សេចក្តីសង្ខេបពីការផ្លាស់ប្តូរការដាក់កំហិត

ប្រសិនបើអ្នកមានការព្រួយបារម្ភ សូមទូរសព្ទទៅខ្សែទូរសព្ទបន្ទាន់សម្រាប់ Coronavirus តាម លេខ 1800 675 398 (24 ម៉ោង).
ប្រសិនបើអ្នកត្រូវការអ្នកបកប្រែផ្ទាល់មាត់ សូមទូរសព្ទទៅ TIS National តាមលេខ 131 450.
សូមរក្សាទុកលេខសូន្យបីដង (000) សម្រាប់តែ ភាពអាសន្នប៉ុណ្ណោះ .

អ្វី​ដែល​អ្នក​ត្រូវ​ចង​ចាំ

  • អ្នកត្រូវពាក់ក្បាំងគ្របច្រមុះនិងមាត់នៅពេលចេញពីផ្ទះ។
  • ត្រូវរក្សាគម្លាតសុវត្ថិភាពយ៉ាង​តិច​បំផុត1.5 ម៉ែត្រពីអ្នកដទៃ។
  • ត្រូវ​លាង​សម្អាត​ដៃ​ឲ្យ​បាន​ញឹក​ញាប់។
  • បើ​អ្នក​ឈឺ ត្រូវ​​នៅ​ផ្ទះ។ កុំ​ទៅ​ធ្វើ​ការ។
  • ក្អក ឬកណ្តាស់ដាក់ក្រដាសជូតមាត់ ឬកែងដៃរបស់អ្នក។
  • បើ​អ្នក​មាន​រោគ​សញ្ញា coronavirus (COVID-19) អ្នក​ត្រូវ​ធ្វើ​តេស្ត
  • ការធ្វើតេស្តរក coronavirus គឺឥតគិតថ្លៃសម្រាប់មនុស្សគ្រប់រូប។ ការមិនគិត​ថ្លៃ​នេះរួម​បញ្ចូលទាំងអ្នកគ្មាន Medicare ដូចជាភ្ញៀវទេសចរមកពីបរទេស ពលករចំណាកស្រុក និងអ្នកស្វែងរកសិទ្ធិជ្រកកោន។

នៅលើទំព័រនេះ

 

ការ​ដាក់​កំហិត​បច្ចុប្បន្ននៅរដ្ឋ​វិកថូរៀ

ផែនការ​ក្នុង​ការ​បន្ធូរ​បន្ថយ​ការ​ដាក់​បញ្ញត្តិជាកំហិត និង​ជំហាននៃវិធានការទាំងឡាយ​ដើម្បី​ឲ្យ​រដ្ឋ​វិកថូរៀ​ឈាន​ចូលដល់​ដំណាក់​កាល​រស់​នៅធម្មតា​ជាមួយ COVID (COVID Normal)មាន​រៀបរាប់នៅក្នុង ផែន​ទីបង្ហាញ​ផ្លូវគ្រប់គ្រង​ Coronavirus (COVID-19) ​សម្រាប់ការ​បើក​ឡើងវិញ

មានផែនការ​បើក​ឡើងវិញ​មួយ​សម្រាប់​ទីក្រុង Melbourne និង​មួយទៀត​សម្រាប់​តំបន់​ជនបទ​វិកថូរៀ។

ប្រធានមន្ត្រីសុខាភិបាល (Chief Health Officer) អាចធ្វើការផ្លាស់ប្តូរការដាក់កំហិតទាំងនេះប្រសិនបើស្ថានការណ៍មានការប្រែប្រួល។

ទីក្រុង​ Melbourne

ជំហាន​ទីមួយ ចាប់​ផ្តើមពី ម៉ោង 11.59យប់ ថ្ងៃទី13 កញ្ញា​ 2020 នៅទីក្រុង Melbourne។

មាន​បម្រាម​គោចរ​ពេល​យប់​ចាប់​ពីម៉ោង 9យប់​ដល់​ម៉ោង 5ព្រឹក ហើយ​មាន​ហេតុ​ផល​តែ​បួន​យ៉ាង​ប៉ុណ្ណោះ​ក្នុង​ការ​ចាក​ចេញ​ពីផ្ទះ ៖

  • ទិញ​ម្ហូប​អាហារ និង​គ្រឿងបរិក្ខា​រចាំ​បាច់​ផ្សេងៗ
  • ហាត់​ប្រាណ (ខាង​ក្រៅ​ផ្ទះ និង​មាន​ពេល​កំណត់)
  • មនុស្ស​ពីរ​នាក់​អាច​ជួប​គ្នា​បាន​នៅ​ក្រៅ​បរិវេណ​ផ្ទះ​រហូត​ដល់​ពីរម៉ោង។ មិន​អាច​ទទួល​ភ្ញៀវ​មក​លេង​ផ្ទះ​អ្នកបាន​ទេ។
  • ផ្តល់​ការ​ថែ​ទាំ មាន​ធុរៈ​ចាំ​បាច់ ឬ​ទទួល​ការ​ព្យា​បាលរោគ

