Khamnak thlennawn mi pawl tawinak in langhter mi

Inn ah na um hrimhrim lai. Cu nih cun nunnak pawl kha a kham lai.
Siaherhmi na ngeih ahcun, coronavirus kongkau ca chawnh khawh peng nak 1800 675 398 (suimilam 24) ah chawn.
Holhlettu na herh ahcun, 131 450 ah TIS National kha chawn.
Tri nule (000) zovite samo u hitnom slučaju!

Naa cinken a hau mi pawl

  • Innleng na chuah paoh ah hmai huhnak na hman a hau.
  • 1.5 metre dan in hawi he naa hlat lengmang lai.
  • Tu le tu tein na kut iṭawl.
  • Na damlo ahcun, inn ah um. Rianṭuannak ah kal hlah.
  • Na khuh le hathio tikah tissue siloah na kiu hmang in na ka naa huh lai.
  • Coronavirus (Covid-19) zawt hmelchunhnak pawl na ngeih ahcun, naa chek hrimhrim a hau.
  • Coronavirus cheknak cu zapi caah manlo a si. Medicare catlap ngei lomi si hna seh, ramdang in khual si hna seh, rianṭuan ruah mipeem mi si hna seh, cun ralzam sinak a sawk lio mi hna ca zongah manlo a si.

Hi cahmai cungah

Atulio Victoria caah khamnak pawl

Khamnak dinhdorhnak ding kongkau a si ah, cun Victoria ram chungah mah hlan ningkel (COVID Normal) bantuk in ṭhutdir khawhnak ding kongkau hna cu Coronavirus (Covid-19) dinhdorh in on-ṭhannak tuah ding mi timhlamhnak sinah tlamtling deuh in langhter an si.

Melbourne le a pawng khuapi pawl caah pakhat, Victoria khua kiangkap le khuate deuh pawl caah pakhat tiin tuah a si.

Ngandamnak lei Lutlai (Chief Health Officer) nih hi khamnak pawl hi thil sining hoih in a thlen nawn khawh lengmang hna.

Melbourne le a pawng khuapi

Timhlamhnak Pakhatnak cu 2020, September 13 zaan 11.59 pm in Melbourne le a pawng khuapi pawl ah aa thawk lai.

Zaan sml 9pm in zing sml 5am tiang zaan lengchuah khamnak a um rih lai i a ruang pa4 ca lawngah innleng chuah khawh a si lai.

  • Ti le rawl cawk ah le a dangdang herhhai thilri cawk ah
  • Pumcawlcanghnak (innleng tuah ding, cun ri serpiak mi a um)
  • Rianṭuan nawl awnh mi caah
  • Mi zohkhenh, cun ruahthiam piak khawh mi kongkau caah silole sii-ai thlopbul duh le sii-inn kal duh ah.

Ti rawl le herhhai thilri cawk nak le pumcawlcanghnak tuah nak ah cun, na inn in 5km leng na umkal lai lo.

Hi caan thawk cun:

  • Zaan sml 9pm in zing sml 5am kar cu lengchuah kham a si lai.
  • Suimilam pahnih chung pumcawlcanghnak tuah awk ah inn leng na chuak kho.
  • Minung pahnih nih suimilam pahnih chung innleng ah iton in caan an hmang ṭi kho. Inn ah lengkaitu na ngei kho lo.
  • Nangmah lawng in khuasa mi na si ah, asiloah na fa le hi nangmah pakhat he lawng khuasa mi nan si i, na fale vialte kum 18 tang an si dih ahcun, na inn ah a rak in leng kho tu minung pakhat in naa thim khawh. A minung tu hi aa khat lengmang mi a si a hau. Naa thimmi minung zong amah te lawng inn ah a um caan a si ahcun, nangmah zong nih an inn ah na va lenkai khawh ve.
  • Lentecelhnak tual pawl cu on ṭhan an si lai.

Timhlamhnak Pahnihnak: 2020 September 28 in thok ding – Melbourne le a pawng khuapi pawl ahhin, aluanciami ni 14 chung ah nichiar in zawtnak a ngei thar mi minung cu 30 in 50 kar an si ah siseh, cun ngandamnak lei thiamsang pawl ruahnak cheuh mi cungah aa hngatchan te lai.

