Coronavirus (COVID-19) ႐ုတ္တရက္ ျဖစ္ပြားျခင္းျဖင့္ ပတ္သက္ေသာ သတင္းအခ်က္အလက္မ်ား၊ ေနာက္ဆံုးသတင္းမ်ားႏွင့္ အႀကံျပဳခ်က္မ်ား။.
Information, updates and advice about the outbreak of coronavirus (COVID-19).
ဤစာမျက်နှာတွင် (On this page)

အကယ်၍ သင် စိုးရိမ်ပူပန်နေလျှင် coronavirus တိုက်ရိုက်ဖုန်းလိုင်း 1800 675 398 (၂၄ နာရီလုံး) ကို ခေါ်ပါ။.
အကယ်၍ သင် စကားပြန်တစ်ဦး အလိုရှိလျှင် TIS National ကိုဖုန်း 131 450 ဖြင့်ခေါ်ပါ။.
ကျေးဇူးပြု၍ ဖုန်းနံပါတ် သုညသုံးလုံး (000) ကို အရေးပေါ်ကိစ္စများအတွက်သာ သုံးပါ.

 

သင် သတိပြုရမည့် အရာ (What you must remember)

  • သင့်တွင် Coronavirus ၏ ရောဂါလက္ခဏာများ ရှိလျှင် စစ်ဆေးမှု ခံယူပါ။
  • အကယ်၍ သင် နေထိုင်မကောင်းလျှင် အိမ်၌နေပါ။ မိသားစုထံ သွားမလည်ပါနှင့် သို့မဟုတ် အလုပ် မသွားပါနှင့်။
  • သင့်လက်များကို ဆေးကြောပါ၊ စက္ကူတစ်ရှူးထဲ သို့မဟုတ် လက်တံတောင်ကွေးထဲ ချောင်းဆိုးပါ သို့မဟုတ် နှာချေပါ၊ ထို့ပြင် သင်နှင့်အတူ မနေထိုင်သည့် မည်သူမဆိုမှ ၁.၅ မီတာ အကွာအဝေး၌ နေပါ။
  • အကယ်၍ သင် လုပ်နိုင်လျှင် သင် အိမ်မှနေ၍ ဆက်လက် အလုပ်လုပ်ရမည်။
  • အကယ်၍ အခြေအနေ ပြောင်းလဲလျှင် ကျန်းမာရေး အရာရှိချုပ် (Chief Health Officer) သည် ပိတ်ပင်ကန့်သတ်ချက်များကို ပြောင်းလဲနိုင်သည်။

ဗစ်တိုးရီးယားပြည်နယ်ရှိ နောက်ဆုံးပြင်ထားသည့် ပိတ်ပင်ကန့်သတ်ချက်များ (Latest restrictions in Victoria)

ဇူလိုင်လ ၂ ရက်နေ့မှစ၍ ဗစ်တိုးရီးယားပြည်နယ်၏ အချို့ နယ်မြေများ၌ မတူကွဲပြားသော ပိတ်ပင်ကန့်သတ်ချက်များ သက်ဆိုင်ပါမည်။

ဗစ်တိုးရီးယားပြည်နယ် တစ်ဝန်း ပြည်နယ်လုံးလိုက် ပိတ်ပင်ကန့်သတ်ချက်များ

ဇူလိုင်လ ၂ ရက်နေ့မှ စ၍-

  • စျေးရောင်းစင်တာများနှင့် ပြင်ပ စျေးများသည် စျေးဝယ်သူ အရေအတွက်ကို ကန့်သတ်ရမည်။
  • ကန့်သတ်ထားသည့် ရပ်ကွက်များ၏ ပြင်ပတွင် နေထိုင်သည့်သူများသည် အဆိုပါ ရပ်ကွက်များအတွင်းသို့ အကြောင်းရင်း လေးခု အတွက်သာ သွားနိုင်သည်-
  1. အစားအစာ သို့မဟုတ် အခြား မရှိမဖြစ် လိုအပ်သည့် အရာပစ္စည်းများအတွက် စျေးဝယ်ခြင်း
  2. ဂရုဏာထားရမည့် အကြောင်းရင်းများကြောင့် စောင့်ရှောက်ပေးရန် သို့မဟုတ် ဆေးဝါးကုသမှုခံယူရန်
  3. အိမ်ပြင်ပ ကိုယ်လက်လေ့ကျင့်ခန်းလုပ်ခြင်းအတွက်
  4. အကယ်၍ သင် အိမ်မှနေ၍ မလုပ်နိုင်လျှင် အလုပ်သွားရန် သို့မဟုတ် အိမ်မှနေ၍ စာမသင်နိုင်လျှင် စာသင်ရန်