សម្រាប់​ការ​ហាត់​ប្រាណ ឬ​ទិញ​ម្ហូប​អាហារ និង​គ្រឿង​បរិក្ខារ​ចាំ​បាច់​ផ្សេងៗ អ្នកត្រូវ​ធ្វើ​ដំណើរ​ត្រឹម 5គម ពីផ្ទះ​​ប៉ុណ្ណោះ។

ចាប់​ពី​ពេល​​នេះទៅ ៖

  • បម្រាម​គោរចរ​ចាប់​ពីម៉ោង 9យប់ដល់​ម៉ោង 5ព្រឹក។
  • អ្នក​អាច​ចាក​ចេញពីផ្ទះ​ទៅហាត់​ប្រាណពីរម៉ោង​ក្នុង​មួយថ្ងៃ។
  • មនុស្ស​ពីរ​នាក់ ឬ​សមាជិក​មួយគ្រួសារក្នុង​ផ្ទះមួយ​អាច​ជួប​ជុំ​គ្នា​ក្រៅផ្ទះ​រហូត​ដល់​ពីរម៉ោង។
  • ប្រសិន​បើ​អ្នក​រស់​នៅ​តែ​ឯង ឬ​អ្នក​ជា​ស្រ្តីម៉េម៉ាយ ឬ​បុរសពោះម៉ាយ​ដែល​មាន​កូន ហើយ​កូន​ដែល​រស់​នៅ​ជាមួយ​អ្នក​មាន​អាយុ​ក្រោម 18ឆ្នាំ អ្នកអាច​ជ្រើស​រើស​បុគ្គល​មួយរូប​ផ្សេង​ទៀត​ឲ្យ​មក​លេង​ផ្ទះ​របស់​អ្នកបាន។ បុគ្គល​នោះ​ត្រូវ​តែ​ជា​មនុស្ស​ដដែល​រៀង​រាល់​ពេល​មក​លេង​ផ្ទះអ្នក។ អ្នក​ក៏​អាច​ទៅ​លេង​ផ្ទះ​របស់​ជននោះ​បាន​ដែរ ដរាប​ណា​ជននោះ​ជា​មនុស្ស​ពេញ​វ័យ​តែ​មួយ​រូប​គត់​ពេល​ទៅ​លេង​នោះ។
  • សួន​កុមារ​បើក​ដំណើរ​ការ​ឡើង​វិញ

ជំហានទីពីរ ៖ ចាប់​ពីថ្ងៃទី 28 កញ្ញា 2020 - ប្រសិន​បើ​មាន​ករណី​កើត​ថ្មីជាមធ្យម​​ប្រចាំ​ថ្ងៃពី 30-50 ករណីនៅទីក្រុង​Melbourne ក្នុង​រយៈ​ពេល 14ថ្ងៃរហូត​ដល់​ថ្ងៃនេះ និងដោយ​អាស្រ័យ​ទៅលើ​ដំបូន្មាន​របស់​អ្នក​ជំនាញការផែ្នកសុខភាព។

មាន​ហេតុ​ផល​តែ​បួន​យ៉ាង​ប៉ុណ្ណោះ​ក្នុង​ការ​ចាក​ចេញ​ពីផ្ទះ​អ្នក ៖

  • ទិញ​ម្ហូប​អាហារ និង​គ្រឿងបរិក្ខា​រចាំ​បាច់​ផ្សេងៗ
  • ហាត់​ប្រាណ (ខាង​ក្រៅ​ផ្ទះ និង​មាន​ពេល​កំណត់)
  • ទៅធ្វើ​ការ​ដោយមាន​លិខិតអនុញ្ញាត
  • ផ្តល់​ការ​ថែ​ទាំ មាន​ធុរៈ​ចាំ​បាច់ ឬ​ទទួល​ការ​ព្យា​បាលរោគ

សម្រាប់​ការប្រាណ ឬ​ទិញ​ម្ហូប​អាហារ និង​គ្រឿង​បរិក្ខារ​ចាំ​បាច់​ផ្សេងៗ អ្នកត្រូវ​ធ្វើ​ដំណើរ​ត្រឹម 5គម ពីផ្ទះ​​ប៉ុណ្ណោះ។

