ለእገዳዎች ለውጦች አጭር መግለጫ

የሚያሳስብዎት ከሆነ ለኮሮና ቫይረስ/coronavirus በሆትላይን 1800 675 398 (24 ሰዓታት) መደወል።.
አስተርጓሚ ካስፈለግዎት፤ ለ TIS National በስልክ 131 450 መደወል.
እባክዎን በሶስት ዜሮ (000) ለድንገተኛ ችግር ብቻ መደወል.

ምን ማስታወስ እንዳለብዎት

  • ከቤት ሲወጡ የፊት መሸፈኛ ማጥለቅ አለብዎት።
  • ከሌሎች ሰዎች ደህንነት ባለው ቢያንስ በ1.5 ሜትር ርቀትን መጠበቅ።
  • ብዙ ጊዜ እጆችዎን መታጠብ።
  • ካመምዎት እቤትዎ መቆየት፤ ወደ ሥራ አለመሄድ።
  • ሲስሉ ወይም ሲያስነጥሱ በለስላሳ ወረቀት ቲሹ ወይም በክንድዎ ውስጥ ማድረግ።
  • ማንኛውም የኮሮና ቫይረስ (COVID-19)በሽታ ምልክቶች ካለብዎት፤ ምርመራ ማካሄድ አለብዎት።
  • የኮሮና ቫይረስ ምርመራ ለሁሉም ሰው በነጻ ነው። በዚህ የሚካተት መዲኬር ካርድ ለሌላቸው ሰዎች፣ እንደከውጭ አገር ለመጡ ጎብኝዎች፣ በሥራ ለመጡ እና ለጥገኝነት ጠያቂዎች ይሆናል።

በዚህ ገጽ ላይ

 

በአሁን ጊዜ በቪክቶሪያ ያለው የእገዳ ደረጃ

በቪክቶሪያ ደረጃዎች ለእገዳዎች የማቃለል እቅድ እና ለ ኮቪድ መደበኛ/COVID Normal ለማግኘት በኮሮና ቫይረስ (COVID-19) ሮድ ማፕ እንደገና ለመክፈት .ውስጥ ላይ ወጥቷል።

ለከተማ ክልል መልበርን አንድ እቅድ እንዳለና ለክልል ቪክቶሪያ ደግሞ አንድ አለ።

ሁኔታዎች ከተቀተሩ የተቀመጡትን እገዳዎች የጤና ጥበቃ ዋና ሓላፊ መቀየር ይችላል።

ከተማ ክልል ሜልበርን

ሁለተኛ እርምጃ: በሜልበርን ከተማ ክልል ከቀን 28 መስከረም/September 2020 ጀምሮ።

ከጥዋቱ ሰዓት 5am ቀን 28 መስከረም/September 2020 ጀምሮ በሜልበርን ከተማ ክልል ውስጥ የሰዓት እላፊ ገሰብ የለም።

በሚከተሉት ከአንድ እስከ አራት ባሉት ምክንያቶች በማንኛውም ጊዜ ከቤት መውጣት ይችላሉ:

  • ምግብ ወይም አስፈላጊ ለሆኑ እቃዎች ለመግዛት
  • ለአካል እንቅስቃሴ (ከቤት ውጭ እና ለተወሰነ)
  • ፈቃድ ላገኘ ሥራ
  • ርህራሄያዊ በሆነ ምክንያት እንክብካቤ ለመስጠት ወይም ህክምና ለሚፈልግ ለማከም።

ለአካል እንቅስቃሴና ጠቃሚ ለሆኑ እቃዎች ለመግዛት ከቤትዎ 5 ኪሎ ሜትር ባለው ርቀት ክልል መሆን አለበት።

ከዚህ ጊዜ ጀምሮ:

  • ከሁለት ቤተሰቦች ባሉት እስከ አምስት ሰዎች ከቤት ውጭ መገናኘት ይችላሉ።
  • በተርም ፈረቃ/ Term 4 ለተማሪዎች ወደ ትምህርት ቤት ከጀማሪ እስከ ክፍል 6፣ VCE/VET/VCAL፣ እና ልዩ ትምህርት ቤቶች ለመመለስ ደረጃ ይኖራል።
  • የህጻን እንክብካቤ መስጫን እንደገና መክፈት
  • ብዙ የሥራ ቦታዎች መክፈት መቻል
  • በውጭ ያሉ መዋኛ ገንዳዎች፣ በአንድ አሰልጣኝ እስከ ሁለት ሰዎች ግላዊ ሥልጠና እንደገና መክፈት።
  • ከቤት ውጭ ሃይማኖታዊ መሰባሰብ እስከ አምስት ሰዎች እና አንድ የሃይማኖት መሪ ይፈቀዳል።
  • ከቤት ውጭ ሰርግ ለማካሄድ እስከ አምስት ሰዎች ይፈቀዳል (ይህም ጥንዶችንና ሁለት ምስክሮችን ያካተተ ነው)።
  • ያለ ህጋዊ ምክንያት ወደ ክልላዊ ቪክቶሪያ ሲጓዙ ከተገኙ እስከ $4,957 ዶላር በቪክቶሪያ ፖሊስ ሊቀጡ ይችላሉ። እንዲሁም አብሮ ከማይኖር ጓደኞችና ቤተሰብ ከቤት ውጭ ከአምስት ሰዎች በላይ ሆኖ መሰባሰብ ሊያስቀጣ ይችላል። ተገቢነት ላለው ምክንያት እንክብካቤ ማድረግን ለመሰለ ካልሆነ ጓደኞችና ቤተሰብ ለጉብኝት ወደቤትዎ ከመጡ ሊያስቀጣ ይችላል።

ሶስተኛ እርምጃ: በአለፉት 14 ቀናት ውስጥ (በመላው አስተዳደር) በአማካኝ ከአምስት አዳዲስ ህመምተኞች (በመላው አስተዳደር) ካሉ እና የጤና ጥበቃ ኤክስፐርቶች ከተስማሙበት።

ከዚህ ጊዜ ጀምሮ:

  • ከቤትዎ ለመውጣት የሰዓት እላፊ ገደብ እና መጓዝ ለሚችሉት ርቀት እገዳዎች የለም።
  • ከቤት ውጭ ለመሰባሰብ የሚቻለው እስከ 10 ሰዎች።
  • ከሌላ ቤተሰብ እስከ አምስት ጎብኝዎች መቀበል ይችላሉ። ከአንድ ቤተሰብ የመጡ መሆን አለበት።
  • ያለን የህመምተኞች ቁጥር አነስተኛ ከሆነ እና የጤና ጥበቃ ኤክስፐርቶች ከተስማሙበት፣ ከክፍል 7 እስከ ክፍል 10 ያሉት ተማሪዎች ወደ ትምህርት ቤት ለመመለስ ይችሉ ይሆናል።
  • ሱቆችና የጸጉር ማስተካከያዎች እንደገና መከፈት።
  • ሬስቶራንትና ካፌ በውጭ መቀመጫ አገልግሎት ተደርጎ በ10 ሰዎች ቡድን ተደርጎ መክፈት ይቻላል።
  • ለጐልማሶች ከቤት ውጭ ሆኖ ሳይነካኩ ስፖርት ማድረግ ደረጃ ይመለሳል። እድሚያቸው ከ18 ዓመት በታች ለሆኑ ሰዎች (በመነካካትና አለመነካካት) በውጭ የሚካሄደው ስፖርት ይጀምራል።.

የመጨረሻው እርምጃ: እንደ ህዝባዊ ጤና ጥበቃ ምክር የሚወሰን በአለፉት 14 ቀናት ውስጥ ምንም አዲስ ህመምተኛ ከሌለ እና የጤና ጥበቃ ኤክስፐርቶች ከተስማሙበት።

ከዚህ ጊዜ ጀምሮ:

  • ከቤት ውጭ እስከ 50 ሰዎች መሰብሰብ ይቻላል።
  • በቤትዎ እስከ 20 ጎብኝዎች ማስተናገድ ይቻላል።
  • ሱቆች በሙሉ ክፍት ይሆናሉ
  • ሬስቶራንትና ካፌዎች ክፍት መሆን የሚችሉት ከ 20 ሰዎች ቡድን መጠን በውስጥ መቀመጫ አገልግሎት መስጫ እና በ50 ደንበኞች.ይወሰናል።
  • ስፖርት ሊጀምር የሚችለው በደህንነት እርምጃ አወሳሰድ ይሆናል። መነካካት ያለበትስፖርት መጀመር ለሁሉም እድሜ ላሉት ሰዎች።
  • ሰርግና የቀብር ስነ-ስርአት እስከ 50 ሰዎች መገኘት ይችላሉ።
  • ህዝባዊ የሃይማኖት ጸሎት ስብስብ በአራት ስክዌር ሜትር ርቀት ደንብ መሰረት ይካሄዳል