ဗစ်တိုးရီးယားပြည်နယ် တစ်ဝန်း ဇွန်လ ၂၂ ရက်နေ့မှ (အောက်ပါ) ပိတ်ပင်ကန့်သတ်ချက်များသည် ဆက်လက်၍ သက်ဆိုင်သေးသည်။ ထို့ပြင်-

ကန့်သတ်ထားသည့် ရပ်ကွက်များ

ဇူလိုင်လ ၂ ရက်နေ့မှစ၍ ဤရပ်ကွက်များတွင် အဆင့် ၃ ဖြစ်သော အိမ်၌နေရန် (Stage 3 Stay at Home)  ပိတ်ပင်ကန့်သတ်ချက်များ သက်ဆိုင်သည်-

  • 3038 – Keilor Downs, Keilor Lodge, Taylors Lakes, Watergardens
  • 3021 – Albanvale, Kealba, Kings Park, St Albans
  • 3012 – Brooklyn, Kingsville, Maidstone, Tottenham, West Footscray
  • 3042 – Airport West, Keilor Park, Niddrie, Niddrie North
  • 3064 – Craigieburn, Donnybrook, Mickleham, Roxburgh Park, Kalkallo
  • 3047 – Broadmeadows, Dallas, Jacana
  • 3060 – Fawkner
  • 3032 – Ascot Vale, Highpoint City, Maribyrnong, Travancore
  • 3046 – Glenroy, Hadfield, Oak Park
  • 3055 – Brunswick South, Brunswick West, Moonee Vale, Moreland West

and from 5 July

  • 3031 – Kensington, Flemington
  • 3051 – North Melbourne, Hotham Hill

ဇူလိုင်လ ၂ ရက်နေ့မှစ၍ သင် ဤရပ်ကွက်များအနက် တစ်ခုတွင် နေထိုင်လျှင် သင် အိမ်အပြင်ထွက်နိုင်သည့် အကြောင်းရင်း ၄ ခုသာ ရှိသည်-

  1. အစားအစာ သို့မဟုတ် အခြား မရှိမဖြစ် လိုအပ်သည့် အရာပစ္စည်းများအတွက် စျေးဝယ်ခြင်း
  2. ဂရုဏာထားရမည့် အကြောင်းရင်းများကြောင့် စောင့်ရှောက်ပေးရန် သို့မဟုတ် ဆေးဝါးကုသမှုခံယူရန်
  3. ကိုယ်လက်လေ့ကျင့်ခန်းလုပ်ခြင်းအတွက် (အိမ်ပြင်ပ ကိုယ်လက်လေ့ကျင့်ခန်း၊ အခြား လူတစ်ဦးတည်းဖြင့်သာ သို့မဟုတ် သင့်အိမ်ထောင်စုဝင်များနှင့်သာ)
  4. အကယ်၍ သင် အိမ်မှနေ၍ မလုပ်နိုင်လျှင် အလုပ်သွားရန် သို့မဟုတ် အိမ်မှနေ၍ စာမသင်နိုင်လျှင် စာသင်ရန်

သင် သင့်အိမ်၌ ဧည့်သည်များ မထားရှိနိုင်ပါ သို့မဟုတ် စောင့်ရှောက်မှုနှင့် ဂရုဏာထားရမည့် အကြောင်းရင်းများမှ တစ်ပါး အခြားသူများထံ အလည်မသွားနိုင်ပါ။ သင် အထက်ဖော်ပြပါ အကြောင်းရင်း လေးခုအနက် တစ်ခုအတွက်မှ တစ်ပါး ခရီးမသွားနိုင်ပါ။

ပိတ်ပင်ကန့်သတ်ချက်များကို ဤရပ်ကွက်များ၌ လုပ်စရာများနှင့် ဆုံရပ်နေရာများအတွက် သက်ဆိုင်ပါမည်-