ចាប់​ពីពេល​នេះទៅ ៖

  • អាច​ជួប​ជុំ​គ្នា​ក្រៅ​ផ្ទះ​រហូត​ដល់​ 5នាក់​មក​ពីផ្ទះឬគ្រួសារ​ពីរ​ផ្សេង​គ្នា។
  • នឹង​មាន​ការ​ចូលរៀន​ជា​ដំណាក់​កាល​សម្រាប់​សិស្ស​ពី​ថ្នាក់​ដំបូង ដល់​ថ្នាក់​ទី 2, VCE/VCAL និង សាលារៀន​ពិសេសសម្រាប់សិស្សពិការមិនគ្រប់លក្ខណៈ នៅ​ត្រីមាសទី 4។
  • កន្លែង​មើល​ថែ​ទាំ​កុមារ​បើក​ឡើងវិញ។
  • កន្លែង​ការ​ងារ​ជាច្រើន​ទៀត​អាច​បើក​ទ្វារ។
  • អាង​ហែល​ទឹក​ខាង​ក្រៅ​អាច​បើក​ដំណើរ​ការបាន​ ហើយ​ការ​បង្ហាត់ហ្វឹកហ្វឺន​ផ្ទាល់​ខ្លួន​អាច​បង្ហាត់​បាន​សិស្ស​ពីរ​នាក់​សម្រាប់​គ្រូ​ម្នាក់។
  • អនុញ្ញាត​ឲ្យ​មាន​ការ​ជួប​ជុំ​បែប​សាសនា​នៅ​ខាង​ក្រៅអគារ​រហូត​ដល់ 5នាក់ ដោយមាន​គ្រូដឹកនាំ​សាសនា​មួយរូប។

ជំហាន​ទីបី ៖ ចាប់ពីថ្ងៃទី 26 តុលា 2020 - ប្រសិន​បើ​មាន​ករណី​កើត​ថ្មី​ជា​មធ្យម​តិច​ជាង 5 ករណី(ទូទាំង​រដ្ឋ) ក្នុង​រយៈ​ពេល 14​ថ្ងៃ​កន្លងមក (ទូទាំង​រដ្ឋ) ហើយប្រសិន​បើមានការយល់ស្របពី​អ្នក​ជំនាញការផ្នែក​សុខភាព​។

ចាប់​ពីពេល​នេះ​ទៅ ៖

  • គ្មាន​បម្រាម​គោចរ និងគ្មាន​ការ​ដាក់បញ្ញត្តិជា​កំហិត​ក្នុង​ការ​ធ្វើ​ដំណើរ ឬ​ចម្ងាយ​ផ្លូវ​ដែលអ្នកអាចធ្វើ​ដំណើរ​នោះទេ។
  • អនុញ្ញាត​ឲ្យ​មាន​ការ​ជួប​ជុំ​គ្រៅ​អគារ​រហូដ​ល់ 10នាក់។
  • អ្នក​អាច​ទទួល​ភ្ញៀវ​មក​លេង​ផ្ទះ​បាន​ដល់ទៅ 5នាក់ ដែលមកពីផ្ទះមួយផ្សេងទៀត។ ភ្ញៀវ​ត្រូវ​តែ​មក​ពីផ្ទះ​តែ​មួយ។
  • សិស្ស​ថ្នាក់ទី 3 ដល់​ថ្នាក់ទី10 អាច​ត្រឡប់​ចូលរៀន​នៅសាលាវិញ​ប្រសិន​បើ​យើង​មាន​ករណី​ថ្មី​ទាប ហើយ​ប្រសិន​បើមានការយល់ស្របពី​អ្នក​ជំនាញការផ្នែក​សុខភាព​។
  • ហាង​ទំនិញ​ផ្សេងៗ និង​ហាង​កាត់​សក់​បើក​ទ្វារ​ដំណើរការឡើងវិញ។
  • ភោជនីយដ្ឋាន និង​ហាង​កាហ្វេ​អាច​បើក​ទ្វារ​ដោយ​ផ្តល់​សេវាកម្ម​អង្គុយ​ក្រៅ​អគារ និង​មាន​ការកំណត់មនុស្សក្នុង​ក្រុម​ត្រឹម 10នាក់។
  • ការ​លេង​កីឡា​មិនប៉ះគ្នានៅក្រៅអគារ​​សម្រាប់​មនុស្ស​ពេញវ័យ នឹងបើកជាដំណាក់កាល។ កីឡា​​ក្រៅ​អគារ​ចាប់ផ្ដើមលេងឡើងវិញសម្រាប់​មនុស្សអាយុក្រោម 18ឆ្នាំ (ទាំង​កីឡា​ប៉ះ និងមិន​ប៉ះ​គ្នា)។

ជំហាន​ចុង​ក្រោយ ៖ ចាប់​ពីថ្ងៃទី 23 វិច្ឆិកា 2020 - អាស្រ័យ​ទៅលើ​ដំបូន្មាន​សុខភាពសាធារណៈ ហើយ​ប្រសិន​បើ​គ្មាន​ករណី​ថ្មី​ក្នុង​រយៈ​ពេល 14ថ្ងៃ​កន្លងមក ព្រមទាំង​មានការយល់ស្របពីអ្នក​ជំនាញ​ការផ្នែកសុខភាព​។