Inn leng chuahnak caah a ruang pali lawng a um lai:

  • Ti le rawl cawk ah le a dangdang herhhai thilri cawk ah
  • Pumcawlcanghnak (innleng tuah ding, cun ri serpiak mi a um)
  • Rianṭuan nawl awnh mi caah
  • Mi zohkhenh, cun ruahthiam piak khawh mi kongkau caah silole sii-ai thlopbul duh le sii-inn kal duh ah.

Ti rawl le herhhai thil le ri cawk nak le pumcawlcanghnak tuah nak ah cun, na inn in 5km leng na umkal lai lo.

Hi caan thawk cun:

  • Chungkhar pahnih in minung pa5 tiang a leng ah caan hman ṭi khawh si lai.
  • Taangcheu in Taang 2 tiang siangakchia pawl caah siseh, VCE/VCAL ca siseh, cun pum tlamtling lo pawl cawnnak cu Term 4 ah sianginn kai ṭhannak ding timhlamhnak a um lai.
  • Ngakchia Zohkhenhnak (Childcare) cu on ṭhan an si lai.
  • Rianṭuannak hmun tam deuh in on khawh an si lai.
  • Innleng ah ummi tilionak cu on ṭhan an si lai, pumpak pumcawlcangh cawnnak he pehtlai in minung pahnih nih cawnpiaktu pakhat an hman khawh lai.
  • Biaknak lei he pehtlai in innleng ah minung pa5 tiang, cun hruaitu pakhat telhchih in tonnak ngeih khawh a si lai.

Timhlamhnak Pathumnak: 2020 October 26 in thawk ding – zawtnak a ngei thar mi minung milu cu peng-ṭhen chungah aluancia ni 14 chungah nifatin in pa5 nak in a tlawm i ngandamnak lei thiamsang pawl nih an hnatlak ve ahcun.

Hi caan thawk cun:

  • Zaan lengchuah khamnak a um ti lai lo, cun cu caan theng lawngah leng na chuak kho timi le cu caan tiang lawng na umkal kho tibantuk zong a um ti lai lo.
  • Innleng ah minung pa10 tiang iton khawh a si lai.
  • Na inn chungah chungkhar dang in minung pa5 tiang nih an in lenkai khawh. Mileng cu an zapi tein innchungkhar khuasa ṭi khat an si a hau.
  • Ngandamnak lei thiamsang pawl nih an hnatlak pi i zawtnak a ngei thar mi milu cu a zawr ngai ko ahcun Taang 3 in Taang 10 siangakchia hna ca zongal sianginn kai ṭhan khawh a si.
  • Dawr pawl le sam-mehnak dawr pawl cu on ṭhan an si lai.
  • Rawldawr le lakphak dawr pawl hna cu innleng ah ṭhutnak chiah in minung pa10 tiang caah on khawh an si lai.
  • Kum 18 cung caah pum-tawngh lo in innleng lentecelhnak cu celh khawh a si ṭhan lai. Kum 18 in a tang lei pawl ca ahcun pum-tawngh he tawngh lo he innleng lentecelhnak paohpaoh celh khawh a si ṭhan lai.

Timhlamhnak Donghnak: 2020 November 23 in thawk ding – ngandamnak lei thiamsang pawl nih an hnatlak pi i aluancia ni 14 chungah zawtnak thar a ngei mi minung an um ti lo, cun zapi ngandamnak zohfeltu hna hmuhsak ning in si te lai.

Hi caan thawk cun:

  • Innleng ah minung 50 tiang iton khawh si lai.
  • Na inn ah mileng pa20 tiang na ngei kho lai.
  • Dawr vialte on ṭhan an si lai.
  • Rawldawr le lakphak dawr chung hna ah minung pa20 tiang ṭhut khawh a si lai i, caan hman in ding-ei tu (patrons) minung 50 tiang awnh a si lai.
  • Zulh awk tete zohchih in lentecelhnak cu pehzulh khawh a si lai. Zei bantuk lentecelhnak paoh ho paoh nih celh khawh a si lai.
  • Ṭhitum puai le ruak vuinak ah minung 50 tiang i pumh khawh a si lai.
  • Zapi biaknak thangṭhatnak cu four square metre zulhphung zohchih in pehzulh khawh an si lai.

COVID Normal: Ngandamnak lei thiamsang pawl nih an hnatlak pi ah siseh, Australia ramchung ah zawtnak boruak kongah lungretheih awk a um ti lo ah siseh, ramṭhen chungah zawtnak in a zaw rih mi an um ti lo ah siseh, cun ni 28 chungah zawtnak thar ngei mi an um ti lo cun.