  • စားသောက်ဆိုင်များနှင့် ကဖီးများသည် ထုပ်ပိုးယူဆောင်သွားရန်နှင့် အိမ်ပို့ပေးရန်အတွက်သာ ရောင်းနိုင်သည်
  • ဟိုတယ်အရောင်းခန်းများ၊ အရက်ရောင်းကောင်တာများနှင့် အသင်းများကို ထုပ်ပိုးယူဆောင်သွားရန် အစားအစားနှင့်အရက် ရောင်းခြင်းမှတစ်ပါး ပိတ်ထားရမည်
  • ဆံပင်အလှပြင်ခန်းများနှင့် ဆံပင်ညှပ်ဆိုင်များမှတစ်ပါး အလှပြင်ခန်းနှင့် တစ်ကိုယ်ရေ စောင့်ရှောက်မှု ဝန်ဆောင်ခန်းများကို ပိတ်ထားရမည်။
  • စာကြည့်တိုက်များ၊ အသိုင်းအဝိုင်း ဆုံရပ်နေရာများ၊ အားကစား စင်တာများနှင့် အပန်းဖြေခရီး နေထိုင်စရာများကို ပိတ်ထားရပါမည်။
  • ပြခန်းများ၊ ပြတိုက်များ၊ သမိုင်းဝင်နေရာများ၊ တရိစ္ဆာန်ဥယျာဥ်များ၊ အိမ်ပြင်ပ ဖြေဖျော်ရေးပန်းခြံများနှင့် စျေးဆိုင်တန်းများ၊ ကစားရာစင်တာများ၊ အိမ်တွင်းနှင့် ကားဖြင့်-ဝင်ကြည့်သည့် ရုပ်ရှင်ရုံများ၊ ဇာတ်ရုံများ၊ ပရိသတ်ထိုင်ရာဇာတ်ရုံများ၊ ပြိုင်ကွင်းများ၊ အားကစားရုံများ၊ လောင်းကစားရုံများနှင့် ကစားရုံများကို ပိတ်ထားရပါမည်။
  • အားကစားရုံများ၊ လေ့ကျင့်ရေးနှင့် ရေကူးကန်များအပါအဝင် အိမ်တွင်း နှင့် အိမ်ပြင် အားကစား ရုံများကို ပိတ်ထားရပါမည်။ ကိုယ်ရေးကိုယ်တာ လေ့ကျင့်ရေး အိမ်ပြင်ပရုံများကို လေ့ကျင့်သူ နှစ်ဦး အပြင် နည်းပြ အကန့်အသတ်ဖြင့် ခွင့်ပြုသည်။
  • ထိမ်းမြားမင်္ဂလာဆောင်ပွဲများကို လူငါးဦးဖြင့် ကျင်းပရန် ကန့်သတ်ပါမည် (မင်္ဂလာစုံတွဲ၊ သက်သေနှစ်ဦးနှင့် ထိမ်းမြားပေးသူ)
  • အသုဘကို ပို့သူ ၁၀ ဦး အပြင် အသုဘ ဦးစီးလုပ်ကိုင်ရန် လိုအပ်သူများဖြင့် ကန့်သတ်ပါမည်။
  •  ပုဂ္ဂလိက အိမ်၌ ကျင်းပသည့် ထိမ်းမြားမင်္ဂလာဆောင်ပွဲများ သို့မဟုတ် အသုဘကို အိမ်ထောင်စု အပြင် ပွဲလမ်းကို ဦးစီးကျင်းပရန် လိုအပ်သူများဖြင့် ကန့်သတ်ရပါမည်။

ဘာသာရေး ပွဲလမ်းများနှင့် ရှိခိုးကိုးကွယ်မှုကို အွန်လိုင်းဖြင့်သာ လုပ်နိုင်သည်။

ကျောင်းသူကျောင်းသားများမှာ တတိယ ကျောင်းဖွင့်တန်းကာလ စတင်သည့်အခါ ကျောင်းတက်နိုင်သည်။

အကယ်၍ သင် ပိတ်ပင်ကန့်သတ်ထားသည့် ရပ်ကွက်များအနက် တစ်ခုတွင် နေထိုင်ပြီး လက်ရှိ၌ အပန်းဖြေခရီးတွင် ရောက်ရှိနေလျှင် သင့် အပန်းဖြေခရီးကို သင် ဆက်လက် လုပ်နိုင်သည်။