ចាប់​ពីពេល​នេះ​ទៅ ៖

  • អនុញ្ញាត​ឲ្យ​មាន​ការ​ជួប​ជុំ​ខាង​ក្រៅ​អគារ​រហូត​ដល់ 50នាក់។
  • អ្នក​អាច​ទទួល​ភ្ញៀវ​រហូត​ដល់ 20នាក់​មក​លេង​ផ្ទះអ្នក។
  • ហាង​ទំនិញ​ទាំង​អស់​បើក​ទ្វារ។
  • ភោជនីយដ្ឋាន និង​ហាង​កាហ្វេ​អាច​បើក​ទ្វារ​ទទួល​ភ្ញៀវ​ដោយ​កំណត់ចំនួនមនុស្សក្នុង​ក្រុម​ត្រឹម 20នាក់​សម្រាប់​មាន​កន្លែង​អង្គុយខាង​ក្នុង និង​កំណត់​ចំនួនអតិថិជនត្រឹម 50នាក់។
  • កីឡា​អាច​បើក​ដំណើរ​ការ​ឡើង​វិញ​​ដោយអាស្រ័យទៅលើ​វិធាន​សុវត្ថិភាព។ កីឡា​ប៉ះគ្នា​អាច​បើក​ដំណើរការឡើង​វិញ​ដោយមិនប្រកាន់វ័យឡើយ។
  • អាពាហ៍​ពិពាហ៍ និង​ពិធីបុណ្យ​សព​អាច​មាន​ភ្ញៀវ​ចូលរួម​រហូត​ដល់ 50នាក់។
  • ពិធី​គោរព​សាសនា​ជាសាធារណៈចាប់​ដំណើរ​ការ​ឡើង​វិញ​បានដោយ​អាស្រ័យ​ទៅ​តាម វិធានការ​បួន​ម៉ែត្រ​ការ៉េ។

COVID Normal ៖ ប្រសិន​បើ​ក្នុង​រយៈ​ពេល 28ថ្ងៃ​គ្មានការ​កើត​ករណីថ្មី ហើយ​ករណីសកម្ម​ទាំង​ឡាយ​ត្រូវ​បាន​ព្យាបាល​ជា​អស់ (ទូទាំង​រដ្ឋ) ហើយ​គ្មាន​ការ​ផ្ទុះ​ជំងឺ​គួរ​ឲ្យ​ព្រួយបារម្ភ​នៅអូស្ត្រាលី ព្រមជាមួយនឹងការយល់ស្របពី​អ្នក​ជំនាញការផ្នែក​សុខាភិបាល​។

ចាប់​ពីពេល​នេះ​ទៅ ៖

  • គ្រប់​បទបញ្ញត្តិជា​កំហិត​ទាំង​អស់​ត្រូវ​បន្ធូរបន្ថយ ឬ​ដក​ចេញ​ដោយអាស្រ័យ​ទៅលើ​ស្ថានភាព​សុវត្ថិភាព​ផ្សេងៗ។
  • សម្រាប់​អ្នក​ដែល​បំពេញ​ការងារ​ពីផ្ទះ នឹង​មាន​ការ​ត្រឡប់​ទៅធ្វើ​ការ​នៅការិយាល័យ​វិញ​ជា​ដំណាក់​កាល។
  • គ្មានការកំណត់​ចំនួន​មនុស្ស​ចូលរួម​ក្នុងពិធី​អាពាហ៍​ពិពាហ៍ និងពិធីបុណ្យ​សពឡើយ។
  • គ្មានការកំណត់​ចំនួន​មនុស្ស​មក​លេង​ផ្ទះ ឬ​ជួប​ជុំ​គ្នាឡើយ។

តំបន់​ជន​បទ​រដ្ឋ​វិកថូរៀ

ជំហាន​ទី​បី ៖ ប្រសិន​បើ​មានកើត​ករណី​ថ្មី​តិច​ជាង​ប្រាំ (ករណី​មធ្យម​នៅ​តំបន់​ជន​បទ) និង​គ្មាន​ករណី​ថ្មី​ដែល​មិន​ដឹង​ពី​ប្រភព (ចំនួន​ករណីសរុប​ក្នុង​តំបន់) ក្នុងរយៈ​ពេល 14ថ្ងៃ​កន្លងទៅ។ជំហាន​ទីពីរ ចាប់​ផ្តើម​ពី​ម៉ោង 11.59 យប់ថ្ងៃទី 13 កញ្ញា 2020 នៅ​តំបន់​ជន​បទ​វិកថូរៀ។

ចាប់​ពីម៉ោង 11.59 យប់ ថ្ងៃទី 16 កញ្ញា 2020 នៅ​តំបន់​ជន​បទ​វិកថូរៀ ៖

  • គ្មាន​ការ​ដាក់​កំហិត​លើ​ហេតុផលក្នុង​ការ​ចាក​ចេញ​ពីផ្ទះ ឬ​ចម្ងាយ​ផ្លូវ​ធ្វើ​ដំណើរ​ពីផ្ទះ​​នៅ​តំបន់​ជន​បទ​វិកថូរៀនោះទេ។
  • ហាត់​ប្រាណ (ខាង​ក្រៅ​ផ្ទះ និង​មាន​ពេល​កំណត់)
  • អ្នក​អាច​ទទួល​ភ្ញៀវ​មក​លេង​ផ្ទះ​រហូត​ដល់ 5នាក់​ពី​​ផ្ទះមួយ​ផ្សេង​ទៀត។ ភ្ញៀវ​ត្រូវ​តែ​មក​ពី​​ផ្ទះ​តែ​មួយ។ អ្នក​អាច​ជ្រើស​រើស​ភ្ញៀវ​ពីផ្ទះ​តែ​មួយ​ប៉ុណ្ណោះឲ្យមក​លេង​ផ្ទះ​ក្នុង​អំឡុង​ពេល​ដាក់​កំហិត​នេះ។ មិនរាប់បញ្ចូកកូនក្មេង​អាយុ​ក្រោម 12ខែ ​នៅក្នុងចំនួនកំណត់​នេះ​ទេ។
  • ផ្តល់​ការ​ថែ​ទាំ មាន​ធុរៈ​ចាំ​បាច់ ឬ​ទទួល​ការ​ព្យា​បាលរោគ