ኮቪድ መደበኛ/COVID Normal: ለ28 ቀናት የሚሆን አዲስ የቫይረሱ ግኝት ካልተፈጠረ እና በቫይረሱ ብክለት ከሌለ (በመላው አስተዳደር ግዛት)፤ እንዲሁም በአውስትራሊያ ውስጥ የቫይረስ ወረርሽኝ የማያሳስብ ከሆነና የጤና ጥበቃ ኤክስፐርቶች ክተስማሙበት ይሆናል።

ከዚህ ጊዜ ጀምሮ:

  • እገዳዎች የሚቃለሉት ወይም የሚነሱት ባለው ደህንነት ሁኔታዎች ተመርኩዞ ነው።
  • ከቤታቸው ሆነው ይሠሩ ለነበሩት ሰዎች ወደ ሥራ ቦታ የመመለስ ደረጃ አለ።
  • ለሰርግ ወይም ቀብር ስነ-ስርአት የቁጥር ገደብ የለም።
  • በቤት ውስጥ ለመሰባሰብ ወይም ጎብኝዎችን ለማስተናገድ የቁጥር ገደብ የለም።

የቪክቶሪያ ክልል

ሶስተኛ ደረጃ:

በክልላዊ ቪክቶሪያ ውስጥ ከምሽቱ 11.59pm በቀን 16 መስከረም/September 2020:

  • ከቤት ለመውጣት ወይም በቪክቶሪያ ክልል ውስጥ መጓዝ ለሚቻልበት የእርቀት ምክንያቶች እገዳ ተነስቷል።
  • ከቤት ውጭ እስከ 10 ሰዎች መሰብሰብ ይቻላል።
  • ከሌላ ቤተሰብ የመጡ በቤትዎ እስከ አምስት ጎብኚ እንግዶች ሊኖርዎት ይችላል። ጎብኚ እንግዶች ከአንድ ቤተሰብ መሆን አለባቸው። በነዚህ የእገዳዎች ጊዜ ሊጎበኝ የሚችል ሌላ አንድ ቤተሰብ ብቻ መምረጥ ይችላሉ። እድሚያቸው ከ12 ወራት በታች የሆኑ ህጻናት በዚህ ስብስብ ገደብ ውስጥ አይቆጠሩም።
  • ሬስቶራንትና ካፌዎች ክፍት መሆን የሚችሉት ከ 10 ሰዎች ቡድን መጠን በውጭ መቀመጫ አገልግሎት ይቀርባል።
  • ለጎልማሶች ሳይነካኩ ወደ ውጭ ሆኖ ስፖርት የመመለስ ደረጃ ነው። በውጭ ሆኖ ስፖርት የሚጀመረው እድሚያቸው 18 ዓመት በታች ለሆኑት ሰዎች (ብንክኪና አለመነካካት) ይሆናል።

የመጨረሻው እርምጃ: እንደ ህዝባዊ ጤና ጥበቃ ምክር የሚወሰን በአለፉት 14 ቀናት ውስጥ ምንም አዲስ ህመምተኛ ከሌለ (ክልል አቀፍ) እና እንደ የጤና ጥበቃ ኤክስፐርቶች ምክር ይወሰናል።

ከዚህ ጊዜ ጀምሮ:

  • ከቤት ውጭ እስከ 50 ሰዎች መሰብሰብ ይቻላል።
  • በቤትዎ እስከ 20 ጎብኝዎች ማስተናገድ ይቻላል።
  • ሱቆች በሙሉ ክፍት ይሆናሉ
  • ሬስቶራንትና ካፌዎች ክፍት መሆን የሚችሉት ከ 20 ሰዎች ቡድን መጠን በውስጥ መቀመጫ አገልግሎት መስጫ እና በ50 ደንበኞች.ይወሰናል።
  • ስፖርት ሊጀምር የሚችለው በደህንነት እርምጃ አወሳሰድ ይሆናል። መነካካት ያለበት ስፖርት መጀመር ለሁሉም እድሜ ላሉት ሰዎች።
  • ሰርግና የቀብር ስነ-ስርአት እስከ 50 ሰዎች መገኘት ይችላሉ።
  • ህዝባዊ የሃይማኖት ጸሎት ስብስብ በአራት ስክዌር ሜትር ርቀት ደንብ መሰረት ይካሄዳል