ရပ်ကွက်များ၌ COVID-19 အသိုင်းအဝိုင်း ဆက်သွယ်ဆောင်ရွက်မှုနှင့် တိုး၍လုပ်သည့် စစ်ဆေးမှု (COVID-19 community engagement and increased testing in suburbs)

Coronavirus ကူးစက်မှု တိုးလာသည့် ရပ်ကွက်များတွင် ကျွန်ုတို့သည် သတင်းအချက်အလက်များပေးရန်နှင့် စစ်ဆေးခြင်း သတင်းအချက်အလက်တို့ကိုပေးရန် လူများ၏ အိမ်များသို့လာရောက်ပါမည်။

ဤသတင်းအချက်အလက်များတွင် မည်သည့်နေရာတွင် စစ်ဆေးမှုခံယူရမည်ဖြစ်ကြောင်းနှင့် အကယ်၍ သင် ကိုယ်တိုင်-အထိတွေ့မဲ့ အထီးကျန်နေရန် လိုအပ်လျှင် ငွေကြေးနှင့် အခြား အကူအညီ ရယူပုံတို့ ပါဝင်ပါသည်။

အကယ်၍ သင့် နယ်မြေတွင် အိမ်များသို့ လူများ လာရောက်မှုရှိလျှင် သင် အမှာစာ ရပါလိမ့်မည်။

အကယ်၍ သင် သင့်တံခါးကို လာခေါက်သူနှင့် စကားပြောဆိုရန် စကားပြန် လိအပ်လျှင် TIS National ဖုန်း 131 450 ကိုခေါ်ပါ။

ဤရပ်ကွက်များတွင် လှည့်လည်လာရောက်သည့် စစ်ဆေးပေးသည့် ယာဥ်များ၊ အိမ်၌လုပ်သည့် အရည်စသုတ်ယူစရာများနှင့် တံတွေးစစ်ဆေးခြင်းများကို ရရှိနိုင်ပါသည်။

လက်ရှိ ပိတ်ပင်ကန့်သတ်ချက်များ - သင်သည် ကန့်သတ်ထားသည့် ရပ်ကွက်၌ နေထိုင်သည်မှလွဲ၍ဖြစ်သည် Current restrictions – unless you are in a restricted postcode)

  • သင်လက်များကို ဆေးကြောပါ၊ သင် ချောင်းဆိုး သို့မဟုတ် နှာချေသည့်အခါ သင့် ပါးစပ်နှင့် နှာခေါင်းကို ဖုံး၍လုပ်ပြီး အခြားလူများမှ ၁.၅ မီတာ လုံခြုံသည့် အကွာအဝေးတွင် နေပါ။
  • အကယ်၍ သင် နေထိုင်မကောင်းလျှင် အိမ်၌နေပါ။ မိသားစုထံ သွားမလည်ပါနှင့် သို့မဟုတ် အလုပ် မသွားပါနွင့္။
  • အကယ်၍ သင့်တွင် ကိုရိုနာဗိုင်းရတ်စ် (coronavirus) ရောဂါလက္ခဏာများ ရှိလျှင် သင် စစ်ဆေးမှု ခံယူရမည်။
  • အကယ်၍ သင် လုပ်နိုင်လျှင် အိမ်မှနေ၍ သင် ဆက်လက် အလုပ်လုပ်ရမည်။
  • အကယ်၍ သင် မိသားစု သို့မဟုတ် မိတ်ဆွေများထံ အလည်သွားလျှင် သင် ခပ်ခွာခွာ အကွာအဝေးတွင် နေရမည်  – လက်ဆွဲ နှုတ်မဆက်ရ ထို့ပြင် မပွေ့မဖက်ရ။ ဤသို့ဖြင့် သင် ချစ်ခင်ရသူများကို ကူညီ၍အကာအကွယ်ပေးပါမည်။
  • အကယ်၍ အခြေအနေ ပြောင်းလဲလျှင် ကျန်းမာရေး အရာရှိချုပ် (Chief Health Officer) သည် ပိတ်ပင်ကန့်သတ်ချက်များကို ပြောင်းလဲနိုင်သည်။

