Coronavirus (COVID-19) i a hung chuakphutmi kong thawngthanhmi, a hnubik thilcang pawl, le ruahnak cheuhmi.
Information, updates and advice about the outbreak of coronavirus (COVID-19).

Inn ah na um hrimhrim lai. Cu nih cun nunnak pawl kha a kham lai.
Siaherhmi na ngeih ahcun, coronavirus kongkau ca chawnh khawh peng nak 1800 675 398 (suimilam 24) ah chawn.
Holhlettu na herh ahcun, 131 450 ah TIS National kha chawn.
Tri nule (000) zovite samo u hitnom slučaju!

Na hngalh awk a si mi

  • Na kut i ṭawl, na khuh le hacio ah i hup cun miṭer 1.5 dan in hawi he hlat in um.
  • Na dam lo ahcun inn ah um.
  • Coronavirus zawtnak i a hmelchunhnak na ngeih ahcun i chek.
  • Ngamdamnak lei Lutlai (The Chief Health Officer) nih thil sining hoih in rikhiahnak pawl hi a thlen khawh ṭhan.

May 31, 2020, Zarhpini zaan suimilam 11.59 pm thok in, cheukhat rikhiahnak pawl cu thlen an si cang.

June 1 thok cun, minung 20 nih:

  • Inn pakhat chungah an um kho.
  • Innchung innleng i mibu i pumhkawmhnak an ngei kho.
  • Rawl , lakphak  le zu dawr ah tirawl an ding ei kho. Zu belte hi rawl he lawng din a ngah lai.
  • Takpum i tawng loin lentecelh khawhmi le khualeng lentecelhnak pawl an i celh kho.
  • Biaknak hruaitu le puai a tuahtu hna pin ah, biaknak hmun silole biaknak phungphai in tuah mi puai hme deuh tete ah an kal kho.
  • Takpum dawhternak hmun, takpum em in i senternak hmun, takpum hmul i phawinak hmun, tin dawhternak dawr, tilum i ciahnak hmun pawl (spas), ṭatṭu dawr (tattoo) le i malitnak hmun ah an kal kho.
  • Puai a tuahtu le nuva hna pin ah, ṭhihumnak puai ah an kal kho.
  • Mibu i hawikomhnak hmun (community centres) ah an kal kho.
  • Tiliohnak bual hmun an hmang kho.
  • Hmanthlak inn, thilhlun chiahnak inn, thilhlun hmun, khualeng nuamhseihnak hmun, mawṭaw cit in zoh khawh mi sinama (cinemas) pawl le saram chiahnak (zoo) ah an kal kho.
  • Zapi nih i hrawmhmi, tahchunhnak ah takkholhnak hmun tibantuk a um lonak hmun ah khemh-ping (camping) le mawṭaw innchung um i khualeng vahnak (caravan park) an ngei kho.

Ruakhumhnak a tawlreltu hna pin ah, minung 50 nih ruakhumhnak ah an kal kho (innchung he innleng he). Pumpak umnak inn ah ruakhumh a si ahcun, minung 20 leng nih humh khawh a si lai lo.

June 21, 2020, Zarhpini zaan suimilam 11.59 pm thok in rikhiahnak pawl cu tam deuh in thlen an si lai.

Hi rikhiahnak pawl hi Victoria Ngamdamnak lei Lutlai ruahpinak in hnatlakpimi an si.

June 22 thok cun, mipi nih an tuah khawh mi:

  • Innchung lentecelhnak hmun ah an kal kho, hi ahhin gym kal zong aa tel chih i hmun pakhat ah minung 20 kal a ngah, nain a bu in tuah hau mi a si ahcun minung 10 tiang lawng a ngah
  • Baisikup, khawnsat, tiṭer (theatres) le bawlung kun pawl ah minung 50 an kal kho.
  • Rawl , lakphak  le zu dawr ah minung 50 nih tirawl an ding ei kho. Zu belte hi rawl he lawng din a ngah lai.
  • Hmanthlak inn, thilhlun chiahnak inn, thilhlun hmun, khualeng nuamhseihnak hmun, mawṭaw cit in zoh khawh mi baisikup pawl (cinemas) le saram chiahnak (zoo) ah minung 50 an kal kho

Him tein um kha i zuam peng law, mizapi nih hngalh tuah awk thil kha hngalh le hmang khawh ve kha i zuam. Inn in na rian ṭuan khawh ahcun,  inn bak in na ṭuan a hau. Cun, thil pakhatkhat tuah na hauh lo ahcun—zaangfahnak tein tuah duh hlah.

Resources