Преглед на промените на рестрикциите

Ако сте загрижени, јавете се на дежурната линија за coronavirus на 1800 675 398 (24 часа).
Ако ви треба преведувач, јавете се на TIS National на 131 450.
Ве молиме јавете се на Три Нули (000) само во итни случаи.

Што морате да запамтите

  • Мора да носите покривка за лице кога излегувате од дома.
  • Држете растојание од најмалку 1,5 метар од други луѓе.
  • Рацете мијте ги често.
  • Ако не ви е добро, останете дома. Не одете на работа.
  • Кашлајте и кивајте во хартиено шамивче или во лактот.
  • Ако имате кој и да е симптом на коронавирусот (coronavirus - COVID-19), мора да се тестирате.
  • Тестот за коронавирус е бесплатен за сите. Тоа ги вклучува луѓето без Medicare карта, како што се странски посетители, странски работници и баратели на азил.

На оваа страница

 

Сегашни степени на рестрикции во Викторија

Планот за попуштање на рестрикциите и чекорите за Викторија да стане Нормална во услови на COVID (COVID Normal)се наведени во планот за повторно отворање после коронавирусот (COVID-19) .

Постои еден план за градското подрачје на Мелбурн и друг за внатрешноста на Викторија.

Главниот здравствен началник (Chief Health Officer) може да ги смени рестрикциите, ако ситуацијата се смени.

Градско подрачје на Мелбурн

Втор чекор: од 28 септември 2020 во градското подрачје на Мелбурн.

Од 5 часот наутро на 28 септември 2020 повеќе нема полициски час во градското подрачје на Мелбурн.

Може да излегувате од дома во секое време заради една од четирите причини:

  • Купување храна и други неопходни работи
  • Вежбање (надвор и ограничено)
  • Дозволена работа
  • Пружање нега, од милосрдни причини или заради медицински третман.

Заради вежбање и купување неопходни работи, не смеете да се оддалечите повеќе од 5 километри од вашиот дом.

Од тогаш:

  • До пет лица од две домаќинства може да се среќаваат на отворено.
  • Во четвртото тримесечје (Term 4) постепено ќе се враќаат во училиште учениците од подготвително (Prep) до шестто одделение, учениците во VCE/VET/VCAL и учениците во специјалните училишта.
  • Се отвораат детските градинки.
  • Повеќе работни места може да се отворат.
  • Се отвораат базените на отворено, дозволен е индивидуален тренинг на најмногу две лица со еден тренер.
  • Дозволени се верски собири на отворено со присуство до пет лица и еден верски водач.
  • Венчавките се дозволени на отворено со присуство до пет лица (во тоа се вклучени двојката и двајца сведоци).
  • Викториската полиција може да ве казни 4957 долари ако патувате во внатрешноста на Викторија без законска причина. Исто така може да бидете парично казнети ако со пријатели и роднини со кои не живеете заедно се соберете на отворено во групи поголеми од пет лица. Може да бидете парично казнети ако пријатели или роднини ве посетат во вашиот дом без оправдана причина, како што е пружање нега.

Трет чекор: ако имало во просек помалку од пет нови случаи (во цела Викторија) во претходните 14 дена (во цела Викторија) и ако здравствените стручњаци се согласат.

Од тогаш:

  • Нема полициски час и нема рестрикции за излегување од дома или колку далеку може да патувате
  • До 10 лица може да се соберат на отворено.
  • Во вашиот дом може да имате до пет посетители од друго домаќинство. Тие мора да бидат од исто домаќинство.
  • Учениците во седми до десетти клас можеби ќе можат да се вратат во училиште ако имаме мал број на случаи и ако здравствените стручњаци се согласат.
  • Shops and hairdressers reopen
  • Се отвораат продавниците и фризерските салони.
  • Рестораните и кафетериите може да бидат отворени со служење на гости кои седат надвор и се во групи не поголеми од 10 лица.
  • Постепено враќање на неконтактни спортови за возрасни на отворено. Спортови (контактни и неконтактни) на отворено повторно почнуваат за лица помлади од 18 години.

Последен чекор: зависно од упатствата за јавно здравје и ако немало нови случаи во претходните 14 дена и здравствените стручњаци се согласат.

Од тогаш:

  • До 50 лица може да се собираат на отворено.
  • Може да примите до 20 посетители во вашиот дом.
  • Сите продавници се отворени.
  • Рестораните и кафетериите може да служат групи до 20 гости кои седат внатре, и најмногу 50 гости.
  • Повторно почнуваат сите спортови, зависно од мерките за безбедност. Почнуваат контактни спортови за сите возрасти.
  • На венчавки и погреби може да присуствуваат до 50 лица.
  • Повторно почнуваат јавни верски служби, под услов да се почитува правилото од четири квадратни метри.

COVID Normal: ако 28 дена не се појават нови случаи, и нема активни случаи (во цела Викторија), и нема загрижувачко ширење на вирусот во Австралија и ако здравствените стручњаци се согласат.

Од тогаш:

  • Рестрикциите попуштаат или се укинуваат, зависно од безбедносните услови.
  • Постепено враќање на работа на лицата кои работеле од дома.
  • Нема ограничувања на бројот на присутни на венчавки или погреби.
  • Нема ограничување на собири или на посетители дома.