ចាប់​ពីពេល​នេះ​ទៅ ៖

  • អាច​ជួប​ជុំ​គ្នា​ក្រៅ​ផ្ទះ​រហូត​ដល់​ 5នាក់​មក​ពីផ្ទះ​ពីរ​ផ្សេង​គ្នា។
  • ប្រសិន​បើ​អ្នក​រស់​នៅ​តែ​ម្នាក់​ឯង ឬអ្នក​ជាស្រ្តី​ម៉េម៉ាយ ឬបុរស​ពោះ​ម៉ាយ អ្នក​អាច​ជ្រើស​រើស​មនុស្សម្នាក់​មក​លេង​ផ្ទះអ្នក។ អ្នក​ក៏​អាច​ទៅ​លេង​ផ្ទះ​គេ​បាន​ផង​ដែរ ប៉ុន្តែ​នៅ​ក្នុង​តែ​ករណី​គ្មាន​មនុស្ស​ពេញ​វ័យ​ផ្សេង​ទៀត​មាន​វត្ត​មាន​នៅផ្ទះ​ព្រមពេលជាមួយគ្នាប៉ុណ្ណោះ។ បុគ្គល​នោះ​ត្រូវ​តែ​ជា​មនុស្សដដែល​ជារៀរាល់ពេល។
  • សិស្ស​ទាំងអស់ចូលរៀន​តាម​ដំណាក់​កាល​នៅ​ត្រីមាស​ទី​4។
  • មណ្ឌល​ថែ​ទាំ​កុមារ​បើក​ដំណើរការឡើង​វិញ។
  • អាង​ហែល​ទឹក​ខាង​ក្រៅ និង​សួន​កុមារ​បើក​ដំណើរ​ការ។
  • អនុញ្ញាត​ឲ្យ​មាន​ការ​ជួប​ជុំ​បែប​សាសនា​នៅ​ខាង​ក្រៅអគារ​រហូត​ដល់ 5នាក់ និង​គ្រូដឹកនាំ​សាសនា​មួយរូប។

ជំហាន​ទី​បី ៖ ប្រសិន​បើ​មាន​ករណី​ថ្មី​តិច​ជាង5 (ករណី​មធ្យម​នៅ​តំបន់​ជន​បទ) និង​គ្មានករណីថ្មី​ដោយ​មិន​ដឹង​ប្រភព​ (សរុប​នៅ​ទូទាំង​តំបន់) ក្នុង​រយៈ​ពេល 14​ថ្ងៃកន្លងមក ហើយមានការយល់ស្របពី​អ្នក​ជំនាញការផ្នែក​សុខភាព​។ កាលបរិច្ឆេទ​លើ​ជំហាន​នេះគឺ​អាស្រ័យ​ទៅលើ​ដំបូន្មាននៃ​អ្នក​ជំនាញ​ការផ្នែកសុខភាព។

ចាប់​ពីពេល​នេះ​ទៅ ៖

  • គ្មាន​ការ​ដាក់​បញ្ញត្តិជាកំហិត​ក្នុង​ការ​ចាក​ចេញ​ពីផ្ទះ​ ឬ​ចម្ងាយ​ផ្លូវ​ធ្វើ​ដំណើរ​ទេ។
  • អាច​ជួប​ជុំ​គ្នា​ក្រៅ​អគារ​រហូត​ដល់ 10នាក់។
  • អ្នក​អាច​ទទួល​ភ្ញៀវ​មក​លេង​ផ្ទះអ្នក​បាន 5នាក់​ពី​ផ្ទះ​មួយ​ផ្សេង​ទៀត។ ភ្ញៀវ​ត្រូវ​តែ​មក​ពី​ផ្ទះ​តែមួយ។
  • ភោជនីយដ្ឋាន និង​ហាង​កាហ្វេ​អាច​បើក​ដំណើរ​ការ​ឡើង​វិញ​ដោយ​ផ្តល់​ជូន​សេវាកម្ម​អង្គុយ​ខាង​ក្រៅ​ដោយ​កំណត់ចំនួនមនុស្ស​មួយ​ក្រុម​ត្រឹម 10នាក់។
  • ការលេង​កីឡាមិន​ប៉ះគ្នា​ក្រៅ​អគារ​សម្រាប់​មនុស្ស​ពេញ​វ័យ​នឹង​បើក​ជា​ដំណាក់​កាល។ កីឡា​ខាង​ក្រៅ​អគារ​អាច​ចាប់​ផ្តើម​លេង​ឡើង​វិញ​សម្រាប់​មនុស្សអាយុ​ក្រោម 18ឆ្នាំ (ទោះបីជា​កីឡា​ប៉ះគ្នា ឬ​មិន​ប៉ះគ្នា​ក្ដី)។