Hi caan thawk cun:

  • Humhimnak zohchih in khamnak pawl cu dinhdorh an si lai i ngol an si lai.
  • Inn in rianṭuan mi pawl caah rianṭuannak hmun ah kir in rianṭuan pehzulh ding timhlamhnak a um lai.
  • Ṭhitum puai zawh le ruak humhnak caah minung ri khiahpiaknak a um ti lai lo.
  • Itonnak le ilenkainak kongkau ah ri serpiak a um ti lai lo.

Victoria khua kiangkap le khuate lei deuh pawl

Timhlamhnak Pathumnak: mah hlan ni 14 chungah zawtnak an hmuhmi hi nikhat ah panga nak in a tlawm siseh (regional vialte buaktlak in) cun zawtnak hi aho nih dah a chawn tiah hngalhtheih lomi in hi pakhat hmanh a um lo ahcun (regional vialte tuak in).

2020, September 16, zaan 11.59 thawk cun regional Victoria chungah:

  • Aruang ngeih lawngah Innleng chuah khamnak hi a um ti lai lo i cu tiang kha tiang lawng na um na kal kho ti zong a um ti lai lo.
  • Minung pa10 tiang innleng ah an i tong kho lai.
  • Na inn chungah chungkhar dang sinin hawi leng panga tiang na ngei kho lai. Lengkaitu hna cu innchungkhar pakhat ah khuasa ṭi mi minung an si dih a hau. Hi khamnak tuah lio ahhin an leng kho tu ding chungkhar naa thim khawh. Thla 12 tang a simi ngakchia no cu rel chih an si lo.
  • Rawldawr le lakphak dawr pawl hna cu innleng ah ṭhutnak chiah in minung pa10 tiang caah on khawh an si lai.
  • Kum 18 cung caah pum-tawngh lo in innleng lentecelhnak cu celh khawh a si ṭhan lai. Kum 18 in a tang lei pawl caah cun pum-tawngh he tawngh lo he innleng lentecelhnak paohpaoh celh khawh a si ṭhan lai.

Timhlamhnak Donghnak: 2020 November 23 in thawk ding – ngandamnak lei thiamsang pawl nih an hnatlak pi i aluancia ni14 chungah zawtnak thar a ngei mi minung an um ti lo, cun zapi ngandamnak zohfeltu hna hmuhsak ning in si te lai.

Hi caan thawk cun:

  • Innleng ah minung 50 tiang iton khawh si lai.
  • Na inn ah mileng pa20 tiang na ngei kho lai.
  • Dawr vialte on ṭhan an si lai.
  • Rawldawr le lakphak dawr chung hna ah minung pa20 tiang ṭhut khawh a si lai i, caan hman in ding-ei tu (patrons) minung 50 tiang awnh a si lai.
  • Zulh awk tete zohchih in lentecelhnak cu pehzulh khawh a si lai. Zei bantuk lentecelhnak paoh hi ahopaoh nih celh khawh a si lai.
  • Ṭhitum puai le ruak vuinak ah minung 50 tiang ipumh khawh a si lai.
  • Zapi biaknak thangṭhatnak cu four square metre zulhphung zohchih in pehzulh khawh an si lai.

COVID Normal: Ngandamnak lei thiamsang pawl nih an hnatlak pi ah siseh, Australia ramchung ah zawtnak boruak kongah lungretheih awk a um ti lo ah siseh, ramṭhen chungah zawtnak a zaw rih mi an um ti lo ah siseh, cun ni 28 chungah zawtnak thar ngei mi an um ti lo cun.

Hi caan thawk cun:

  • Humhimnak zohchih in khamnak pawl cu dinhdorh an si lai i ngol an si lai.
  • Inn in rianṭuan mi pawl caah rianṭuannak hmun kir in rianṭuan pehzulh ding timhlamhnak a um lai.
  • Ṭhitum puai zawh le ruak humhnak caah aa tel kho mi minung ri serpiak um ti lai lo.
  • Itonnak le ilenkainak kongkau ah ri serpiak a um ti lai lo.

Him le dam in um khawh ningdan

Coronavirus (Covid-19) zawtnak hi kan ton cuahmah rih i khulrang ngai in a karh khomi zong a si. Kan innchungkhar le kan mibu himbawm tein an um khawhnak ding caah, aho paoh ṭuanvo kan ngei cio.