Внатрешноста на Викторија

Трет чекор:

Од 11.59 навечер на 16 септември 2020 во внатрешноста на Викторија:

  • Нема рестрикции на причините за излегување од дома или растојанието на кое може да патувате во внатрешноста на Викторија.
  • До 10 лица може да се соберат на отворено.
  • Во вашиот дом може да примите најмногу пет посетители од друго домаќинство. Тие посетители мора да бидат од исто домаќинство. Вие може да одберете само едно домаќинство што може да ве посетува за време на овие рестрикции. Бебињата помлади од 12 месеци не се бројат како еден од петте посетители.
  • Ресторани и кафетерии може да бидат отворени со служење на гости кои седат надвор во групи не поголеми од 10 лица.
  • Постепено враќање на неконтактни спортови за возрасни на отворено. Спортови на отворено повторно почнуваат за лица под 18 години (контактни и неконтактни).

Последен чекор: зависно од упатствата за јавно здравје и ако немало нови случаи (во цела Викторија) во претходните 14 дена и здравствените стручњаци се согласат.

Од тогаш:

  • До 50 лица може да се соберат на отворено.
  • Може да примите до 20 посетители во вашиот дом.
  • Сите продавници се отворени.
  • Рестораните и кафетериите може да се служат групи до 20 гости кои седат внатре, и најмногу вкупно 50 гости.
  • Повторно може да почнат сите спортови, зависно од мерките за сигурност. Почнуваат контактни спортови за сите возрасти.
  • На венчавки и погреби може да присуствуваат до 50 лица.
  • Повторно почнуваат јавни верски служби, под услов да се почитува правилото од четири квадратни метри.

COVID Normal: ако 28 дена не се појават нови случаи, и нема активни случаи (во цела Викторија), и нема загрижувачко ширење на вирусот во Австралија и ако здравствените стручњаци се согласат.

Од тогаш:

  • Рестрикциите попуштаат или се укинуваат, зависно од безбедносните услови.
  • Постепено враќање на работа на лицата кои работеле од дома.
  • Нема ограничувања на бројот на присутни на венчавки или погреби.
  • Нема ограничување на собири или посетители дома.

Како да останете безбедни и добро

Коронавирусот (COVID-19) е сеуште со нас и може брзо да се прошири. За да ги сочуваме безбедни нашите семејства и заедници, сите треба да помогнеме.

Ова се едноставни нешта што може да ги направите за да останете безбедни:

  • Мијте ги рацете со сапун и вода најмалку 20 секунди.
  • Кашлајте и кивајте во хартиено шамивче или во лактот.
  • Држете безбедно растојание од најмалку 1,5 метар од други луѓе.
  • Носете покривка преку носот и устата, ако мора да излезете од дома.
  • Одете на вашите медицински прегледи
  • Ако не се чувствувате добро, останете дома. Не го посетувајте семејството и не одете на работа,
  • Тестирајте се ако имате некој симптом и потоа одете право дома.

Поддршка е на располагање

Ако сте загрижени дека ќе ги загубите приходите додека ги чекате резултатите на тестот, можеби имате право на исплата од 450 долари за изолација поради тестот (Test Isolation Payment) за коронавирус (COVID-19).

Ако вашиот тест е позитивен или сте близок контакт на потврден случај, можеби имате право на исплата од 1.500 долари. За повеќе информации јавете се на дежурната линија за коронавирусот на 1800 675 398. Ако ви треба преведувач, притиснете нула (0).

Ако вие или некој кого го знаете е вознемирен или загрижен, може да се јавите на Lifeline на 13 11 14 или на Beyond Blue на 1800 512 348.

Ако се чувствувате изолирани, може да се јавите на дежурната линија за коронавирусот (COVID-19) на 1800 675 398 и притиснете три (3). Ќе добиете врска со доброволец од Australian Red Cross кој ќе ве поврзе со локални служби за поддршка.

Покривка за лице

Сите Викторијци на 12 години или постари мора да носат покривка за лице кога излегуваат од дома, освен ако имаат легална причина да не го прават тоа. На пример:

  • ако имате медицинска состојба како што е сериозна состојба на кожата на лицето, или проблем со дишењето.
  • ако сте во кола, сами или со некого од вашето домаќинство.
  • ако правите напорни физички вежби, но притоа мора со себе да носите покривка за лице.
  • Од 11.59 часот навечер на 11 октомври мора да носите покривка на лицето или маска што ги покрива носот и устата. Не може да носите само штитник за лице (face shield).

 

 

Тестирање и изолација

Ако имате кој и да е симптом на коронавирусот (COVID-19), вие мора да се тестирате и да останете дома додека не ги добиете резултатите. Не одете на работа, не одете во продавници.

Симптомите на коронавирусот вклучуваат:

  • Висока температура, тресење од студ или потење
  • Кашлање или болки во грлото
  • Отежнато дишење
  • Нос што „тече“
  • Загубен осет за мирис или вкус

Тестот за коронавирус (COVID-19) е бесплатен за сите. Тоа ги вклучува луѓето без Medicare карта, како што се странски посетители, странски работници и баратели на азил.

Ако сте биле тестирани позитивни на коронавирус (COVID-19), мора да се изолирате во вашиот дом. За повеќе информации видете Што да правите ако сте тестирани позитивни на коронавирус (COVID-19)

Ако сте близок контакт на некого со коронавирус (COVID-19) мора да се ставите во карантин 14 дена. За повеќе информации видете Што да правите ако сте биле во близок контакт со некого со коронавирус (COVID-19)

Материјали

Ве молиме користете ги материјалите наведени подолу и споделете ги со вашата заедница, преку електронска пошта, социјални медиуми или други општествени мрежи.

Тестирање и изолација

Останување безбедни

Добивање помош

Покривки за лице