ជំហាន​ចុង​ក្រោយ ៖ ពីថ្ងៃទី 23 វិច្ឆិកា 2020 - អាស្រ័យ​ទៅលើ​ដំបូន្មាន​សុខភាព​សាធារណៈ ហើយ​ប្រសិន​បើ​គ្មានករណី​ថ្មី (ទូទាំង​រដ្ឋ) ក្នុង​រយៈ​ពេល 14ថ្ងៃកន្លងទៅ ព្រមទាំង​អាស្រ័យ​ទៅលើដំបូន្មានពីអ្នក​ជំនាញ​ការផ្នែកសុខភាព។

ចាប់​ពីពេល​នេះ​ទៅ ៖

  • អនុញ្ញាត​ឲ្យ​មាន​ការ​ជួប​ជុំ​ខាង​ក្រៅ​អគារ​រហូត​ដល់ 50នាក់។
  • អ្នក​អាច​ទទួល​ភ្ញៀវ​រហូត​ដល់ 20នាក់​មក​លេង​ផ្ទះ។
  • ហាង​ទំនិញ​ទាំង​អស់​បើក​ទ្វារ។
  • ភោជនីយដ្ឋាន និង​ហាង​កាហ្វេ​អាច​បើក​ទ្វារ​ទទួល​ភ្ញៀវ​ដោយ​កំណត់​ក្រុម​ត្រឹម 20នាក់​សម្រាប់​មាន​កន្លែង​អង្គុយខាង​ក្នុង និង​កំណត់​ត្រឹមអតិថិជន 50នាក់។
  • កីឡា​អាច​បើក​ដំណើរ​ការ​ឡើង​វិញ​​តែ​ត្រូវ​មាន​វិធាន​សុវត្ថិភាព។ កីឡា​ប៉ះគ្នា​អាច​បើក​ឡើង​វិញ​បាន​សម្រាប់​គ្រប់​អាយុ។
  • អាពាហ៍​ពិពាហ៍ និង​ពិធីបុណ្យ​សព​អាច​មាន​ភ្ញៀវ​ចូលរួម​រហូត​ដល់ 50នាក់។
  • ពិធី​គោរព​សាសនា​ចាប់​ដំណើរ​ការ​ឡើង​វិញ​ដោយ​គោរព​ទៅ​តាម វិធាន​បួន​ម៉ែត្រ​ការ៉េ។

COVID Normal ៖ ប្រសិន​បើ​ក្នុង​រយៈ​ពេល 28ថ្ងៃ​គ្មានការ​កើត​ករណីថ្មី ហើយ​ករណីសកម្ម​ទាំង​ឡាយ​ត្រូវ​បាន​ព្យាបាល​ជា​អស់ (ទូទាំង​រដ្ឋ) ហើយ​គ្មាន​ការ​ផ្ទុះ​ជំងឺ​គួរ​ឲ្យ​ព្រួយបារម្ភ​នៅអូស្ត្រាលី ព្រមជាមួយនឹងការយល់ស្របពី​អ្នក​ជំនាញការផ្នែក​សុខាភិបាល​។

ចាប់​ពីពេល​នេះ​ទៅ ៖

  • គ្រប់​បញ្ញត្តិជា​កំហិត​ទាំង​អស់​ត្រូវ​បន្ធូរបន្ថយ ឬ​ដក​ចេញដោយ​អាស្រ័យ​ទៅលើ​ស្ថានភាពសុវត្ថិភាពផ្សេងៗ។
  • សម្រាប់​អ្នក​ដែល​បំពេញ​ការងារ​ពីផ្ទះ នឹង​មាន​ការ​ត្រឡប់​ទៅធ្វើ​ការ​នៅការិយាល័យ​វិញ​ជា​ដំណាក់​កាល។
  • គ្មានការ​កំណត់​ចំនួន​មនុស្ស​ចូលរួម​ក្នុង​ពិធីអាពាហ៍​ពិពាហ៍ និងពិធីបុណ្យ​សពឡើយ។
  • គ្មានការ​កំណត់​ចំនួន​មនុស្ស​មក​លេង​ផ្ទះ ឬ​ជួប​ជុំ​គ្នាឡើយ។

របៀប​រក្សា​សុវត្ថិភាព និង​​សុខភាព​ឲ្យបានល្អ

Coronavirus (COVID-19) នៅ​ជាមួយ​យើងនៅឡើយ ហើយ​អាច​ឆ្លង​យ៉ាង​ឆាប់​រហ័ស។ ដើម្បី​ឲ្យ​គ្រួសារ និង​សហគមន៍​របស់​យើង​មាន​សុវត្ថិភាព​ យើង​ត្រូវ​ចូលរួម​ចំណែក​ទាំង​អស់​គ្នា។