ኮቪድ መደበኛ/COVID Normal: ለ28 ቀናት የሚሆን አዲስ የቫይረሱ ግኝት ካልተፈጠረ እና በቫይረሱ ብክለት ከሌለ (በመላው አስተዳደር ግዛት)፤ እንዲሁም በአውስትራሊያ ውስጥ የቫይረስ ወረርሽኝ የማያሳስብ ከሆነና የጤና ጥበቃ ኤክስፐርቶች ከተስማሙበት ይሆናል።

ከዚህ ጊዜ ጀምሮ:

  • እገዳዎች የሚቃለሉት ወይም የሚነሱት ባለው ደህንነት ሁኔታዎች ተመርኩዞ ነው።
  • ከቤታቸው ሆነው ይሠሩ ለነበሩት ሰዎች ወደ ሥራ ቦታ የመመለስ ደረጃ አለ።
  • ለሰርግ ወይም ቀብር ስነ-ስርአት የቁጥር ገደብ የለም።
  • በቤት ውስጥ ለመሰባሰብ ወይም ጎብኝዎችን ለማስተናገድ የቁጥር ገደብ የለም።

ደህንንትዎን በመጠበቅ እንዴት መቆየት እንደሚችሉ

ኮሮና ቫይረስ (COVID-19) አሁንም ከእኛ ጋር እንደሆነና በፍጥነት መዛመት እንደሚችል ነው። ቤተሰባችንና ማህበረሰባችንን ለመከላከል ሁላችንም የድርሻችን መወጣት አለብን።

ደህንነትን ጠብቆ ለመቆየት እነዚህን ቀላል ነገሮች ማድረግ መቻል:

  • እጆችዎን በሳሙና እና በውሃ ቢያንስ ለ 20 ሰኮንዶች መታጠብ
  • ሲስሉና በሚያነጥሱበት ጊዜ በለስላሳ ወረቀት ቲሹ ወይም ክንድዎ ውስጥ ማድረግ
  • ከሌሎች ሰዎች ቢያንስ ለ1.5 ሜትር ተራርቆ መቆየት
  • ከቤትዎ የሚወጡ ከሆነ በአፍንጫዎና አፍዎት አካባቢ የፊት መሸፈኛ ማድረግ
  • ለምርመራ ወደ የርስዎ ህክምና አቅራቢ መሄድ
  • ከታመሙ ቤትዎ ይቆዩ። ቤተሰብ አለመጎብኘት ወይም ወደ ሥራ አለመሄድ
  • ማንኛውም የበሽታ ምልክት ካለብዎት ምርመራ ማካሄድና በቀጥታ ወደ ቤትዎ መሄድ።

ድጋፍ ይቀርባል

ላደረጉት የምርመራ ውጤት እስኪመጣ ድረስ ስለሚያጡት ገቢ መጠን የሚያሳስብዎት ከሆነ፤ የ $450 ለኮሮና ቫይረስ (COVID-19) ለምርመራ ለተገለሉበት ክፍያ ለማግኘት ይፈቀድልዎታል።

በምርመራ ውጤት ከተገኘብዎት ወይም ቫይረሱ ካለበት ሰው ጋር ግንኙነት አድርገው ከሆነ፤ የ $1,500 ክፍያ ሊፈቀድልዎ ይችል ይሆናል። የበለጠ መረጃ ለማግኘት ለኮሮና ቫይረስ ሆትላይን መስመር በስልክ 1800 675 398 አድርጎ መደወል። አስተርጓሚ ከፈለጉ ዜሮን (0) ይጫኑ።

እርስዎ ወይም የሚያውቁት የሆነ ሰው የጭንቀት መንፈስ ካደረበት ወይም አሳሳቢ ጕዳይ ካለዎት በሆት ላይን መስመር በስልክ 13 11 14 ወይም በብዮንድ ብሉ/Beyond Blue በስልክ 1800 512 348 አድርገው መደወል ይችላሉ። አስተርጓሚ የሚፈልጉ ከሆነ መጀመሪያ በስልክ 131 450 መደወል።