Him tein kan um khawhnak ding lam phun hna cu:

  • Sapiat le ti hmang in second 20 chung na kut iṭawl
  • Na khuh le hathio tikah tissue siloah na kiu khan na ka naa huh lai.
  • 1.5 metre dan in hawi he naa hlat lengmang lai.
  • Inn leng na chuah caan paoh ah na ka le na hnar a hup mi hmai huhnak na hman lai.
  • Na ngandamnak caah icheknak ngei.
  • Na damlo ahcun, inn ah um. Hawi leng hna hlah, cun rianṭuan zong kal hlah.
  • Zawt hmelchunhnak na ngeih ahcun ichek, cun inn ah ṭin colh.

Bawmhnak a um ko

Naa chek mi a phi chuah na hngah lio ah, tangka luhnak kongkau ah na lungre a theih ahcun, coronavirus (Covid-19) IChek In Erhkhumh Bawmhnak pek mi $450 co tin awkah naa tlak ve kho men (Test Isolation Payment).

Coronavirus zawtnak na ngeih asiloah a ngei mi pawngah na um ahcun, voikhat pek $1500 in pek mi bawmhnak co tin awkah naa tlak ve kho men. Tam deuh in thil hngalhnak caah: Coronavirus Hlathlai cu 1800 675 398 in chawn hna. Holhlet na herh ahcun, nambar zero (0) kha hmet.

Nangmah na si ah, na theihhngalh mi minung an si ah lungrethei le umkhua nuam loin nan um ahcun, Lifeline cu 13 11 14 in na chawnh khawh hna, siloah Beyond Blue cu 1800 512 348 in na chawnh khawh hna. Holhlet na herh ahcun 131 450 hi chawn hmaisa hna.

Umkhua nuam loin nangmah lawng in na um ahcun, coronavirus (Covid-19) hlathlainak cu 1800 675 398 in chawn hna law, nambar pathum (3) kha hmet. Australian Red Cross ah pumpek in rianṭuan mi minung he pehtlaih na si lai i cuticun na umnak sangveng chung i a ummi bawmhnak pakhat khat kawlpi an zuam lai.

Hmai i huhnak

Victoria ramchung minung kum 12 in a cunglei minung paoh nih innleng chuah tikah hmai huhnak hman dih ding a si lai, cozah khunh pek mi minung dah ti lo. A bianabia ah:

  • Na ngandamnak lei kong he pehtlai in fak ngai in na hmai takvun ningcan lonak na ngeih le thawdawp chuah aa harh mi na si ahcun
  • Motor na mawngh naa cit tikah, nangmah lawng in na si pek silole na chungkhar he nan si ah
  • Fak ngai in pum cawlcanghnak (exercise) na tuah caan ah, sihmanhsehlaw hmai huhnak cu a ken tal cu naa ken lengmang hrimhrim lai.

Cheknak le erhkhumhnak

Coronavirus (Covid-19) zawt hmelchunhnak na ngeih ahcun, naa chek hrimhrim a hau, cun naa chekmi a phi chuah hlan lo inn ah na um a hau. Rianṭuannak le dawr tibantuk ah na kal kho lo.

Zawt hmelchunhnak ah aa telmi hna cu:

  • Taksaat, raifanh le thlantipeih
  • Khuh siloah or fah
  • Thawdawp chuah iharh
  • Hnapti tawh
  • Rim le thawtnam theih khawh lo

Coronavirus cheknak cu zapi caah manlo a si. Medicare catlap ngei lomi si hna seh, ramdang in khual caah siseh, rianṭuan ruah mipeem mi si hna seh, cun ralzam sinak a sawk lio mi hna ca zongah manlo a si.

Coronavirus (Covid-19) naa chek i na ngeih (positive na si) ahcun, inn ah naa erhkhumh a hau. Tam deuh in thil hngalhnak caah: Coronavirus (Covid-19) ka ngeih ahcun zeidah ka tuah lai (Word), timi kha zoh chap.

Coronavirus (Covid-19) a ngei mi pawngah a um mi na si ahcun, inn chungah ni 14 chung naa erhkhumh a hau. Tam deuh in thil hngalhnak caah: Coronavirus (Covid-19) ngei mi pawngah ka um ahcun zeidah ka tuah lai (Word), timi kha zoh chap.

Hmanding dangdang

Zaangfahnak tein a tanglei cabia le theihtlei hna hi na mibu sinah email in siseh, maivan cazamhnak in siseh silole mibu chung pehtlaihnak pakhat khat ah zamh chin ve hna.

I cheknak le i erhkhumhnak

Him tein umnak

Bawmhnak kawlnak

Hmaihuhnak pawl