ខាង​ក្រោម​នេះ​ជា​ចំណុច​ងាយៗ​ដែល​អ្នក​អាច​ធ្វើ​បាន​ដើម្បី​រក្សាសុវត្ថិភាព ៖

  • លាង​សម្អាត​ដៃ​នឹង​សាប៊ូជាមួយ​ទឹក​យ៉ាង​ហោច​ណាស់​ឲ្យ​បាន 20វិនាទី។
  • ក្អក ឬ​កណ្តាស​ដាក់​ក្រដាស​ជូត​មាត់ ឬ​កែង​ដៃអ្នក។
  • ត្រូវ​រក្សា​គម្លាត​សុវត្ថិភាព 1.5 ម៉ែត្រ​ពីអ្នក​ដទៃ។
  • ​ពាក់​ក្បាំង​គ្រប​មាត់ និង​ច្រមុះ ប្រសិន​បើ​អ្នក​ចាក​ចេញពីផ្ទះ។
  • ត្រូវ​ទៅ​ឆែក​ពិនិត្យ​សុខភាព។
  • ប្រសិន​បើ​អ្នក​ឈឺ ត្រូវ​​នៅផ្ទះ។ កុំ​ទៅលេង​គ្រួសារ ឬ​ទៅធ្វើ​ការ។
  • ត្រូវ​ទៅ​ធ្វើ​តេស្ត​ប្រសិន​បើ​អ្នក​មាន​រោគ​សញ្ញា​ណាមួយ រួច​ត្រឡប់​ទៅផ្ទះវិញ​ភ្លាម។

ការ​ឧបត្ថម្ភគឺ​មាន​សម្រាប់​អ្នក

ប្រសិន​បើ​អ្នក​មាន​ការ​ព្រួយ​បារម្ភ​ពីការ​បាត់​បង់​ប្រាក់​ចំណូល​ខណៈដែល​រង់​ចាំ​លទ្ធផល​ធ្វើ​តេស្ត អ្នក​អាច​មាន​សិទ្ធិ​ស្នើ​សុំ​ជំនួយថវិកា 450ដុល្លារ សម្រាប់​ការ​បង់​ថ្លៃ​រង់​ចាំ​លទ្ធផលនៃការ​ធ្វើ​តេស្ត Test Isolation Payment coronavirus (COVID-19)។

ប្រសិន​បើ​ការ​ធ្វើ​តេស្តរបស់អ្នក​បង្ហាញលទ្ធផល​វិជ្ជមាន ឬ​អ្នកបាន​នៅជិត​បុគ្គល​ដែល​មាន​មេរោគ អ្នក​អាច​ដាក់​ពាក្យ​ស្នើ​សុំ​ការឧបត្ថម្ភប្រាក់ចំនួន $1500 ដុល្លារ។ សម្រាប់​ព័ត៌មាន​បន្ថែម​សូម​ទូរស័ព្ទ​ទៅកាន់​ខ្សែ​ទូរស័ព្ទ​ជំនួយ Coronavirus តាម​លេខ 1800 675 398។ ប្រសិន​បើ​អ្នក​ត្រូវ​ការ​អ្នក​បក​ប្រែ សូម​ចុច​លេខ (០)។

បើ​អ្នក ឬ​នរណា​ម្នាក់​ដែល​អ្នក​ស្គាល់​មាន​អាការៈអន្ទះសារក្នុងចិត្ត ឬ​មាន​ការ​បារម្ភ​ច្រើន - សូម​ទូរស័ព្ទទៅ Lifeline តាម​លេខ 13 11 14 ឬ Beyond Blue តាម​លេខ 1800 512 348។​បើ​អ្នក​ត្រូវ​ការ​អ្នក​បក​ប្រែ ដំបូង​ត្រូវ​ទូរស័ព្ទ​ទៅ TIS National តាម​លេខ 131 450។

បើ​អ្នក​មាន​អារម្មណ៍​ឯកោ អ្នក​ក៏​អាច​ទូរស័ព្ទ​ទៅ​កាន់ខ្សែ​ទូរស័ព្ទ​ជំនួយ coronavirus (COVID-19) តាម​លេខ 1800 675 398 ហើយ​ចុច​ជម្រើស​លេខ 3។ គេ​នឹង​ភ្ជាប់​ខ្សែ​ទូរស័ព្ទអ្នក​ទៅ​កាន់​អ្នក​ស្ម័គ្រ​ចិត្ត Australian Red Cross ដែល​អាច​ភ្ជាប់​​អ្នក​ជាមួយនឹង​អ្នក​ផ្ដល់ជំនួយ​តាមសហគមន៍។