ለብቻዎ የገለልተኝነት ስሜት ካለዎት ለኮሮና ቫይረስ (COVID-19) ሆት ላይን መስመር በስልክ 1800 675 398 አድርገው መደወል እና ቁጥር ሶስትን (3) መጫን ይችላሉ። ከዚያም ከአውስትራሊያ የቀይ መስቀል የፈቃደኛ ሰራተኛ ጋር ይገናኛሉ፤ ከዚያም ከአካባቢዎ የድጋፍ አገልግሎቶች ጋር ያገናኝዎታል።

የፊት መሸፈኛዎች

እድሜው 12 ዓመትና ከዚያ በላይ የሆነው እያንዳንዱ የቪክቶሪያ ነዋሪ ከቤት ሲወጣ የአፍንጫና አፍ መሸፈኛ ላለማድረግ ህጋዊ የሆነ ምክንያት ከሌለ ማድረግ አለባቸው። ለምሳሌ:

  • የጤና ችግር ካለብዎት እንደ ፊት ላይ ከባድ የቆዳ ችግር ወይም የመተንፈስ ችግር ካለብዎት
  • ለብቻዎ ወይም ከርስዎ የሆነ ቤተሰብ ጋር መኪና ውስጥ ከሆኑ
  • ከባድ የአካል እንቅስቃሴ የሚያደርጉ ከሆነ ነገር ግን አሁንም የአፍና አፍንጫ መሸፈኛ መያዝ አለብዎት።
  • ከምሽቱ ሰዓት 11:59pm ቀን 11 ጥቅምት/October ጀምሮ የፊት መሸፈኛ ወይም አፍንጫንና አፍን የሚሸፍን ጭምብል ማጥለቅ አለብዎት። የፊት መሽፈኛን ብቻ ማድረግ አይቻሉም።

 

ስለ መመርመርና እራስን ማግለል

የኮሮና ቫይረስ (COVID-19) ማንኛውም ምልክት ካለብዎት፤ ምርመራ ማድረግ እንዳለብዎት እና የምርመራ ውጤቱን እስኪያገኙ ድረስ ከቤትዎ መቆየት። ወደ ሥራ ወይም መገበያያ ሱቆች ላይ አለመሄድ።

የኮሮና ቫይረስ ምልክቶች የሚያካትቱት:

  • ትኩሳት፣ ብርድ-ብርድ ማለት ወይም ማላብ
  • መሳል ወይም የጉሮሮ ህመም
  • የትንፋሽ ማጠር
  • በአፍንጫ ፈሳሽ
  • የሽታ ወይም መቅመስ ስሜትን ማጣት

የኮሮና ቫይረስ (COVID-19) ምርመራ ለሁሉም ሰው በነጻ ነው። በዚህ የሚካተት መዲኬር ካርድ ለሌላቸው ሰዎች፣ እንደከውጭ አገር ለመጡ ጎብኝዎች፣ በሥራ ለመጡ እና ለጥገኝነት ጠያቂዎች ይሆናል።

ለኮሮና ቫይረስ (COVID-19) በምርመራ ከተገኘብዎት፤ እራስዎን ከውሌሎች ሰዎች በክፍልዎ ውስጥ ማግለል አለብዎት። ለበለጠ መረጃ በምርመራ የኮሮና ቫይረስ (COVID-19) ከተገኘብዎት ምን ማድረግ አለብዎ የሚለውን (ቃል) ማየት።

የኮሮና ቫይረስ (COVID-19) ካለበት የሆነ ሰው ጋር በቅርበት ግንኙነት አድርገው ከሆነ፤ ለ 14 ቀናት በተገልሎ ማቆያ ውስጥ እራስዎን ከሌሎች አገልሎ መቆየት። ለበለጠ መረጃ በምርመራ የኮሮና ቫይረስ (COVID-19) ከተገኘብዎት ምን ማድረግ አለብዎ የሚለውን (ቃል) ማየት።

መገልገያ ምንጮች

እባክዎን ከታች የተዘረዘሩትን ቁሳቁሶች ይጠቀሙ እንዲሁም ለማሀበረሰብዎ በኢሜል፣ በማህበራዊ መገናኛዎች ወይም በማህበራዊ መረቦች ያካፍሉ።

ምርመራ ማካሄድና ከሌሎች ተገልሎ መቆየት

በደህንነት መቆየት

እርዳታ ስለማግኘት

የፊት መሸፈኛ