jiġi servut mingħajr ikel, iżda l-klijenti jridu jkunu bilqiegħda. Id-daqs massimu tal-grupp irid ikun ta’ 10 persuni. 
  • Jagħmlu sport u eżerċizzju ġewwa jew barra. Imorru ġo ċentri sportivi, inklużi gyms u pixxini pubbliċi. Il-klassijiet huma limitati għal 10 persuni għal kull attivita’ fi grupp.  
  • Jmorru f’post ta’ qima jew ċerimonja reliġjuża żgħira, flimkien man-nies li jorganizzaw l-avveniment. 
  • Jmorru ġo ħanut tas-sbuħija jew spa, jew ħanut tat-tanning, waxing, tad-dwiefer, tat-tpinġija jew tal-massaġġi. 
  • Jattendu tieġ, flimkien maċ-ċelebrant u l-koppja. Jekk iċ-ċerimonja ssir f’dar privata, massimu ta’ 5 viżitaturi flimkien maċ-ċelebrant jistgħu jattendu. 
  • Jmorru f’ċentri kulturali u soċjali, il-librerija jew fi klabbs komunitarji. 
  • Jkunu ġo spazju fuq ġewwa f’gallarija tal-arti, mużew, ċinema, teatru, sit storiku, parkijiet tad-divertiment fuq barra jew zoo. Għall-postijiet fuq barra, hija permessa biss persuna waħda kull erba’ metri kwadri. 
  • Jivvjaġġaw, inkluż joqogħdu f’akkomodazzjoni li bbukkjaw u/jew jikkampjaw fil-konfini tal-Victoria. 

Sa 50 persuna jistgħu jattendu funerali (ġewwa jew barra), flimkien mal-persuna li tmexxi l-funeral u impjegati oħrajn.  Jekk il-funeral isir f’residenza privata, massimu ta’ 5 persuni jistgħu jattendu. 

Sport fil-komunita’: Taħriġ u kompetizzjoni ta’ sport li jinvolvu kuntatt jistgħu jerġgħu jibdew għal persuni ta’ 18-il sena u iżgħar. Kompetizzjonijiet ta’ sport bla kuntatt jistgħu jerġgħu jibdew għal kull eta’.

Ftakar li għandek toqgħod attent, ipproteġi lilek innifsek u kun responsabbli. Jekk tista’ taħdem mid-dar, għandek taħdem mid-dar. Illimita lilek innifsek għall-ħruġ li huwa neċessarju.

Pagament ta’ darba ta’ $1,500 hu disponibbli biex jgħin ħaddiema eliġibbli mill-Victoria li nstabu li għandhom il-coronavirus jew li huma kuntatt qrib ta’ każ konfermat. Għal aktar informazzjoni, ċempel il-linja speċjali ta’ għajnuna fuq il-coronavirus 1800 675 398 (24 siegħa kuljum). Jekk għandek bżonn ta’ interpretu, ċempel lit-TIS National fuq 131 450.

Riżorsi (Resources)

Jekk jogħġbok uża l-informazzjoni t’hawn taħt u xerridha mal-komunita’ tiegħek permezz ta’ l-email, midja soċjali jew netwerks komunitarji oħrajn.