ក្បាំង​គ្រប​ច្រមុះនិងមាត់

ពលរដ្ឋ​វិកថូរៀ​គ្រប់​រូប​ដែល​មាន​អាយុ​ចាប់​ពី​12 ឆ្នាំ​ឡើងទៅ​ត្រូវ​ពាក់ក្បាំង​គ្រប​ច្រមុះនិងមាត់​ពេល​ចេញ​ពី​ផ្ទះ លើកលែងតែពួកគេមានហេតុ​ផល​ស្រប​ច្បាប់​​ដូចលើក​ក្នុង​ករណី​ឧទាហរណ៍ខាង​ក្រោម​នេះ ៖

  • ​បើ​អ្នក​មាន​បញ្ហា​សុខភាព​ដូចជា​បញ្ហា​ស្បែក​ធ្ងន់​ធ្ងរ​នៅ​លើ​មុខ ឬ​មាន​បញ្ហា​ក្នុង​ការ​ដក​ដង្ហើម
  • បើ​អ្នក​ជិះ​ឡាន​​អាចជិះ​ម្នាក់​ឯង ឬ​ជាមួយ​នរណាម្នាក់​ដែលស្នាក់​នៅ​ផ្ទះ​ជាមួយ​គ្នា
  • ​បើ​អ្នក​ធ្វើ​លំហាត់​ប្រាណ​ដោយ​ប្រើ​កម្លាំង​ខ្លាំង ប៉ុន្តែ​អ្នក​ត្រូវ​តែ​យក​ក្បាំង​គ្រប​ច្រមុះនិងមាត់តាមខ្លួន។

 

 

ការធ្វើតេស្ដ និង នៅដាច់ពីគេឯង

ប្រសិន​បើ​អ្នក​មាន​រោគ​សញ្ញា​ណាមួយ​ទាក់​ទង​នឹង​ coronavirus (COVID-19) អ្នក​ត្រូវ​ ទៅធ្វើ​តេស្ត និង​​នៅផ្ទះ​រហូតបាន​ទទួល​​លទ្ធផល។ កុំ​ទៅធ្វើ​ការ​ ឬទៅ​ទិញបរិក្ខារ​ផ្សេងៗ។

រោគសញ្ញា coronavirus រួមមាន ៖

  • គ្រុន​ក្តៅ រងាញ័រញាក់ ឬ​បែក​ញើស
  • ក្អក ឬ​ឈឺ​បំពង់ក
  • ពិបាក​ដក​ដង្ហើម
  • ហៀរ​សម្បោរ
  • បាត់​បង់​ក្លិន​ ឬ​រស​ជាតិ

ការធ្វើតេស្ត coronavirus (COVID-19) គឺឥតគិតថ្លៃសម្រាប់មនុស្សគ្រប់រូប។ ការមិនគិត​ថ្លៃ​នេះរួម​បញ្ចូលទាំងអ្នកគ្មាន Medicare ដូចជាភ្ញៀវទេសចរមកពីបរទេស ពលករចំណាកស្រុក និងអ្នកស្វែងរកសិទ្ធិជ្រកកោន។

ប្រសិន​បើ​អ្នក​ធ្វើ​តេស្ត​រក​ឃើញ​វិជ្ជមាន​នៃ coronavirus (COVID-19) អ្នក​ត្រូវ​ស្ថិត​នៅ​ដាច់​តែ​ឯង​នៅផ្ទះ​អ្នក។ សម្រាប់​ព័ត៌មាន​បន្ថែម​ សូម​មើល អ្វីដែល​ត្រូវ​ធ្វើ​ ប្រសិន​បើ​តេស្ដរបស់អ្នក​បង្ហាញ​លទ្ធផល​វិជ្ជមាន ឬ​អ្នក​បាន​ស្ថិត​នៅ​ជិត​អ្នក​មាន​ coronavirus (COVID-19) (Word).

ប្រសិន​បើ​អ្នក​មាន​ទំនាក់​ទំនង​ជិត​ស្និទ្ធ​ជាមួយ​នរណា​ម្នាក់​ដែលមាន coronavirus (COVID-19) អ្នក​ត្រូវ​​នៅ​ដាច់​ដោយ​ឡែក​រយៈ​ពេល 14ថ្ងៃ។ សម្រាប់​ព័ត៌មាន​បន្ថែម សូម​មើល អ្វីដែលត្រូវធ្វើ ប្រសិនបើអ្នកមានទំនាក់ទំនងជិតស្និទ្ធជាមួយនរណាម្នាក់ ដែលមានវីរុសកូរ៉ូណា (COVID-19)

ធនធាន​ផ្សេងៗទៀត

សូមប្រើប្រាស់ឯកសារខាងក្រោមនេះ ហើយចែករំលែកជាមួយសហគមន៍របស់អ្នកតាមអ៊ីមែល បណ្តាញសង្គម ឬ បណ្តាញសហគមន៍ផ្សេងៗទៀត។

ការ​ធ្វើ​តេស្ត និង​ការ​នៅ​ដាច់​ដោយ​ឡែក

ការរក្សា​សុវត្ថិភាព

ការ​ស្វែងសុំ​ជំនួយ

ម៉ាស្កឬក្បាំង​គ្រប​ច្រមុះ និងមាត់