၂၀၂၀ ခုနှစ် ဇွန်လ ၂၁ ရက်နေ့ တနင်္ဂနွေနေ့၊ ည ၁၁.၅၉ နာရီ၌ ပိတ်ပင်ကန့်သတ်ချက် အချို့ကို ပြောင်းလဲခဲ့သည်။ ကြေညာခဲ့သည့် ပိတ်ပင်ကန့်သတ်ချက် အချို့ကို လူစုဝေးနိုင်သည့် အရေအတွက်ကို လျှော့ချရန်အတွက် နှောင့်နှေးစေခဲ့သည် သို့မဟုတ် ပြောင်းလဲခဲ့သည်။ ဗစ်တိုးရီးယားပြည်နယ်ရှိ ကိုရိုနာဗိုင်းရတ်စ် (coronavirus) ရောဂါရှိသူ အရေအတွက် တိုးမြှင့်လာသောကြောင့် ဤပြောင်းလဲချက်ကို လုပ်ခဲ့ရသည်။

ဇွန်လ ၂၂ ရက်မှစ၍ တစ်ကြိမ်လျှင် လူ ၅ ဦး ထက်ကျော်၍-

  • သင့်အိမ်သို့ လာမလည်နိုင်ပါ။

ဇွန်လ ၂၂ ရက်နေ့မှစ၍ လူ ၁၀ ဦး အထိ သည်-

  • အများပြည်သူနေရာ၌ အတွင်းတွင်ဖြစ်စေ သို့မဟုတ် အပြင်တွင်ဖြစ်စေ စုဝေးနိုင်သည်။

ဇွန်လ ၂၂ ရက်နေ့မှစ၍ လူ ၂၀ ဦး အထိ သည်-

  • အခန်းတစ်ခန်းတွင် လူ အယောက် ၂၀ အထိဖြင့် စားသောက်ဆိုင်၊ ကဖီး၊ ဟိုတယ်အရက်ရောင်းခန်း သို့မဟုတ် အရက်ဘား သို့သွားနိုင်သည်။ အစားအစာမှာယူရန် မလိုဘဲ အရက်ကို တည်ခင်းနိုင်သော်လည်း စားသုံးသူများမှာ ထိုင်နေရမည်။ အကြီးမားဆုံး အုပ်စုအရွယ်မှာ လူ ၁၀ ဦးဖြစ်သည်။
  • အတွင်း သို့မဟုတ် အပြင် အားကစားနှင့် ကိုယ်လက်လေ့ကျင့်ခန်း လုပ်နိုင်သည်။ အားကစားရုံများနှင့် ရေကူးကန်များ အပါအဝင် အားကစားရုံများသို့ သွားနိုင်သည်။ အားကစားသင်တန်း အတန်းများကို အုပ်စုလိုက် ကစားခြင်း တစ်ခုချင်းအတွက် လူ ၁၀ ဦး ကန့်သတ်ထားရသည်။
  • ဝတ်ျပဳကိုးကွယ်ရာနေရာ သို့မဟုတ် ဘာသာရေး ပွဲလမ်း အသေးစားသို့ သွားနိုင်သည်၊ ပွဲလမ်းကို ကျင်းပပေးသူများကို ထည့်ရေတွက်ရန် မလိုဘဲဖြစ်သည်။
  • အလှပြင်ခန်း သို့မဟုတ် ချွေးထုတ်ခန်း သို့မဟုတ် အသားညိုအောင်ပြင်ခန်း၊ အမွေးအမှင် ဖယ်ရှားခန်း၊ လက်သည်းညှပ်ခန်း၊ မင်ကြောင်ထိုးခန်း သို့မဟုတ် နှိပ်နယ်ခန်းသို့ သွားနိုင်သည်။
  • ထိမ်းမြားပွဲသို့ သွားနိုင်သည်၊ ထိမ်းမြားပေးသူနှင့် ထိမ်းမြားသူစုံတွဲတို့ကို ထည့်ရေတွက်ရန် မလိုဘဲဖြစ်သည်။ အကယ်၍ ပွဲလမ်းကို ပုဂ္ဂလိကအိမ်၌ ကျင်းပပါက ထိမ်းမြားပေးသူ အပြင် အများဆုံး ဧည့်သည် ၅ ဦး တက်ရောက်နိုင်သည်။
  • ယဥ်ကျေးမှုဆိုင်ရာ လူမှုရေးစင်တာများ၊ စာကြည့်တိုက် သို့မဟုတ် လူမှုအသိုင်းအဝိုင်း အသင်းများသို့ သွားနိုင်သည်။
  • ပန်းချီပြခန်း၊ ပြတိုက်၊ ရုပ်ရှင်ရုံ၊ ဇာတ်ရုံ၊ သမိုင်းဝင်နေရာ၊ ပြင်ပ အပန်းဖြေပန်းခြံ သို့မဟုတ် တိရစ္ဆာန်ဥယျာဥ်တို့ရှိ အိမ်တွင်းနေရာတစ်ခုစီတွင် နေနိုင်သည်။ အိမ်ပြင်ပ နေရာများအတွက် လေးစတုရန်း မီတာလျှင် လူတစ်ဦးကိုသာ ခွင့်ပြုသည်။
  • ကြိုတင်မှာထားပြီးဖြစ်သည့် နေထိုင်စရာ နှင့်/သို့မဟုတ် တဲထိုးစခန်း အပါအဝင် ဗစ်တိုးရီးယား ပြည်နယ်အတွင်း ခရီးသွားမှု

လူ ၅၀ ဦး အထိ သည်  အသုဘ (အိမ်တွင်း သို့မဟုတ် အိမ်ပြင်) တက်ရောက်နိုင်သည်၊ အသုဘကို ဦးဆောင်ကျင်းပသူနှင့် အခြား အသုဘ ဝန်ထမ်းများကို ထည့်ရေတွက်ရန် မလိုဘဲဖြစ်သည်။ အကယ်၍ အသုဘကို ပုဂ္ဂလိက အိမ်၌ ကျင်းပပါက အများဆုံး အသုဘပို့သူ ၅ ဦးသာ တက်ရောက်နိုင်သည်။

လူမှုအသိုင်းအဝိုင်း အားကစား- အထိအတွေ့ရှိသော အားကစား လေ့ကျင့်ရေးနှင့် ပြိုင်ပွဲကို အသက် ၁၈ နှစ် သို့မဟုတ် ငယ်သောလူများအတွက် ပြန်လည် လုပ်နိုင်သည်။ အထိအတွေ့-မဲ့ အားကစား ပြိုင်ပွဲများကို အသက်အရွယ် အားလုံးအတွက် ပြန်လည် လုပ်နိုင်သည်။

မိမိကိုယ်တိုင်ကို ဂရုစိုက်ရန်၊ ကာကွယ်ရန်နှင့် မိမိ၏ သာမန်ဉာဏ်အမြော်အမြင်ကို သုံးရန် သတိပြုပါ။ အကယ်၍ သင် အိမ်မှနေ၍ အလုပ်လုပ်နိုင်လျှင် အိမ်မှနေ၍ သင် အလုပ်လုပ်ရမည်။ လိုအပ်သည့် အပြင် သွားလာခြင်းများကို မိမိကိုယ်မိမိ ကန့်သတ်ပါ။

ကိုရိုနာဗိုင်းရတ်စ် (coronavirus) ရောဂါ ဖော်ထုတ်ခံရသည့် သို့မဟုတ် ရောဂါရှိသူနှင့် နီးနီးကပ်ကပ် အထိအတွေ့ရှိသည့် ဗစ်တိုးရီးယားပြည်နယ် ရထိုက်ခွင့်ရှိသည့် အလုပ်သမားများကို ထောက်ပံ့ရန် တစ်ခါတည်း-ပေးသည့် ထောက်ပံ့ငွေ $1,500 ရရှိနိုင်ပါသည်။ ပိုမိုသိရှိလိုသော အချက်အလက်များအတွက် ကိုရိုနာဗိုင်းရတ်စ် အကူအညီဖုန်းလိုင်း (coronavirus helpline) ဖုန်း 1800 675 398 (တစ်ရက် ၂၄ နာရီ) ကို ဆက်ပါ။ အကယ်၍ သင် စကားပြန် လိုလျှင် TIS National ဖုန်း 131 450 ကိုဆက်ပါ။

ပံ့ပိုးရင်းမြစ်များ (Resources)

ကျေးဇူးပြု၍ အောက်ပါ အရာများကို အသုံးပြုပြီး ၎င်းတို့ကို သင့် အသိုင်းအဝိုင်းထံသို့ အီးမေးလ်၊ လူမှုရေး မီဒီယာ သို့မဟုတ် အခြားသော အသိုင်းအဝိုင်း ဆက်သွယ်ရေးကွန်ခြာများဖြင့် ဝေမျှပေးကမ်းပါ။